أريد الزواج والعفة و لكن !!!(المشكله حلت ولله الحمد)!
السلام عليكم
ممكن البعض يعرف مشكلتي الي كتبها قبل شهرين
السالفه الحين الشيطان يفر مخي فر
قسماً بالله لي حدود ممكن شهر بسافر خارج البلاد وعارف ان سفري راح يكون فيه معصيه لله يعني ....
وكنت ادعي ربي في سجودي ان ربي ما يسهل لي السفره اذا كان فيها معصيه له والحمدلله كل ما قررت امشي جاء شي وعطلني عن السفر
والله اني احمد الله وشكره على عدم تسهيل لي السفر
انا ابي اتزوج خلاص مليت من العزوبيه الي اصغر مني عندهم ولد ولا بنت والي في سني عندهم على اثنين صرت ما احب الجمعه صرت امل احب اجلس لوحدي
وامي الله يهديها حاطه بنت في راسها ولا تبي الا هي
ولو عصيتها و تزوجت غير البنت الي تبي راح تكون مشاكل بينها وبين زوجتي وهذا الا ما ابيه
والله ما ابي امي زوجتي يكونو اعداء
تكلمت معها وصارت هوشه وزعلت علي وصرت ما اكل لين تبهذلت صحتي
اقول في نفسي ياولد العن الشيطان وخذ البنت الي امك تبيها وصبر ولعل الله يحبب البنت لك ويجعلها لك خير ومرات اقول خلك عزوبي احسن بس خوفي من اني اطيح في الزنا والله ثم والله هذا خوفي
لا احد يجي يقول اقنع امك امي راسها مقفل يعني مافيه امل
طبعاً للعلم البنت الي تقول عليها امي انظر لها عايدي يعني لا احبها ولا اكرها
وطبعاً لو كتب الله وتزوجتها ما راح تنظر مني ابد يعني سعادتها وراحتها راح تاخذها ولا راح تدري عن الي في قلبي ابد لأن من طبعاً اكتم في قلبي ولا ابوح بالشي الي راح يسبب مشاكل
مخي قفل ممكن اصبر لين بعد العيد بس بعدها الله يستر وش يصير
شيرو علي فهموني
اليوم الجمعه وفيه ساعه مستجابه
اتمنى ان تدعون لي من قلبكم بأن الله يفتحها في وجهي ويفرج همي
مليييييييييييييييييييييييييييييييت من كل شي
اسف على الاطاله بس من الغبن الي فيني
الإشراف / تم تغيير العنوان ليتفق والمضمون . شكراً
التعديل الأخير تم بواسطة !!حنيين!! ; 18-07-2008 الساعة 11:26 AM
18-07-2008, 01:27 AM
ضوابط المشاركة
العرض الشجري