28-07-2011, 06:07 PM
28-07-2011, 07:09 PM
28-07-2011, 07:42 PM
28-07-2011, 08:17 PM
28-07-2011, 08:45 PM
|
المشاركة الأصلية كتبت بواسطة (أم جمانة)
اسمحيلي اسئلك :
كيف معاملتك معه طول اليوم هل مهتمة فيه طوال وجوده في البيت وجالسة معه وتشوفي طلباته وتتكلموا وهو محور حياتك والا منشغلة بحياتك وهواياتك وبنفسك؟؟ |
28-07-2011, 08:51 PM
|
المشاركة الأصلية كتبت بواسطة ساهر الماهر
ملاحظه
مدحتي في نظافتك واهتمامك وبعدين عندك شغاله في شوي تناقض عندك تقبلي تعليقي بصدر رحب الله يهدي النفوس وييسر امرك دنيا واخره تحياتي |
28-07-2011, 09:15 PM
28-07-2011, 09:39 PM
|
آخر مره قهرني لمن قال شوفي الحريم كيف يعاملون رجالهم ممكن شينات بس ريقهم حلو |
28-07-2011, 09:52 PM
|
المشاركة الأصلية كتبت بواسطة مليت!
معقولة مايجي الا بالعين الحمراء!
|
28-07-2011, 10:01 PM
|
المشاركة الأصلية كتبت بواسطة مليت!
صار اليوم موقف للحين طايرة عيوني منه!
تحذير: اللي بيمل لايكمل قراءة.. بوضح لكم إنه قبل يومين قال هالكلام وقتها بكيت من قلب حتى لمن دخل علي وشاف آثار البكي قال إن شاءالله تبكي دم وقام يسب ويذم عطيته ظهري وصرت مثل الطفل أبكي.. طبعاً طول اليومين صرت صاده كلامي مقتضب بس كلمته تاكل وتشرب معي وعرفت هالشي من الموقف اللي صار! شغالتي تعبت فجأة اليوم الظهر وصارت تستفرغ عطيتها مسكن وخليتها تطلع ترتاح وصرت أطل عليها كل شوي المسها وأشيك عليها المهم سكت ماقلت للباشا شي لأني حافظة كلامه بيقعد يتفلسف علي في أي شي وأنا مقفلة معي! قلت بتركها للمغرب إذا ماخفت وديتها يمكن مجرد وعكة صحية... ولمن جاءالمغرب عارفه يمكن مايرجع بعد الصلاة جيت وقعدت عنده مروقه وهادية شويتين قلت الشغالة كيت وكيت وكيت أي مستوصف أوديها؟ ( ساكنة جديد ماأعرف المستوصفات غير الحكومي) قال يمكن ضربة شمس قلت يمكن أنا تركتها قلت يمكن وعكه مو ضروري مستوصف لـ...ك..ن... قاطعني قال أنتِ الخسرانة! قصده لو ماعالجتيها أنتِ اللي بتتعبين طبعاً كلامي بتره كنت بقول بوديها المستوصف ... ( أنا أمنيتي لمن أحكي بشي يرد على قد السؤال مو شرط ينصح ويفهم كاني هبلة نافشة شعري! جاني برود وطالعته بطرف عيني قلت بلاش فلسفة ! أنا سألت أي مستوصف ! استغرب مني! قال فلسلفة! قلت ايه أقولك أي مستوصف تقول أنتِ الخسرانة! خلاص أي مستوصف وبس! قال: في النار أنتِ وياها! رديت رد للحين مستغربة منه! قلت وانت معانا!! قال كفوووووووووووو قلت ايه كفوو تبيني أدخل النار انا وياها وانت لا! قال انا زوجك! قلت وانا زوجتك ليش تقول هالكلام! رد روحي للي تبين وقمت تركته! قسم بالله أدري حوار بزران بس كنت مقهورة لمن قال الحريم يعرفون يكلمون رجالهم وذربات حسيت فيني قهرر اول مره أحاطيه بالأسلوب! واستمر الغضب معي سألت الأولاد قلت مين تارك النور مولع بالغرفة ومحد فيها! ( هو دايم يسألنا واحد واحد لو نسينا شي ويدعي ويهاوش وأنتوا وش همكم وفلوس عمك لاتهمك ومادري ايش) رد هو قال وش فيه؟ قلت النور مولع ومحد فيه مين تركه قال انا ثوبي هناك بتوضى وألبسه..