اذا عيبه عصبيته تناقشي معه وقت هدوءه وحاولي تفهمي منه ايش الاسلوب اللي يتمناه منك وقت زعله وطبقيه
لأن العصبي زي الطفل يحتاج من يحتويه ويتغاضى عنه وقت زعله ..


اسلوب وجداني رائع ومقنع في حل بعض المشكلات

سبحان الله رغم اني عصبيه وارد بس والله لما جرحني (اللي كان زوجي) وتكلم عن طلاقي السابق جلست لا ارادي وبكيت ورديت عليه قلتله عندك اربع اخوات واربع بنات تضمن مستقبلهم وتضمن ان زواجهم يتوفق مع اول زوج ؟
والله خجل من نفسه وعلى طول جاني وسلم على راسي بس من كثر مايغلط ماقدرت انسى كلامه ..
والحين كل ماحاول يرجعني اتذكر كلامه وارفض خوف من انه يجرح بكلام اكبر ذي المره .. لا حول ولا قوة إلا بالله

أختي الكريمة/موهبة الكويت
-الحمد لله على عودة المياه لمجاريها، وأسأل الله أن يصلح حالكم.
-يمكن استخدام هذه الطريق معها:
مدحه وذكر إيجابياته ثم الدعاء له..
بعدها تقولين
لكن لعلك تنتبه لهذه النقطة وهذه النقطة (ثم تذكرينها)
بعدها أضيفي
أظنك تستطيع تلافيها بفضل الله ثم حكمتك ورقيك
بعدها
امدحي
ثم
أغلقي الموضوع
:::
إما تتحدثين معه مشافهة بعد تجهيز نفسك نفسياً وعاطفياً وذهنياً بشكل إيجابي للحوار معه، وتخيري أوقات الهدوء والفراغ.
أو
اكتبي هذا في رسالة، واجعليها على مكتبه، أو بين أوراقه، أو في جيب أخد ثيابه (دشداشته).

اخي نهار التجديد شكرًا جزيلا على مرورك

قلت له نفس عالمان تقريبا تدري ماذا رد؟؟

قال اصلا انا محد يعوفني - يعني لا احد لايريدني-


وانا اللي طيرتها مو هي طارت عن

__________________
لا اله الا انت سبحانك اني كنت من الظالمين

خير الكلام ما قل ودل
روعه اختي نهار

شكرًا على مرورج اختي رواء

طبعا لما اقول ان لك بنات وان كما تدين تدان يقلب الموضوع

انتي حساسة وانتي ما تميزين الضحك من الجد وانتي وانتي وانتي

وبالنهاية أطلع الغلطانة


الله يهدي بعض الرجال على بالهم ان مافي رب عزيز ذو انتقام


الله يعينج ويآجرج في طلاقج ويبدل زوج خير منه

__________________
لا اله الا انت سبحانك اني كنت من الظالمين

جزاك الله خيرا اخي البليغ على متابعة موضوعي

و الحمدلله تكلمت معاه امس

بعد ما اتفقنا ان ما يعيد هالكلمة علي

قلت له لو قلتي هالكلمة مرة ثانية شنو ارد عليك

ما عطاني جواب وقالي ما راح أعيدها

الله يصلح فيما بيننا وبين المسلمين

اللهم امين

.....................


اشكرك على مرورك اختي ام العرائس

__________________
لا اله الا انت سبحانك اني كنت من الظالمين

اختي العزيزه

انا انصحك نصيحه لله

اذا شفتي الرجل اي رجل اخوك عمك خالك معصب تجنبيه او ابتسمي بوجه او ذهبي عن المكاان الي فيه هو

لان كل رجل لعصب مايعرف وش يقووول

لا الظغط في راااسه ينفجر والدم الي يفوور ينزل الين عينه يخليه يعتمي

يعني كوني افضل منه وتجنبيه او ابتساامه منك سااحره تخلي هذي العصبيه تزوول

والله يووفقك

تسلم اخوي الوزن الثقيل

انا ما احاسبه على كلامه وقت العصبية

لان ادري مو هو اللي يتكلم إبليس جالس يتكلم عنه



الله يهديه ويهدينا ويصلح الحال

__________________
لا اله الا انت سبحانك اني كنت من الظالمين

الله يعينك ويصبرك والله كلمته قويه مره وجارحه
حاولي انك ما تجلسين معه وهو معصب لان من الواضح
ان زوجك ما يقدر يضبط نفسه عند الغضب
اذا عصب انسحبي من المكان بكل هدوء
وانتبهي تجادلين معه وقت عصبيته لان في الاخير راح تصيري
في نظره انتي الغلطانه

شكرًا على مرورك soso
ربي يوفقج

الله يساعدني أني انسى هالكلمة

.............................



ارجو من الادارة غلق الموضوع

اذ ان المشكلة حلت والحمدلله

الا ان حصلت مستجدات فليس لي بعد الله الا انتم

__________________
لا اله الا انت سبحانك اني كنت من الظالمين