المشاركة الأصلية كتبت بواسطة غريب 2010

ما حبيت امر من دون ما ادعي لها

اسأل الله ان يشفيها عاجل غير آجل وجميع مرضاى المسلمين

والله يبارك في حياتها ويسعدها

المشاركة الأصلية كتبت بواسطة بنت الحكمي

الله يحفظك يا أطياف ويبارك فيك يارب و ما كان نفسي كتابتك وتفصيلك يخلص لأني أحب التفصيل وتفصيل التفصيل وفي ردك المفصل إللي أسعدني حقيقة و جدت فيه فوائد جمه وأنا إحساسي مثل إحساسك بالضبط بأنها حالتها نفسيه لا كن فيه شئ محيرني هيه ماكانت كذا بالترم الأول كانت دراستها عاديه لاكن إنقلب حالها بالترم الثاني ما أدري هل هيه كانت تعاني من إ كتئاب نفسي بس كانت حابسته في داخلها وتعرفي يمكن حصلت لها مواقف بالكليه والبنت جالسه
تكتم في داخلها ومع وفاة بنت أخوها إنصدمت وأنضغطت زياده وماقدرت تستحمل لاظروفها النفسيه ولا صدمتها بوفاة بنت أخوها
وأنا أمس أتصلت عليها أشوف وش سوت قالت راحت لشيخ يقرأ عليها وجلست تشكي لي إن زميلاتها أتصلوا عليها وقالوا لها إن درجاتها في الإختبار نسبتها نازله وتعبت نفسيتها زياده وقالت علشان أيام الغياب خايفه يعطوني حرمان وأنا قلت لها أهم شئ صحتك الدراسه ملحوق عليها إذا أنتي تحبي تأجلي ترم بيكون أفضل حتى تتحسن حالتك وجلست تسولف معاي قالت أنا يا أختي أحس نفسي طفشانه وزهقانه من الدنيا كلها وأنا صرت ما عاد أحس باللي حولي حتى أهلي يسولفون ويضحكون وأنا عايشه بعالم ثاني قالت بالأول كانت لي أحلام وطمو ح وأشياء أفكر فيها الحين ما أقدر أ فكر في أي شئ ولا أحلم بأي أحلام فكري صار مشتت ماعاد قدرت أركز على شئ صرت أقول لنفسي ليش أنا موجوده بين أهلي وليش خلقت بينهم وصرت أ كره إن اليوم هاذا بيجي بعده يوم آخر .
وأنا أستشفيت من كلامها إن البنت عندها حالة إكتئاب شديده ومسببه لها إحباط و يأس من الحياة كلها أنا طلبت منها أنها تواصل على الرقية وتشغل نفسها بحفظ القرآن الكريم طبعا هي مسجله في دار تحفيظ القرآن وقلت لها مارسي هواياتك القرأة والكتابه وأطلعي مع أهلك قالت لي وش الفايده أطلع برى شوي وأرجع نفسيتي تتعب قلت لها جاهد ي نفسك وشيلي هالأفكار من راسك أنتي بنت فيك خير لاتخلين وساوس الشيطان تتمكن منك ولاتصدقين هالوساوس هاذي كلها أوهام قالت أنا أفكر ليش خلقنا قلت لهاالله خلقنا لعبادته وخلقنا لنسعى في الأرض ونعمل صالحين ويوم الحساب يأتي كل عبد بما سعى وربنا خلقنا لحكمة الله سبحانه وتعالى أعلم فيها وأنتي تأملي في مخلوقات الله عز وجل وفكري فيها أنتي فكري بمخلوقات الله إشغلي نفسك بأي شغله أهم شئ لاتستسلمي لأفكارك السيئه ولما تجيك هالأفكار روحي توضئي وصلي ما أسطتعتي وأقرأي قرآن وأستغفري وسبحي إللي تقدرين عليه وقالت لي أنا متضايقه كمان من حاجه ثانيه سألتها وش هيه الحاجه هاذي قالت أنا في الكليه أشوف نظرات البنات فيها شئ من الشفقه عليه و يحسسوني إني مريضه قلت لها يتهيأ لك بس هما وش عرفهم بمرضك قالت أيام الغياب إللي غبتها حسوا إني مريضه وفهمت هاذا من كلامهم وتلميحاتهم ونظراتهم لي بالذات إنهم يشوفون شكلي نحيفه فأنا أحس فيهم وتتأثر نفسيتي منهم طبعا هيه البنت نحيفه من زمان نحف شديد مره ومع حالتها المرضيه زادت وأنا قلت لها أول شئ حتى لو عرفوا عنك إنك مريضه فهاذا قضاء الله وقدره والمرض مابه شماته والمؤمن مبتلى في نفسه وماله وولده وهاذا شئ من ربك والحمدالله على كل حال شوفي غيرك إللي عنده مرض سرطان وإللي عنده شلل نصفي وإللي معاق
كليا وإللي عنده فشل كلوي وكلهم صابرين ومحتسبين ويرجون الأجر والثواب من رب العباد ولايتذمرون ولا يسخطيون مما أصابهم من إبتلآأت من عند ربهم
فأنظري إلى مصيبة غيرك تهون عليك مصيبتك وعقبها قالت لي أنا أحاول إن مايكون تفكيري كذا لاكن ماقدرت يا أم سلطان أحاول أ كيف نفسي مع الواقع
وأتغير لا كن أتغير شوي وأحاول أتناسى هاذي الأفكار بس ترجع لي نفس الحاله قلت لها ماعليه جاهدي نفسك بذكر الله على قد ماتقدري ود عيت لها بالشفاء وأنهيت مكالمتي لها
وهاذا كان حديثها معي أمس فالبنت يمكن عندها حالة
إ كتئاب نفسي و بالنسبه للمساج بقول لها عنه وإن شاء الله ربنا يشفيها ويعافيها وقصة البنت الفلسطينيه فعلا قصه غريبه عجيبه وسبحان الله لكل داء دواء عرفه من عرفه وجهله من جهله .

وأخيرا أختي الفاضله أنا أسهبت معاك في ردي هاذا وشرحت لك عن حالتها أ كثر لأني ما أستغني عن رأيك السديد وحلولك النيره بارك الله فيك وفي مشاركتك الطيبه وشاكره لك وقفتك الثمينه في هاذا الموضو ع وأسأل الله أن يوفقك ويرزقك إللي نفسك تتمناه وربنا يحفظك ويحفظ لك أسرتك من كل شر ويبارك لك فيهم يارب.