مع احترامي للاخ اجابتك الظاهر قايلها لك جدك لانها اشياء قديمة والزمن تغير..

الحين مب ضروري الشاب يكون في الاربعينات بعز شبابه..كثير الحين في الاربعينات تلقاه مكرش ومترهل وطفشان من كثر الشغل ومشاكل ماديه وعائليه خلته يعجز بدري وفيه نساء والاكثريه منهم الحين من الاهتمام بالنفس تشوفها بالاربعين ما تصدق تحسبها بنت صغيره في اواخر العشرينات..

والله من المجتمع اللي حولي صرت اتخسر ببعض الحريم على ازواجهم تلقاها قمة الرشاقه والجمال والاهتمام وزوجها انواع الشيب والكرش ومافيه حيل يعطيها وجه.. وابشرك كلهم ازواجهم بالاربعينات والمدام تكون اصغر بسنتين ولا ثلاث..

هذا غير الطاقة الجنسيه اذا ودك نتعرض لها الشباب الحين وهو توه متزوج طاقته ماتجي نص طاقة رجل متزوج له عشر سنين بس في قديم الزمان.. يعني مرة ثانيه لا تسمع كلام امك وجدتك وتحسبه ينطبق على هالزمن..

اخوي صاحب الموضوع اذا انت مو مقتنع بالفكره لا تتزوجها وتظلمها معك بافكارك الغريبه لكن اذا بتقتنع الحمدلله..

البنت دلعها وغنجها ماله دخل بعمرها فيه بنات جديات وثقيلات من عمره 16 وفيه بنات يوصلون الاربعين وهم دلوعات.. وبالنسبه للفرق بينكم انا مستغربه انك تعتبرها كبيرة!! شكل عندكم عادات وتقاليد غريبه عموما انا من نجد وعندنا الاغلبيه الحين تفضل الزواج ببنت متخرجه من الجامعه وتكون فوق ال 21 سنه عشان تكون ناضجة وفاهمه وقد المسؤوليه..

انت عارف بنات هاليومين اللي عمرها 18 تعتبر طفلة.. وبعدين انت اكبر منها مادري وين المشكله يعني لازم يكون الفرق كبير مرة وتحس انها بزر عشان تستمتع؟! ياخي ماودي اقول غريب الاطوار بس يعني ماني فاهمه ليش تبي بنت اصغر منك بكثير؟ وش المتعه يعني؟!

هذي البنت انت شايفها مناسبه وهي اصغر منك بسنتين يعني اشوف ان عمرها جدا مناسب لعمرك ! حتى الافكار والحركات تكون متقاربه اذا كنتو من نفس الجيل وطبعا حنا في زمن السرعه يعني خمس سنوات تخليك من جيل غير جيلها..

فكر واستخير واذا بتقعد بعد الزواج تحس انها كبيرة عليك وتقعد تدقق على كل صغيره وكبيرة بلاش تاخذها ياخوي..والبنت اذا تهتم بنفسها وتعرف تتدلع صدقني عمرها ماتكبر وتقعد صغيره ودلوعه لين توصل الخمسين..

__________________

لا حول ولا قوة إلا بالله

أخي الكريم بارك الله فيك

بكلالمك هذا

أنت بنيت على أن الزواج كله فقط للمتعة

ومع إحترامي الشديد هذا ليس من العقل ..

الزواج مبني

على حب

على موده

على عشرة سنين طويله

على إحترام متبادل

وليس مبني على ما فكرت فيه

راجع نفسك وفكر كثير

والله الموفق

الله يكتبلك اللي فيه الخير

__________________

	اللهم صلي على سيدنا محمد صلى الله عليه وسلم

الأخ نمبر 1 ،مع احترامي لرايك، البنات الصغار لما يكبرو بعضهم يخونو و بعضهم يتمللو من ازواجهم
احنا بسنه 2008 ولسا في ناس تفكيرها بهذا الشكل !!! اللي نيتها تسعد زوجها بتسعده كانت صغيره او كبيره

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

الله يرزقك الزوج الصالح
ولكن لازم تعرفين المرأة غير عن الرجل
المرأة اذا كبرت في السن تضعف رغبتها وتصاب بالجفاف المهبلي

