شي حلو انك تسولفين يا ليتني اتكلم مثلك ما شاء الله عليك بس بشرط بعيد عن التحدث في امور خاصه
يعني سولفي بس بحدود لا تقولين كل اللي يطري على بالك

اتوقع الحل انك تحطين ببالك ان اي سالفه راح تقولينها سواء مشكله بينك وبين زوجك او عيب في أهل زوجك او اي احد ثاني راح يكون فيه شماته من الناس اللي تتكلمين معهم حتى وإن اظهروا لك انهم مستانسين على سوالفك وهم من وراك وفي غيابك ماخذين سواليفك حديث مجالسهم


يرضيك تكون عيوبك ومشاكلك في كل بيت وعلى كل لسان ؟؟ نصيحه احفظي اسرار بيتك والله محد راح ينفعك بالعكس بيضرونك لو استشرتيهم في شي طبع الحريم كذا

__________________
دعاء لجلب الرزق وسعة العيش بإذن الله اذا ضيق عليك في الرزق فقل :
( حسبنا الله سيؤتينا الله من فضله إنا الى الله راغبون )

مو مشكلة ...

بما انه الناس ما تقدر تنقل الكلام الا مبهر ومملح وبما انه الناس تحب تنقل كل كلمة تسمعها راح يجي يوم وتدور كلمة قلتيها عن زوجك مثلا بين الناس وتلف وتدور الى أن توصل لزوجك بس مع البهار والملح ووقتها تحملي الموقف واتحملي اللوم .... بس لا تحاولي بعدها انك تكوني محل سر أحد لانه راح يكون معروف انك رويتر ...

تذكري دائما انه ما حد يهتم بمصلحتك اذا انتي ما اهتميتي فيها ... ولما تشتكي تكوني ودك تلاقي حل أو أنك تفضفضي على أمل يخف تأثير المشكلة عليكي لكن يروح من بالك انك تزيدي المشكلة تعقيد بكلامك لانه لازم وحتما بيوصل الكلام لصاحب العلاقة ... والناس اللي تكلمتي أمامهم ما راح يحاولوا يحلوا مشكلتك أصلا لانه عندهم ما يكفيهم وقاعدين حتى يتسلوا ...
خلي شكواك لله عز وجل وبينك وبين نفسك ...واذا ما قدرتي أكتبيها بورقة واقرئيها وبعدها قطعي الورقة وارميها ...واذا ما نفعت الطريقة ولا بد ولازم تكلمي أحد كلمي والدتك أو أختك ..أحد يكون ثقة امين على سرك ... وتذكري انه ممكن صديقتك تكون اليوم تحبك ويهمها ّامرك لكن اذا خاصمتيها بتنقلب عليكي وتقول كل اسرارك ...

صح الانسان اذا ربط لسنانه يصير غامض والناس تحتار فيه وهذا غالبا مايسيطر على من حولك ويحسسهم انك قوية
ونفسي نفس الوقت من كثر الضغوطات النفسية الواحد محتاج يفضفض بس يقول كلام زين او يسكت
انا احيانا لا قابلت احد صديقاتي رغم انهم محدودات اصير اخربط واحكي اي شى المهم احس من داخلي اني ابغى اتكلم
بس بالاخير اقول ليتني جلست ثقيلة مع الكل ورسمية اروح اجلس عند البحر واكلم نفسي ابرك
اذا اقرب الناس ماسمعوك الناس اذا سمعتك راح تنتقدك
فالسكوت نعمة بس الي يقدر على الصمت
وياليت صمتي يقدر يبوح باللي بداخلي ...
Jـــــــــــــــــــــــــــــــــــــــــــــــــ ـــ
يااختي صدقتي انا مثلك لذلك اعز نفسي ولااتكلم مع الناس الا امورا سطحية والتجا الى المنتدى لافضفض

__________________
النفوس هي النفوس بس فيها اليوم حقد ...
و( القلوب ) نفس القلوب بس ماتقدر تحب .. اللهم صلي على محمد

__________________
((...وان فاطمة سيدة نساء اهل الجنه ))