حلو تهديه سبحة من حجر كريم أوالكهرمان .. ازرار حقت الثوب ويكون ماركة .. جوال جديد..

اكسسوارات للسيارة كمان هدية حلوة..بيجاما نوم ..

ماكينة حلاقة أو شفرات حلاقة كل ما يخص الحلاقة تجي علبة كاملة مع الكريمات والعطور بعد الحلاقة ...

الالكترونيات على حسب هوياته ... وأحلا هدية للزوج بنظري >> ساعة ...

وبالتوفيق ..

بسم الله
خليها تهديلو برواز صورة مكتبي حلو مشان ايحط صورتها فيه
و السلام عليكم

السلام عليكم ورحمة الله وبركاته
أنا حقلكم على فكره لهدية ومرة طلعت حلوه صاحبتي سوتها لخطيبها
أول شي جابت 5 علب بأحجام مختلفة أصغر علبه حطت فيها شراريب وبعدين تاني علبه جابت فيها طقم من بودي شوب (يعني مثلا شوار جل وكريم ومن دي الأشياء) وتالت علبه حطت فيها بنطلونين ولفة كل بنطلون بشريطه ورابع علبه حطة فيها جزمه الله يكرمكم وخامس علبه وهيه الأخيره حطة فيها تيشيرتات وبرضو لفتها بشرايط زي حكاية البنطلونات
وبعد دا كلو حطة العلب فوق بعض بالترتيب من الكبير للصغير ولفتهم مع بعض بتل وربطتهم بشريطه وكانت متفقه مع والدة العريس انها ترسلو هيه في بيتو وتحطلو هيه في غرفتو بس في وقت يكون مهو موجود في البيت عشان لما يرجع ويدخل غرفتو يلاقيها قدامو فطبعا حتكون مفاجأه جدا جميله ولو تبغي تكتبيلو كرت ممكن تسوي كرت بالكمبيوتر بحيث تحطي صورتك وانتي صغيره كمان مره فكره حلوه
وشكرا ان شاالله تعجبكم فكرتي هيه صحيح مكلفة شويه بس مره حلوه وكمان لازم تكون عارفة مقاسات خطيبها في كل شي