مساء الخير..

نكمــــــــــــــــــــــــــل..



بس قبل ما أكمل ماراح اعلمكم بالبداية وين كانت رحلتنا ليوم الأحد ..

لأنه لها سالفة صغيروووونة ..بس حسينا شوي اننا دلخ..

أمس قلت لكم رحلتنا للرافتنج.. وشلون كنا ناقعين بالماي..

وبصراحة الواحد كان كاره نفسه شوي.. لأنه الطريق كان طويييييل.. وملابسنا مبلولة.

طبعا أنا عن نفسي ما حبيت أغير ملابسي عندهم مع أنه عندهم أماكن للتغير..

لأني شوي شغلانه.. ملابس وعباية وطرحة ونقاب .. يعني ماني خفيفة.. فأكتفيت أني غيرت لبنتي وبس..

وزوجي حب يشاركني الوظع فهو بعد ما غير.. فوحنا ماشين بالطريق قالنا السواق:

هذا جبل.. تبون أوقف عشان تصورون












قلت لزوجي: لا يا معوود مالي خلق شينزلني وأنا أرجق بالماي!!!

وبعدين الجبل مو عجبه!!

الحمد لله شبعانين من الجبال مدري على ايش السواق عاجبه الجبل


تبون تقوليون أجل شلون رحتوا للقهوة!!؟؟ وانتوا مبلولين؟؟

عاد هنا سر المهنة ما اقدر أقول لكم شلون غيرت!!1:14:
..


المهم بعد ما رجعنا البيت ونمنا ..من بكره اللي هو تقريرنا حق يوم الأحد

..قال السواق: وين تبون تروحون اليوم؟؟
قلنا له : نبي البركان..
هو :


قال أمس كنا عنده وانتوا عيتوا تنزلون!!!!!


قلت : شدراني انه الجبل هو البركان !!!

المهم طقينا الطريج مرة ثانية عشان نشوف البركان..

فاضين ما عندنا شغله..

وهذي هي الصور..















قعدنا بمطعم مطل على البركان وبس.. ما رحنا عنده وصعدناه..

لأنهم قالو لنا أنه متعب .. وريحة الكبريت تشق الراس .. وممكن يحصل تسمم.. فأكتفينا بالشوف فقط ..

وبعدين رحنا لبحيرة قريبه من البركان وهذي صورتها..







طبعا الرحلة هذي ما فيها أكشن لأننا أنصدمنا يوم قالنا السواق أمس مريت فيكم على البركان فصابنا إحباط.. بس ما علينا .. عشان المرة الثانية ما نتليقف ونقول لا مانبي..

بعدها رجعنا للمنتجع حقنا عشان بعد يمدينا نسبح بالمسبح قبل لا تظلم علينا..



وهذي صور الطريق وحنا راجعين..










بس ما عليكم رحلة يوم الأثنين أحلى..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

نكمـــــــــــــــل..




يوم الأثنين.. كالعادة.. قمنا من النوم .. توجهنا للفطور..






أفطرنا وخلصنا.. بس هالمرة إحنا اللي انتظرنا السواق مو هو اللي انتظرنا
فقعدت أصور باللوبي على ما يجي المحروووس


وهذي صورة بانورامية..



















المهم جا السواق .. وكانت رحلتنا لمربض الفيله

بصراحة الصورة هذي أول مرة تصادفنا في الطريق سيارة قديمة..
الغريب في الأمر.. أنه كل سياراتهم موديلات جديدة.. والقديم منها عادي مو مهربش وماكل عليها الزمن!!

هل عشان عندهم أمطار وعلى طول السيارات نظيفة وتلمع..

أو ما عندهم كثير حوادث وتعدم سياراتهم!!


ما أدري المهم.. ما علينا..










وصلنا للفيلة.. وقعدنا بالأنتظار عشان نطلع الفيزا أقصد نقطع البوردنج أقصد تذكرة الفيل
قالوا لنا تبون لفة مدة ساعة مع وجبة غدا.. ولا تبون بس لفة !!

قلنا لا طبعا نبي معاها وجبة غدا..






جا فيلنا.. وصورته قبل لا نركبه.. وهذي خشيشته..




بصراحة فرقته تووووووحفة.. لا ولونها برتقالي الظاهر محنينه..




هنا وهو ماشي فينا..





هذا المنظر وحنا على ظهره..






وهذا واحنا على ظهره.. هنا الظاهر واضحة الفرقة حقة الفيل..





