أختي في الله أنتي عم تنظري للنصف الفارغ من الكأس
أنا متزوجة حديثا وكل البنات يحسدوني على زوجي الله يخليلي ياه لانك متل ما وصفتي زوج اختك مودرن او ستايل وانا هيك كنت حب فيه ايام الخطبة بس بعد الزواج اكتشفت انو هاد الشي ما بيعني شي ولا بيضيف اي ميزة لحياتي معه انما حنيته وعاطفته واحترامه الي هن يلي بحببوني فيه اكتر واكتر وانه ستايلي او مو ستايلي شي مو مهم ابدا ولا بفكر فيه

وتسمعي مني اختي صارحي نفسك انتي مو غيرانة من اختك على زوجها بقدر مو غيرانة منها على الشغلات المادية لا تفهمي قصدي غلط بقصد الحفلات والفساتين الجديدة والهدايا والاهتمام والرومانسية وهي العروسة هلأ وزوجها العريس وانتي صرتي "حسب نظرتك للموضوع" مو محط اهتمام عم قلك هالحكي لانه اختي مرت متلك بنفس المرحلة لما انا انخطبت مع العلم انو زوجها من احسن الرجال بالعالم وبحبها بجنون وبعاملها احسن معاملة وبعدين نصحتها ووعيتها لما تدمر حياتها بهي الافكار
أختي تعوذي من الشيطان الرجيم يلي رح يبعدك عن زوجك وعن اختك وانظري لايجابيات زوجك وبكفيكي الحنان اعظم شعور بالعالم ونصيحة لا تقارني زوجك بأي انسان بالدنيا بتخسريه وبتخسري نفسك