واضح من اسمك انك فرحانة فيه

دامك كلمتيه وسمعتي كلامه وتفكيره فهذا شي طيب

وانا اشوف انه فرصة كبيرة ولاتفوتينها عليك

وانتهي لبعض الفاظك تراها قوية خافي الله لايعاقبك في كلامك ويجي يوم تتمنين اي رجال يجيك

وبعدين من قال عباة الكتف حرام لاكتف ولاراس ولاغيره الهدف من لبس العباية الستر
اذا زوجك شاف عباتك واسعة وساترة ومافيها الوان ولمعات ماراح يقول شي سواء كتف او راس00 واذا عباتك ملفتة فهالرجال خير لك يصحصحك من هالفغلة اللي انت فيها
انا زوجي رافض عباة الكتف نهائيا يوم شاف عباتي قال اول مرة اشوف عباة كتف كذا انا ماخذ فكرة عن الكتف مثل المتبرجات بالسوق
علما بأني البس الراس في السوق والاماكن اللي كلها رجال والكتف من السيارة للبيت

فكري قولي رجال يخاف الله ومحافظ على الصلاة ومايدخن 0000 يالله من فضلك وش تبيغين اكثر من كذا

المهم اسألو عنه زين موملتزم خلاص يعني تمام التمام
اهم شي مايصير شديد مررررة

بس صدقيني دامك كلمتيه وارتحتي استخيري وتوكلي على الله

__________________
اللهم لك الحمد والشكر
"ولئن شكرتم لأزيدنكم"

صح مشكلة ....... لان المستوى الديني يختلف ....


انا مشكلتي عكسك بالضبط .... انا ملتزمة بس مب متشددة

و زوجي انسان عادي وسطي يعني عايش حياته مثلك


وانا دوم احاول اغيره...... مو لاني اشوف غلط او استحقره ... لالا.. بس لاني اتمنى له الخير


يعني للحين توصلنا لنقاط بسيطة حلوة .... يعني تغير طفيف

و شكله مو ناوي يتغير


بس الامل موجود

بالرغم من كل هذا .... الحب و التفاهم موجود .... و عايشين حياتنا كأحلى خطيبين .... في النهاية دينا واحد والفرائض الاساسية نأديها....



انتي صلي استخارة اكثر عن مرة ... وسلمي امورك لله ....


ما تعرفين يمكن يكون لك فرصة تلتزمين .... وتحسين بالنعمة بعدين


ان شاء الله من نفسج بتتغيرين

طيب ممتاز
ماشاء الله لا قوة الا بالله
انتي عطيتيني امل انه ممكن يكون فيه حب وتفاهم رغم هالاختلافات الكبيره في التوجهات والاهتمامات والمستوى الديني مثل ما ذكرتي

وبالنسبه للالتزام انا اتمنى طبعا!! بس ما اقدر ابني قراري على امل اني التزم!! لاني هالشي احتمال يصير واحتمال لا

فلازم احط اسوأ الاحتمالات وعلى اساسها ابني قراري

شكرا لك ياحلوه

اخ بس يا اختي

مطوع ومصلي وخايف ربه في احسن من كذا؟؟؟

الله يهديك جلسي معا نفسك وفكري بعل

جعل ربي يهديكم ويهدينا

__________________

حبيبتي من كلامك حسيت أنه مو مطوع يمكن يكون محافظ بس لازم تستخيري لأن في كثير من الرجال الناس تنخدع فيهم
بأنهم ملتزمين بس معاملتهم مع زوجاتهم في البيت جدا سيئة أهم شي الأستخاااااااااااره

لاحول ولا قوة الا بالله .. صدق رسول الله صلى الله عليه وسلم في قوله : (( من كان يؤمن بالله واليوم الاخر فليقل خيراً او ليصمت ))

البنت مشكلتها ببساطه انهاخايفة انها تظلم الرجل معاها بسبب اختلاف نظرتهما للحياه ... البنت ماحبت تخذع الرجال اللي خطبها وتوافق عليه وتعيشه في جحيم وتخليه يقول بعدها ياليت اللي جرى ماكان ..

البنت وسطيه لاهي اللي متشدده ولا هي اللي منحله الله يحفظها .. سمعت من الناس " لانه طبيعي انه يسالون الناس عن الرجال اللي يتقدم لهم " انه الرجال متشدد وطبيعته غير عن طبيعتها وحبت تعرف من اعضاءنا اذا هالشي راح يؤثر على حياتهم في المستقبل والا ..

هل أخطأت البنت في شي ؟ !! هل أخطأت حين استشارت ورسولنا الكريم يقول " ماخاب من استشار " ..


قد يكون قصد البعض منكم النصح ولكن بالشده لكن نسيتوا " ولو كنت فظاً غليظ القلب لانفضوا من حولك"

باللين على البنت ترى ماكان اللين في شي الا زانه ..



اسمحي لي اختي خرجت شوي من موضوعك .. بس احزنتني والله بعض الردود ..

الله يعوضه بخير ! .. شكله مطوع على نفسه !! .. والادهى انه البعض قام يفتي على كيفه !! لاحول ولا قوة الا بالله ...

عموما أختي ...

نصيحتي لك .. استخيري الله اولا واخيرا ...

