ربما يكون هذا جزء من الابتلاء والله المستعان.
ابذلي معه قصارى جهدك في النصح والموعظة وغيرها بلطف وبشكل غير مباشر مع استخدام الدعاء لعل الله يصلح شأنه، والتزام الصبر والاستغفار.
إن شعرتِ ذات يوم بضرورة الحديث معه، ولفت نظره لما يفعل، فاستخيري وتوكلي على الله.

احيانا اقول ليش انا اللي يصير معي كذا...وشوسويت علشان حياتي تصير كذا...
(ادري انة مايجوز بس احس اني مااستاهل الللي قاعد يصير لي)


والنصح والموعظة ...ماعمـــــــــري نصحتة (هو كبير مو صغير وعارف ان اللي يسوية خطاء بس للاسف التربية لها دور)

جربت مرة الطريقة الغير مباشرة انفهمت خطاء وانقلبت الاية علي(|ودائما اطلع انا الغلطانة وهو الصح)
انا متسااااامحة معة لابعد حد(وهذي غلطتي) ويمكن فهم الشئ هذا ضعف مني...
وانا والله مو ضعيفة ..بس اللي صار لي شل عقلي عن التفكير وصرت قليلة حيلة...
بغض النظر للحالة اللي وصلت لها حاليا...(سكووووت, وسرحان دائم, واكتئاب ,ومزاج سئ,وصرت مااحب الاجتماعات لاني ماقدر اجامل الموجودين)


ومن ناحية اني افكر اتكلم معة....صرت ماافضل اتكلم معة لاني مليت من المبررات اللي اشك بمصداقيتها...وكلة يكون نقاش عقيييم...انهية بقولة(تراي سامحتك)....وانا والله غضباااانة علية...
لانة سبب لي الم بيلازمني طووول عمري(اللي خدعني زوجي هذا اللي اهلكني )

مع العلم اني ماادخل احد للمشكلة...مو خوف لاوالله...بس ابي اعطية فرصة يتغير من نفسة...
بس ماادري الى متى؟؟؟

إختي اسمحي لي لو قسيت عليك لكن والله من صالحك ما ابي اجاملك وحط اللوم على زوجك فقط لأن هذي نصيحه.
وراح اقول ان حتى لو كان الغلط من زوجك لكن انتي تشاركينه في غلطه شئتي أم أبيتي لأنك ماعمرك قدمتي له نصيحه؟!؟

إختي عمر الإنسان ماهو دليل على نضجه الفكري أو العقلي أو حتى على قوة الوازع الديني عنده! حتى لو كان أكبر منك ب 10 سنوات يكمن انتي انضج منه فكرياً وأكثر قوه وصلابه في إيمانك اللي ينهاك عن اشياء مُحرمه!

النصيحه اختي الكريمه ماهي إلا جُرعات إيمانيه تزيد من إيمان الشخص وتوجيهه لكن لاتتوقعي ان نصيحه وحده او جلسة نقاش وحده راح تكفي! لا بل التكرار ودائماً اعرفي ان الأمر الناهي عن المحرمات هو إيمان الشخص وحنا نعرف ان الإيمان يزيد بالطاعه وينقص بالمعصيه! وانتي بنصايحك راح تزيدي من الجرعات الإيمانيه عنده وراح اشبهها مع فارق الشبه بالتطعيمات الطبيه المجدوله للإنسان فاللي مايخذها بوقتها ويهملها بيكون أكثر عُرضه للأمراض من الإنسان اللي محافظ عليها!

انتي اخطأتي بحكمك على انه كبير ومو محتاج نصيحه وأيضاً اخطأتي عندما قلتي "مليت" لاتخلي لليأس باب عليك وتماماً ايضاً اخطأتي بتقديرك للنقاش انه عقيم! يمكن بالنسبه لك لكن اخذيها مني نقاشك مو عقيم حتى لو ما اظهر اي تأثير. بينه وبين نفسه وهو طالع ونازل وراكب في السياره بيفكر فيه حتى وان لم يتبين لك الأمر. ان وقفتي فهي خسارتك وان استمريتي بحدود النصح والنقاش باللباقه من دون استخدام "انت" وصيغة الأوامر والإتهامات المباشره فراح يفكر ليش هي دائماً كذا! معقوله انا ذنبي كبير وغلطان لهالدرجه؟ اختي هو يدري انه غلطان لكن الإستمرار بالمعصيه يميت الإستشعار "بعظمة" الذنب المُقترف وتذكيرك ونصحك يجعله يدرك ذلك

تمنياتي لك بالتوفيق
أخوك سيف

يا اختي ما عليك سوى بالصبر والدعاء هي صدمة لكن قدر الله

خذي الامر على انه ابتلاء واحتسبي الاجر عند رب العباد


وقلوبنا معك حبيبتي كان الله في عونك واصلح لك زوجك دينا ودنيا .

__________________

امين يالغالية....
والله يسمع منك..

كان الله في عونك ، هناك عدة نقاط أحب التنبيه عليها :

- الهداية حق محض لله ، يهبها من يشاء وينزعها ممن يشاء ، نسأل الله الهداية
- الثبات على الإستقامة وطريق الهدى والصلاح متيسر حتى وإن كان الطرف الآخر مقصر
ولا أدل على ذلك من قصة نوح مع زوجه ولوط وزوجه وآسية بنت عمران مع فرعون ..

- قد يكون العيب فينا ، نذكر الناس بمعاصيهم ونتفكه بهم في مجالسنا ونفرح بإلتزامنا فنعاقب !
لا تشمت بأخيك ، فيعافيه الله ويبتليك

الخلاصة : صححي النية وأقبلي على الله اقبال التائب النادم المعترف بجرمه وذنبه ، اسألي الله
سؤال أضعف الخلق وأشدهم تفريطا ، ولا تذكري أحداا من خلق الله بسوء ، واصبري على زوجك
وبإذن الله تجدين النتيجة فيه و في ذريته ....

بالتوفيق

النقطتين اللي ذكرتيهم فعلا مهمات...
لان احيانا اتراخى بقراءة القران..او صلاة الليل....بحجة اني تعبانة وانا موتعبانة ...بس اكون متضايقة...
وافضل اجلس اقلب الافكار براسي....

الله يثبتنا على الايمان وطاعة الرحمن...
شاكرة لك ...وجعلة الله في ميزان حسناتك...

السلام عليكم
الدنيا دار ابتلاء وامتحان اللى يعين المبتلى فيها
الله يفرج همنا وهمك وحاولى تقرأين عن حال المؤمن المبتلى وكيف يتعامل ويتصرف والله ترتاحين كثير اقولك عن تجربة والدنيا دار عبور ومايضرنا فيها المصائب القليلة اللى تحصل فية حديث عن الرسول صلى الله علية وسلم للاسف مايحضرنى
انه (من كان همه الاخرة اتته الدنيا راغمة )
اللهم انا نسألك حسن الختام
وهذا حال اغلب المتزوجات مرة سمعت فوزية الدريع فى برنامجها تقول لو كل متزوجة صار لها موقف وطلبت الطلاق عزة الله كل بنات الخليج فى بيوت ابائهم

والله صدقتي....
الحين الحمدالله....عبادتي لربي صارت افضل نم قبل ...وصرت احب صيام التطوع...
واسال ربي انة يرضى علي.....

الله يكون في العون
هو فعلا ابتلاء
لكن وصلت الى قناعه
صحيفته فليملءها بما شاء
كل نفس بما كسبت رهينه
ماهو صغير ولا مجنون عشان ما يقدر يفرق بين الصح والغلط
والحلال والحرام

__________________
يارب
فوضت اموري اليك