يااختي كيف علاقتك بأمك ؟

انا من وجهة نظري تصارحي امك بمخاوفك عن الغشاء بدون ماتحكي قصة تحرش اختك فيكي

يعني قولي لها انك خايفه لاني وقعتي مرة وانتي صغيره او اي شئ مثل هذا

وخليها هي اللي توديكي للطبيبه

الام ستر وغطاء على بنتها

أنا عن نفسي قبل زواجي بشهر كنت مره متوترة من هذا الموضوع

لأنني تذكرت وأنا في ابتدائي كنت العب كوره مع اخويا في الحوش

فالكوره طاحت لبيت الجيران

ومن خفة عقلي رحت اتسلق الجدار عشان اروح اجيبها

ووقعت على رجلي من فوق الجدار والتوى كاحلي وتورم

الله على هذيك الايام بس

فلما كبرت وعقلت كنت خايفه اكون عورت نفسي يومها لأنني طحت على الارض ورجلي تحتي

المهم انا قلت لماما عن مخاوفي

وامي جلست تطمني وتقول لي مايأثر

ومافيكي شئ

وبعدين وسوست اكثر مني وخافت وقالت لي خلاص بكره بوديكي للدكتوره

لا والمضحك اني كلمتها هذاك اليوم واخواتي اللي اصغر مني ثنتين كانوا موجودين

وكل وحده تذكرت مواقف صارت معاها ايام الطفوله وكل التنطيط والقفز والتسلق اللي كنا نسويه مثل القرود

خخخخخخخخخخخخخخخخخخخخ

والثنتين يقولوا اذا عفراء تروح ودينا معاها عشان نتطمن على انفسنا احنا كمان

ههههههههههههههههههههههههههههههههههههه

وامي تصارخ علينا يومها وتقول انتوا مجانين

كيف اوديكم الثلاث للدكتوره

ايش تقول عني الدكتوره هذه لمت بناتها وجابتهم بربطة المعلم عشان تكشف عليهم

المهم امي ودتني للدكتورة ودخلت معايا

والدكتوره كشفت عليا وامي وراء الستاره تسمع

وبعدها الدكتوره طمنتنا وامي خرجت فرحانه وتدعي للدكتوره

وتحضني وتبوسني في العياده هههههههههههههههههههه

وأنا من يومها خلاص تطمنت وقعدت انتظر زواجي براحة نفسية

صدقيني الامهات ستر وغطاء على بناتهم

الله يطول باعمارهن ويحفظهن لنا

يعني ماتخافي روح كلمي امك وهي بتسوي اللازم