مازالت الصور وحنا بعدنا على ظهره





هذي صورة المطعم الللي تغدينا فيه عندهم..







وحنا نتغدا مر فيل وشايل معاه ناس .. وصورتهم.. وطبعا اللي يركبه لازم يمر فيه بداخل هالبحيرة.

.




عاد تغدينا .. وكان الأكل لذييييييذ..

وطلعنا..







انتهت رحلة الفيلة .. وبصراحة .. التجربة أمتع من الصور والكلام.. يعني تستاهل العنوة..




المهم وحنا راجعين للبيت..

كنت اشوف عموما.. موبس بهذا اليوم طول ما حنا نمشي بجزيرة بالي .. اشوف شي مثل هذا..














فـ أنا وزوجي قاعدين نحلل الشي هذا!!

لانه موجود عندهم بكثرة.. أو مو بكثرة.. الديرة كلها لازم فيها هذا الشي..


قال زوجي يمكن هذا معبد!!

قلت : اووووف لهالدرجة كثيييييير يعبدون.. طبعا الديرة فيها هندوس وبوذا..

قلت له لأ يمكن هذي أستراحات مثل اللي عندنا

المهم عشان نقطع الشك باليقين.. سألنا السواق .. والسواق مسلم..

قلنا له وشو هذا الشي؟؟

قال هذا حق طقوس هندوس

قلنا له يعني مثل المسجد عندنا؟؟

قال : لاااااااا.. هذا إذا مات الواحد يحرقونه .. وبعد مايصير رماد يعبونه بعلبه ويحطونه تحت هذي القبب اللي شفتوها!!!

قلت : ياربيييييي أجل حنا ساكنين في مقابر!!!

بصراااااحة الواحد ما يحس بنعمة الإسلام إلا لما يشوف تخلف الناس في معتقداتهم..


ــــــــــــــــــــــــــــــــــــــــــــــــــ ـــــــــــــــــــــــــ


انتهت رحلة يوم ما قبل الأخير في جزيرة بالي.. انتظروني في أخر يوم من جزيرة بالي..

وأول أيام منطقة بونشــــــــــــــــــاك..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

ما شاء الله تبارك الله ...

صراحة لست من متابعي التقارير وإذا حصل وتابعت أمر على الصور بس ما أقرأ ....


بس هنااااا غييييير ....


أحسك معلمة او كنتي تبين تصيرين معلمة ....

خليتيني اتابع غصب ...

في انتظار البقية بفارغ الصبر

ماشاء الله ررائع التصوير والطبيعه الصورة البنوراميه مره خطيره في انتظار الباقي

__________________
ياررب ارح قلبي وعوضني خير

ماشاء الله تبارك الله التقرير روعه واسلوبك

صراحة تجذبين الواحد

والجو خيالي


تصدقين تو ادري عن هالجو وانا اشوف جماعتنا طايحين هناك آثاريهم بربيع

الله يعطيك العافيه يااارب

__________________
كبرنا كثيرا" يارفقه 8-8
ولم تُعد آآيامنآ كماكانت بسيطه

ماشاء الله تبارك الله ..


تقرير ممتاز ..


متابعين ..


حفظ الله لك بنتك وزوجك ,,


أسعدكم المولــى في الدارين ..

__________________
حَسْبِيَ اللَّهُ لا إِلَهَ إِلا هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ

صراحه

أبدعتي تقرير عفوي وسلس جداً
وممتع للقارئ والصور خطيره..
متابعه وبانتظار تقاريرك القادمه

__________________
.. ربي لك الحمد والشكر ..

مشكورة يا قلبي على الكلام الحلو.. و متابعتك لموضوعي..

أما سالفة المعلمة هذي اللي ما جت.. مع اني خريجة تربوي.. لكن رافضة التدريس جملت وتفصيل..

ما أحب التدريس

مع اني بالذات التطبيق العملي أخذت فيه أمتياز .. لكن عجزت أحبه!!!!

وشكلي اليوم وبكرة ما راح يمديني أكمل الموضوع.. عارفة نهاية اسبوع وجمعات وخرجات ..

انتظروني يوم الجمعة بالليل إن شاء الله أكمل..



ياقلبي عليك .. هذي المشاركة الثانية لك.. إن دل فهو يدل على متابعتك للتقرير..

انتظروني يوم الجمعة بالليل..