ولراعي الموضوع مثل ما انت تحب البنت تكون اصغر منك في السن حتى
هم يحبون ان يكوون ازواجهم اكبر في السن ولا يكونون في سنهم او اصغر منهم

طيب خذ صغيره واحنا مانعينك؟؟؟ يعني كيف افهموهااا؟؟ يعني تبي نقول تزوج الصغيره بالغصب
إذا انت مقتنع ليش تطرح الموضوع أصلا
وصراحه لو تترك بنت الناس من الحين قبل لايصير شي رسمي أفضل من انك تاخذها وتذلها بعمرها ولو انها الآن في عز شبابها


أنا أشوف عمرها مناسب لعمرك حتى لو بينكم سنه
والصغيره في أغلب هالجيل عيب انهم مايتحملون المسؤوليه ونظرتهم للزواج تكون انه وناسه وبس فتنصدم بعد الزواج وكثير اعرفهم تزوجو صغار ندمو وتمنو لو عاشو شبابهم بحريه وكمان ماتتحمل المشاكل
لكن اللي بهالعمر بتكون واعيه للمسؤوليه وتتحمل مشاكل الحياه أكثر
ولو كبرت الحين صارو الحريم يهتمون بأشكالهم تلقا الوحده بالاربعين وكأنها بالعشرين يعني لاتقول بتعجز وأنا توني شباب

المشكله انتو تدورون الصغار وبعدين نلقى المشاكل كثرت << زوجتي ماتهتم فيني .. زوجتي فيها.... تدخل أهلها بكل شي ... و و و ..

الله يختار لكم اللي فيه الخير..

__________________

((رب لاتذرني فردا وانت خير الوارثين))


http://www.tafseer.info/







طريقه سهله ومتوفره للجميع للمحافظه على الاستغفار

هل ترغب في الخير ؟؟هل تريد ميزانك يثقل بالحسنات ؟؟اضغط هنا من فضلك

آمييين يارب جزاك ربي خير اخي نمبر
لكن يا اخي
البنت توها 24 ، يعني لو اهو حضرته كبر راح تكون بعد اصغر منه
ولو كل الشباب مثل تفكيركم لا تلومون البنات اللي من 22 ورايح اذا انحرفو
الرسول وصانا بذات الدين ووصانا الدين بالتكافؤ والتكافؤ يشمل العمر كذلك
وصاحب الموضوع اخي اعلم البنت الناضجه تبي واحد بسنها ما تبي اكبر منها
بس انت شكلك مصمم وتفكيرك ضيق للأمور اعذرني

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

الله يكتب لك الي فيه الخير ،،،

__________________

الله يعيين على هالتفكير !

اتركها من الحين و ليتها تجي تقرا كلامك كان رفضتك بدون أي ذرة شك

و اللي يقول لو وصلت أربعين سنة و أنت بعز شبابك ووو ، أولا من يضمن إنه يعيش لبكرة عشان يفكر لأربعين سنة قدام

و غير كذا الشباب هو شباب الروح ، مو الأرقام ، ياما بنات في 19 و 20 و أشكالهم أكبر من عمرهم و بنات بالعشرين و ال 29 و فرفشة و روح حلوة ما ودك تقوم من مجلسها و متفاءلة و كلها حيوية

عموما ,,,, المسألة نصيب و ياما يخطط الإنسان على شيء و يصير نصيبه شيء ما توقعه أبدا

اسأل الله التوفيق و الخيرة

__________________

اللهم ارحمني و اغفر لي فوق أرضك و تحتها و يوم عرضي عليك

السلام عليكم ورحمة الله وبركاته,
أخوي "حبيب الامس"...أمر الزواج دائما استخر الله فيه واسال عن البنت...شفني عقدت على بنت عمرهها 26 سنة ووالله انها خذت قلبي كله لان فيها كل ما احب...في مثل كنت اسمعه من الشباب ايام الدراسة يقول "عجوز تريح ولا بنت تصيح" وانت من موضوعك تبى الي يريح الشهوة الجنسية وهذا موجود في كل بنت شابه سواء عمرها 18 او حتى 40.
بالتوفيق.

__________________
لا إله إلا الله عليها نحيا وعليها نموت وبها نلقى الله

تحياتي...
أحمد أبوسند