سكت وقال شوفي ملابسي هنا مرميه ماأنشالت لها ساعة! ( النظيف المرتب يفسخ ويرمي بالارض ومتعود أشيل وكنت مهملتها عن قصد) قلت مو أنت النظيف المرتب اللي ماطلعوا العيال عليك! ليش راميها هنا سلة الملابس عندك أرميها فيها! وش اللي تفسخ وترمي!! ( معليش تحملوا سماجة سوالفي) قال وش فيك أنتِ وش فيك! حلوة وش فيني أستغرب تصرفاتي وكلامي! مو أنا اللي مو ذربة! ليش مستغرب! تركته وجيت بعد دقيقة قلت أبي فلوس كشفية الشغالة قال مامعي خليها يوم السبت عشان توديها حكومي قلت اوكي السبت السبت مافيه مشكلة قال وين المصروف اللي عطيتك قلت معليش انت سميت بدني لمن عطيتني الفلوس وجاني تهزيئ وإني مو ذربة ومافيني خير ماراح أصرفها للشغالة أوفرها لي رحت للمطبخ أشتغل واغسل لحقني قال وش تبين في الفلوس اللي عطيتك! قلت أشتري عطر ورج ميك آب اي شي يخصني قال لاتشترين أنتِ حقك علي تأكلين وبس قلت لاحبيبي اسأل أي شي يفتي لك عن حقوقي تراني ماني راضية عن شي قال وش فيك أنتِ؟؟ مستغرب كلامي وقوتي قلت معليش مو الشينات أفضل مني ويعرفون يتعاملون خلاص هذي أنا! بعاملك زي ماتعاملني قال وربي كاره وجودك.. قلت إذا كارهه 1% تراني كارهه وجودي معك مليون % أستغرب كلامي ورجع يقول كم تبين طال عمرك قلت مادري يمكن 100 أو 200 أو 70 رماها بوجهي وقال كلام وسخ قلت لا حبيبي مو أنا اللي ترمي الفلوس بوجهي ماعرفتني زين جمعها انت أنا مو أطرك هذي فلوس الشغالة وقعد يقول ياتتعدلين يا أطلقك ودايم يردد هالكلام قمت أهز راسي ايه ايه عارفة كل سيئاتي عارفتها نظرتك لي عارفتها حافظة كلامك ومنو أنا...كل حياتي معك توجيه ونصح ! قعد يقول للمره الالف وش فيك قلت وش فيني أنا أشتغل وأرتب وأمسح المطبخ انت اللي جاي عندي وتتكلم أنا أصلاً ما أبي أتكلم معاك لان الكلام مثل السكوت ماني طالعة بشي أدري بتقولون سخافات وبعذره أنا نفسي أقول سخافات وتفاهه وخجلت ,انا أكتب لدرجة مادري أرسل او أمسح بس لأني أبي الصورة واضحه يعني حتى كلامي قلته وبوضح أنا لمن يتكلم علي زوجي ممكن أرد بكلمة واسكت واتجنب المشاكل قد ما أقدر بس هالمره فيني طاقة غضب وعندي إستعداد أتهاوش معه للصبح طبعاً راح... وبعد وقت أتصل وانا مرتاعة أصلاً بعد ماطلع قلت يارب تكفيني شره هالليلة وش سويت بعمري أنا وربي خبلة رديت نعم سلم وكيف الحال ..وانا يمه وش هالرسمية بيقول ضفي عفشك! قلت الحمدلله قال وديتي الشغالة؟ قلت ايوى لسى دخلت قال وش فيها قلت شوية إحتقان ووصف مسكن وإنها مو محتاجة مضاد بس قلت للدكتور هذي جديدة وبغربة لو تحتاج مضاد أعطيها أفضل لأن الصداع لمن يحسوا فيه في غربة بيحسون الموت جاهم قال زيين جزاك الله خير ..انا لحظتها ارتحت كنت مشدودة وخايفة من هواش بعدين قال الحين الله يهديك ويجزاك بالجنة<< ياااي من زمان ماسمعت هالكلام منه اقولك وديها المستوصف تقولين تتفلسف! خخخخخخخخخخخخ في داخلي ضحكت لأني عارفه الكلمة قوية وهو متعود مهما ناقشته احترمه قلت الواحد يصير مصدع ماله مزاج تعبان نفسيته مو ذاك الزود ماله خلق سالت أي مستوصف وخلاص قال إذا مخطي بحقك سامحينا!!!!!!!!!!!!!!!!!!!!!! يااااااااااااااااي قمت أناقز قلت الله يسامحك ويسامحني ويخلي لي ولعيالك ,<<مو عيالي عيال الجيران خخخخخخخخ جد قفلت وقمت أناقز فرحانة حلو إنه حس بغلطة حلو يعتذر كبر بعيني مع إني خايفة من مواجهته لمن يرجع ممكن يطلع غضبه فيني بس عادي تعودت بس بنفس الوقت حيرني كلامي معه كان سلوك مو طيب بين زوجين ومو شي حلو يتكرر وشي أرفضه تماما معقولة مايجي الا بالعين الحمراء! وكمان هو مايحب المرأة اللي ترد عليه يشوفها مو أنثى! بجد أحترت في التعامل وحل الوضع الهمجي اللي عايشته! |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
