المشاركة الأصلية كتبت بواسطة أم وداد
صدقتي ياختي كل الغلا ..
ادري اني بندب حظي.. وادري اني بعدين بحضر اعراس.. صديقاتي ولا اي احد .. وقلبي بيعورني على حالي.. بس انتي اتشوفين عادي لو رجعت لزوجي وزعلت اهلي؟ لان امي ممكن تزعل مني حيل |
المشاركة الأصلية كتبت بواسطة حاملة الهم
السلام عليكم ورحمة الله وبركاته ..
وعليكم السلام ورحمة الله وبركاته الله يفرج همك يا أختي .. والله انه قلبي معاك ودوم يوم اتأخر عن المنتدى لازم اسوي بحث باسمك اقول يمكن اختي ام واداد رجعت لزوجها .. يا بعد قلبي الله لا يحرمني منك .. مشكورة من كل قلبي على اهتمامكبقول لك وجهة نظري وان شاء الله يارب تفيدك .. بس اول شي ابي اقول لك كثري من هالدعاء : اللهم أرني الحق حقاً وارزقني اتباعه .. وأرني الباطل باطلاً وأرزقني اجتنابه .. اللهم ارني الحق حقا وارقني اتباعه .. وارني الباطل باطلا وارزقني اجتنابه أختي الغالية .. من رايي انك تكثرين من الاستخاره كما تفعلين ... وتشوفين مميزات زوحج وسلبياته .. وتشوفين شنو الي يطغى .. انا والله .. ولله الحمد اصلي استخارة على طول.. وصرت اصلي استخارة على اكثر من شي.. 1. استمراري مع زوجي 2. اللجوء للمحاكم يعني على كثر ماقريت سوالف في المنتدى وعلى الي اسمعه يعني.. كثير حريم يشتكون من خيانات ازواجهم ولا عدم مبالاتهم .. زوجي ماعنده سوالف بنات ولله الحمد .. ويهتم فيني كثير.. لما انكون حلوين .. يعني مثلا بالسيارة .. اذا دعس بريك قوي اشوفه والله يحط ايده علي عشان يحميني.. اذا طلعنا يقعد يقرا علي.. وغيره كنت اشوف منه تصرفات اتطير عقلي ... وطبعا اشوف منه تصرفات اتشيب الراس.. واتعور القلب.. عناده .. يبي يتحدا العالم ماعنده صغير ولا كبير.. كرامته فوق كل شي.. وساعات الاحظ عليه يقول سالفه ويزيد عليها .. مادري يمكن عشان يرقع سوالف بيت اهله .. ويحليهم بعيني مادري وفي شي ابي اقوله لك وابيك تقكرين فيه .. لو طغت سلبيات زوجك على حسناته ..هل انت ممكن تصبرين وتستحملين .. عشان انك تحبين وتدعين ربك ليل نهار انه يخليه احسن وتعملين كل الطرق عشان تطورينه !! ايه والله مستعدة اتحمل زوجي.. لاني احبه .. ولان انا بعد فيني عيوب.. بيتحملني واتحمله... اذا كنت على اتم الاستعداد لهذا كله .. وراضيه تعيشي مع زوحك على الحلوة والمرة .. فنصيحتي لك اختي .. ان تضعي اول شي في بالك انك مب قاعده تسوين هالشي لاجل زوجك وبنتك فقط لا .. ولكن لوجه .. فبهدايتج له بتوفيق رب العالمين اجر كبير .. وبيصير كل مايعطف عليكم ويحبكم اكثر ياخذ اجر من رب العباد .. وينضاف لميزان حسناتك . لانه انت السبب ف هدايته بعد الله .. ان شاء الله ياربي... نرد حق بعض انا وزوجي.. بالنسبة للوالدة الله يحفظها والله اني ما ألومها .. لانه الام ماترضى انه بنته تنذل وتتعب وهي اللي تعبت عليها طول هالسنين .. عشان ماتخلي عليها قاصر .. وبقول لك شي .. لا قدر الله لا قدر الله .. حطي نفسك مكان امك وبنتك وداد الله لايقول قاعد يصير فيها نفس اللي يصير لك بعيد الشر بس عشان اوضح لك يعني .. امك والله تحب لك الخير وماترضى عليك بشي .. عشان كذا تبيك تتطلقي .. عشان تعبشين معززة مكرمه عندها ... ايه والله مسكينه اتحاتيني كثير.. وانا بعد مارضى بنتي الحبيبة وداد تنذل.. بس اذا اتحب زوجها واتحس انها بتسعد معاه .. مادري شبسوي..!! عموماً انت اقعدي مع الوالدة .. وقولي لها يا امي انا حاسه فيك وادري انك ماترضي باللي قاعدين يسوونه اهل زوجي .. وهذا من حقك انتي الي ربيتني وانتي اللي تعبتي علي كل هالسنين عشان ياخذني ولد حلال يسعدني ويهنيني مش يذلني هو وامه .. بس يا امي ابغض الحلال عند الله الطلاق .. وانا ابي احاول .. مرة 2 .. اعيش معاه لكن في بيت ابروحي عشان يوم تكبر بنوتي الحلوة ان شاء الله في المستقبل ماتقول ليش ماحاولتي مع ابوي لين النهاية وليش انا بدون ابو .. واهم شي بيني لها انك تبغين رضاها ودعاءها الصادق .. لانه مثل مانعرف انه دعوة الام مستجابة .. ايه والله .. انا طول الوقت احاول احلي زوجي بعينها .. وان شاء الله مارجع حق زوجي الا وهي راضيه عني اخيراً .. الله يهنيك ويسعدك وييسر أمرك يارب .. ويجعل لك من كل ضيق مخرج يارب العالمين .. ان شاء الله .. كل مشاكلي تنتقل للمشاكل المحلولة .. اختك أم فطومه |
المشاركة الأصلية كتبت بواسطة أم وداد
ادعوووووووووووووووووووووووووووووووووووووووولي يا طيبين ..
امي خلاص واخوي لهم النيه بانهم يكلمون المحامي.. غداً وانا قلبي يعورني.. ادري غثيتكم بس عندي سؤال : المحامي لو انا طلبته .. او استشرته .. يسمع بس من طرفي انا؟؟ يعني ان شاء الله بكره اذا كلمت محامي.. بقول لامي واخوي يطلعون برا .. ويخلوني انا اكلمه بروحي.. اقدر اقول له كل شي.. واقوله له وجهة نظري ووجهة نظر زوجي.. هل ممكن يحاول يحل الامور .. ويصلح وضعنا من غير ما نلجأ للمحاكم ؟؟!! ولا المحامي ماله دخل ولا يقدر يصلح الامور بيني وبين زوجي؟ |
المشاركة الأصلية كتبت بواسطة حاملة الهم
الله يعيينك والله يا اختي ويفرج همك يارب ..
والله انا ماعرف ياحتي بالضبط في هالسوالف .. بس من رايي تحاولين لين اخر لحظه .. وتجربين كل شي .. حاولي تقنعين امك واخوك .. وحاولي انك تكلمين المحامي لعل رب العالمين يجعل الخير عن طريقه .. مالي الا اني ادعي لك الله ييسر امورك .. ويرجع لك زوجك بالسلامة .. ويهدي امك وام زوجك يارب .. |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|