الله يجزاكم الف خير كلن باسمه والله يسعدكم وييسر لكم اموركم والله وانااقرا ردودكم غصبن علي دموعي نزلت من كثر ماناا احبكم في الله ومن كثر ماحسيت انكم معي وشايلين همي اكثر من اهلي ونعم الاهل انتوا يااروع اعضاء مدري وش اقول بس احب اقول لاخوي سر القلم ان اخواني هم اكثر من ابوي معارضيين فكرة الطلاق علشان ماينقال عنهم ان اختهم مطلقه مايهمهم الا نفسهم ومكانتهم بين الناس بس اما انا فلاااااااااااااااااااااااااااااا ولا عمر واحد منهم سئلني اذا انا مرتاحه والا لا او ان اللي اسمه زوجي تغير او لا واحب اقول لبودي اللي سئلني كيف دريت انه ديوث يعني واحد يقول لزوجته روحي للشباب يعوضونك عن الحرمان الجنسي ويريحونك ويقول لها بيمشي سوقك وش يكون؟؟؟؟ واللي يقول انا مو مسلم ولااعترف بالله ولا برسوله والعياذ بالله وش يكون ؟؟؟؟ واللي يقول انا يهودي وافتخر وانه مسجل بس مسلم على ورق وش يكون بالله؟؟؟؟ وفي النهايه مااقول الا الله لايبليكم ويستر عليكم دنيا واخره يارب ادعوا تكفووون بظهر غيب لاني ميته احترق من داخل رغم اني اضحك اخفي مشاعري وادفن همومي قدام الناس وبالاخص عيالي والله اعلم وش فيني من هم تعجز الجبال عن شيله

__________________

.

اخوي سر القلم المشكله انهم يدرون ولما قلت لهم يقول لي كذا قالوا لي ذا مو صاحي وعقله مهو عنده ولو هو رجال ماقال هالكلام ولو هو في وعيه ماظن يقوله قلت لهم وربي انه يقوله لي وهو صاحي مو شارب تخيل وش ردهم يلعنونه ويشتمونه بس ويردون يضحكون يقولون ما ينشره عليه لانه مهو بكفو ولابرجال وبعدين يمكن لانه واثق فيك ويعرف اخلاقك وواثق انك مستحيل تسوينها لانك بنت اجوديه وربي قاهريني الاقيها انا منهم والا من اللي اسمه زوجي مامعي الا الله ثم انتم والله يجزاك الف خير على اهتمامك بمشكلتي ووقفتك معي

اوافقك الرأي
والله يعينك على ما ابتلاك به ،،ولك الاجر ان شاءالله

__________________

ادعو لك الله ان يفرج همك ويسعدك

تسلمون والله يجزاكم الف خير انا كلمت اكثر من شيخ وكلهم نفس الراي وهو الطلاق وتحريم العيش معه بس وش الفايده دام ابوي والاهل رافضين فكرة الطلاق بسبب هالمجتمع الظالم اللي مايرحم

لا حول ولا قوة الا بالله

الله يفرج همك عاجل غير آجل

لاحول ولاقوة الابالله .....

يا حبيبتي الله ييفرج كربتك .. انا لو مكانك ارووح للقاضي والمحكمة وادبر نفسي بنفسي ماني محتاجة اي شئ

من اي احد غير ربنا ...

والله فعلا صدمة حسبي الله ونعم الوكيل

اختي ياغاليه الله يفرج همك ....رجعت وقرات ردودك على الاعضاء ووجعني قلبي عليك ....
اللهم لا حول ولا قوة الابك....
اسمعي ياختي اذا تقدري تخرجي من بيتك وتروحي للقاضي لا تتردي...هذا اللي يتكلم عن الله ورسوله بهذا الكلام وكمان يقول انه يهودي ....هذا من غير كلام يفرق بينك وبينه الشرع .....

الله يعينك ياختي ويصرف هذا الفاجر عنك وعن حياتك......

اختك
ام حمودي

__________________

يا أختي أصلا طالما نطق بالكلام الذي قلتيه (نسأل الله السلامة ) فهو كافر
ولا يجوز للمسلمة أن تبقى مع زوج كافر
فكيف يرضى أبوك وإخوتك بوجودك تحت رجل كافر؟؟

وأنا أعتقد والله أعلم أن هذا الرجل لن يقول هذا الكلام أمام القاضي فلو قاله لطلقك منه فورا وحكم عليه بالقتل
لأنه مرتد بالقول _ حسب كلامه _ والمرتد يقتل حدا


انصحك بالتالي :

اللجوء إلى الله .. فالله تعالى لن يتركك بين براثن رجل كهذا وما من كربة إلا ومعها الفرج


توجهي لشخص من وجهاء عائلتكم أو قبيلتكم وتحدثي إليه بالأمر وليجمع عددا من الرجال العدول الثقات فيحدثوا والدك واخوتك وينبههم بخطورة الأمر لعل ذلك يشعرهم بالحرج أمام الناس من أن تبقى ابنتهم في كنف رجل مرفوض تماما

اذا كنت موظفة فهذا من تيسير الله عليك ... بادري باجراءات الطلاق واكفي نفسك وابنائك مؤونة الحياة ولا تنتظري
معونة مادية من أحد وبيني ذلك لوالدك واخوتك لعل ذلك يطمئنهم

اكتبي (معروض) وحاولي ايصاله لملكنا الغالي أو ارسلي له برقية عن طريق الهاتف وصدقيني لن يتخلى عنك فهو معروف بمواقفه الانسانية وطيبة قلبه <<< اللهم وفقه وسدد خطاه وأبعد عنه كل سوء>>>

ربما تستبعدين الخيار الأخير ولكني أظنه الأنفع لك بعد اللجوء إلى الله

__________________