تقدم لخطبتي رجل متزوج
السلام عليكم ورحمة الله وبركاته
أخواني وخواتي هاذي اول مشاركه وانا متابعه دايم لمواضيعكم واشوف تفاعل كل الاعضاء مع كل واحد وحده محتارين الله يجعلها في ميزان حسناتكم
وكنت دايم اقول في بالي بيجي يوم وراح استشيركم في موضوع والحين هو جا الموضوع
انا محتاره في امري وحبيت استشيركم لأني واثقه انكم بتنصحون لي نصيحة اخ لأخته واخت لاخته
بقولكم موضوعي
انا مطلقه وعندي طفلين عمري بالعشرينات تقدم لي واحد متزوج وعنده زوجته عمره واحد واربعين تقريبا يسكن في منطقه غير منطقتنا تبعد عنا تقريبا 900او اكثر اشوي
انا مبدئين ماكنت مفكره اني اتزوج واحدعنده زوجه مو عشاني ماني كبيره لا لأسباب كثيره اولهاواهمها ما ابغى
اكون سبب تعاست او مضايقة انسانه لان مافيه انسانه ترضى زوجها يتزوج عليها حتى لو كابرت وقالت راضيه اكيد فيه ضغوط ومن اولها اتوقع الزوج
لكن هو يقول زوجتي موافقه
وسبب زواجي انها هي مو متعلمه اتهتم في نفسها ومو حلوه وهو يبغى وحده حلوه يبغى كلام حلويبغى متعلمه
هذا على كلام اخته لاختي
وقالت انه هو مايحب زوجته ولو يحبها مافكر يتزوج عليها لكن هو يقول انا بعدل بينهم وكل وحده في بيتها وكل وحده لها ليله
وقالت انه يقول بيحط عيالي في عيونه
وقالت انه متقاعد تقاعد مباكر وانه ماديا ماعليه مرتاح مره
لكن والله العظيم محتاره ا ول شي افكر في زوجته لاني مافكرت ابد اني بتزوج واحد معاه زوجه
وافكر في ضناي اخاف الزوج يقسى عليهم او لما اتزوج ابوهم ياخذهم مني
وافكر في البعد لأني بكون بعيده عن اهلي
تكفون انا اختكم لاتبخلون علي بردودكم ومشورتكم
ابغى اشوف راي اخواني لي وابغى اشوف راي خواتي لي
ابغى اشوف تجاربكم مع الحياة
ولاتعتبرون نصحكم او مشورتكم لي قسوه او بزعل لاوالله
كل رد منكم وربي يفرح قلبي لان رايكم يهمني
انا واثقه انكم ماراح اتقصرون معاي بـ ارائكم
الله يوفقكم ويسعدكم ويرزقكم دنيا وآخره
__________________
دعواتكم لي بظهر الغيب ان الله يوفقني
ويرزقني بالزوج الصالح الي يسعدني انا وعيالي
وان الله يكفيني شر ابوهم اللهم آمين
التعديل الأخير تم بواسطة وردة بين الثلوج ; 10-01-2011 الساعة 11:12 PM
10-01-2011, 07:32 AM
ضوابط المشاركة
العرض الشجري