هلا وغلا.. مشكورة حبيبتي.. هو فعلا الجو فوق الروعة.. بس في نقطة مهمة .. أعتقد الكل عارفها.. وهو انه الجو عموما عندهم حار رطب.. لكن في الأماكن المرتفعة يصير الجو شي خرااااااافي..

جزيرة بالي تعتبر حارة رطبة.. ومنطقة بونشااااااك شي..




مشكور على مرورك.. ومتابعتك.. والدعوات الطيبه..

لكن هل إرفاق ملفات الفديو ممنوعة ولا لأ؟؟

ياليت تعطوني جواب..

مشكورة يا قلبي .. انا كل هدفي أعيشكم الجو


إن شاء الله أكمل كتابت التقرير يوم الجمعة لكن إن حبسني حابس فمحلي حيث حبستني

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

مسا الخير والخيرات..


أعتذر وبشدة لكل المتابعين لموضوعي عن التأخير..

بس أنا قلت: فإن حبسني حابس فمحلي حيث حبستني..



اليوم تقريرنا عن أخر يوم لنا في جزيرة بالي..

كالعادة..


قمنا الصبح.. أفطرنا .. ولقينا السواق ينتظرنا.. وكانت رحلتنا لـ البحيرة و حديقة الورود..

صورة للطريق..








وصلنا للبحيرة وكان الجو فوووق الخيال..


واستأجرنا لنا بوت..









شايقين الشي الأبض اللي تحت؟؟
هذا عبارة عن منتجع..




بصراحة على الرغم من روعة المنظر.. في شي يحسسكم بالرهبة..
من ضخامة الجبال سبحان الخالق..




















هذا المنتجع من قريب..


















خلصة جولتنا بالبوت.. ورحنا قعدنا بكفي مطل على البحيرة.. زوجي طلب شاي.. وأنا طلبت موكا..

ما صورته لكم لأنه الكميرا تقوووول : خلاص بخلص شحن..


فذوقيا مني سكرتها بكل إحترام .. وقلت عشان يكفيني شوي لحديقة الورود..


طلعنا من البحيرة متجهين للحديقة..

بس وقفنا عند محطة بنزين .. بصراحة الديرة مررررررره مهتمة بالمحطة!!
خضار وورود أشكال وألوان..
البقالة اللي بالمحطة تفتح النفس.. شي مرتب وراقي..

مو مثلنا .. بقالة المحطة كلها لصقات لمدرس خصوصي.. واستكرات دعاية فوق بعض رايح لونها من صقعة الشمس


المهم ..

وصلنا حديقة الورود .. بس مثل ما قلت لكم.. ما صورت كثير لأنه الهانم ما ساعدتني..
















بكذا خلصت رحلة أخر يوم.. ورجعنا للبيت..



من بكرة .. صحينا الساعة 11..ومرينا على كارفور عشان نبي نشتري مومري وبطارية إضافية.. بعدين تغدينا ببيتزا هت وبعدها طلعنا للمطار.. لأنه طيارتنا الساعة 2 الظهر..


الطيارة صار عليها تأخير.. المهم وصلنا لجاكرتا الساعة 7 ونص..

صلينا المغرب والعشا.. ولقينا السواق اللي متفقين معاه ينتظرنا برا عشان هو اللي راح يطلعنا للجبل..
اللي هي مدينة بونشاك..

المدة تقريبا ساعة ونص من جاكرتا لبونشاك..

وصلنا الساعة 9..




خلااااااااص هلكانين وجوعانين



قلنا للسواق أول شي نبي مطعم نظيف ومرتب..

قال: تبون مطعم مندي؟؟

نطينا بحلقه وقلنا : فيييييييييييييييه؟!!

قال: اي..

رحنا وبصراحة تفاجأنا

أول شي قسم للعزاب وقسم للعوايل:14:

والعوايل كل واحد له كبينه.. يعني راح أتحرر من النقاب وأكل براحتي

والأحلى أنه مصمم على الطريقة الشعبية..









ثواني وراجعة..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

رجعت..









خلصنا ونزلنا.. ورحنا ندور سكن..

..



كثير مدحوا لنا الفلل.. وأنها حلوة ويقدر الواحد يطلب شغالة.. ترتب وتطبخ

بس أنا بصراحة خواااافة..

فقلت لا أنا عن نفسي أبي مجمع فلل أو فندق أأمن..

رحنا لأفضل فندق أسمه سيروني 3..

وهذي الغرفة..

















هذي الصورة الصبح من البلكونة..









جطينا راسنا ونمنا.. استعداد لرحلة بكرة..



أنتظروني..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))