والحمدلله انك بعد ماكلمتيه ارتحتي وباين من شخصيته انه مب متشدد .. لكن اسالوا عنه اكثر ... الناس اللي معاه في الشغل ... اصدفائه .. المسجد اللي عند بينتهم . جيرانه .. وبتتضح لكم الشخصيه اكثر من كلامهم ..

ما اعني الخطيب بهالكلام لكن الكلام بالهاتف يمكن الانسان يغير فيه من شخصيته وعسى خطيبك ان مايكون كذا .. بس للاطمئنان ...

الله ييسر لك الخير يارب وين ماكان ويرضيك به

اسمحي لي على الاطاله وموقفه باذن الله ..

اختك ام فطومه

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...

هالحين صاحبة الموضوع نفسه تقولك
انا احب الحياة واعيشها بكل لحظاتها واحب افلها فله واسمع اغاني وكان عندي اخطاء وان شاء الله ربي يغفرلي
وكل هذا وتقولين البنت وسطيه .ااااااااااااااااامحق وسطيه

اجل اللي فالتها شلووووووووووون !!!

عجبي وربي موضوع هالاخت ارعبني كيف بكل قوة عين تقول
اروح للموت برجلي....اذا تزوجت ملتزم يعني....يسجني ..يحرمني
هذا وانتي مسلمه تقولين كذا...اجل مالنا حق نلوم الدنماركيين
اووووف على هالزمن الاغبر بس هذا اللي اقوله

اقتباس:

المشاركة الأصلية كتبت بواسطة المتهالك هالحين صاحبة الموضوع نفسه تقولك انا احب الحياة واعيشها بكل لحظاتها واحب افلها فله واسمع اغاني وكان عندي اخطاء وان شاء الله ربي يغفرلي وكل هذا وتقولين البنت وسطيه .ااااااااااااااااامحق وسطيه اجل اللي فالتها شلووووووووووون !!! عجبي وربي موضوع هالاخت ارعبني كيف بكل قوة عين تقول اروح للموت برجلي....اذا تزوجت ملتزم يعني....يسجني ..يحرمني هذا وانتي مسلمه تقولين كذا...اجل مالنا حق نلوم الدنماركيين اووووف على هالزمن الاغبر بس هذا اللي اقوله

الحين عشاني قلت اعيش الدنيا بكل لحظاتها صرت خارجه من المله ؟ معلومه جديده تصدق

شف انا ما احب اقول اللي بقوله لان اللي اسويه لله ترردت كثير قبل اكتبه لكن كلامك اجبرني والله
الحمد لله انا محافظه على صلاتي في وقتها والسنن الرواتب - صيام واصوم واصلي التراويح وزكاة وازكي وحج وحجيت ... وكلها عسى الله يتقبل بس .. اللبس احرص اني ما البس شي فوق الركبه في مجتمع نسائي لانها عوره ... ما اطلع من بيتنا الا بعبايه كتف ساتره واسعه جدا والبس نقاب .. الحمد لله باره بوالدي ..اخلاقي والحمد لله لا امدح نفسي لكن صاينه نفسي وعرضي ولله الحمد .. صحيح اسمع اغاني لكن لست مدمنه عليها لكن منيب من الناس اللي تعارض وجود دش مثلا!!
انا اشوف نفسي وسطيه !! اذا انت تبي تكفرني حتى هذا شي راجع لك وشكرا

على فكره ليتك سألتني ليه كتبت هالعباره ( امشي للموت برجليني ) انا اخاف اكثر شي من الناس اللي تحرم ما احل الله وفعلا في هالحاله اكون قاعده امشي للموت برجلي

الله يختار لك الخير يارب وييسره لك
صدقيني صاحب الدين مايعوض..
بيراعي الله ويخافه فيك..
والدنيا مهما طالت نهايتنا الموت
وش أحلى من إنك تعيشي مع زوج صالح
يذكرك بالله..يدلك على الخير..يدعي لك في صلاته..
استخيري الله وتوكلي عليه
والله يسعدك دنيا وآخره..

__________________
.. ربي لك الحمد والشكر ..

اختي ما لج الا الاستخارة و الاستخارة لين يرتاح قلبج


و اسالي عنه .... واعرفي عنه كل شيء ...حتى لو عن طريقه هو مباشرة


وشوفي كيف يفكر بكل اموره


يعني كمثال بسيط

زوجي و هو مثل ما قلتلج انسان عادي كان يحلم انه يسير شهريا السينما مع زوجته

بس انا رفضت ( لاسباب دينية + لاسباب الغيرة)

النتيجة تنازله هو عن ها الحلم


و انا مثلا كنت احلم اني اسير مع زوجي لمحاضرات دينية و دروس في المساجد في ايام الملكة

بس زوجي ما يحب ومو مقتنع ...و يبي يقضي ايامه كلها في طلعات و سوالف

النتيجة تنازلت انا عن ها الحلم



يعني السالفة فيها تنازلات من الطرفين

بس اهم شيء الاساس محد يفرط فيه و اللي اهي الصلاة



شوفي شو هي احلامج اللي ممكن خطيبج ما يلبيلج اياها ....


و لا تنسين تصلين صلاة الحاجة