ما شاء الله تبارك الرحمن ...
واللهم صلي وسلم على سيد الخلق عليه أفضل الصلوات والتسليم ....
ولا تخافين يا برتقاله ترى والله عيني مب حاره ...
لكن ........
خليني أخبركم باللي صار وياي أمس يعني في نفس يوم كتابتي للرد ...
تخيلي المغرب اتصلت في زوجي أتطمن عليه لأنه طالع من الظهر مع ربعه فحبيت أتطمن على أخباره ...
وكنت متصله فيه قبل وقاللي قاعد ويا الشباب وبكلمج عقب ...
المهم ... بعد التحية والسلام ... قلت له انت وين .. قاللي أنا قاعد أشتريلي بناطلين و قمصان لأني بسافر
فعلا صدمني ... قلت له متى بتسافر .... قال اليوم الساعه 2 بيكون طيراني ... حسيت بانهيار فظيع ...
قلت له وين بتروح قاللي على مصر قلت له خذني وياك لاني مب مرتبطه بأي شي ... انا موظفه بس حاليا في اجازه و ولدي عمره سنتين ونص يعني قاعد لا شغله ولا مشغله ....
قاللي لا ما ينفع .. قلت له ليش بتروح ويا ربعك .. قال لاا .. استغربت يعني بروحك ؟؟؟
قال بروح بروحي بس عندي ربع هناك و بروح وياهم يمشوني .... فانقهرت من الخاطر والله ...
من تزوجته لليوم ما عمره فكر يسفرني و هو كل سنه يسافر مرتين و ما خلا دوله ما راحها ..
وكان واعدني انه يسفرني هالمره وياه بس للأسف خذلني بل صدمني ...
واللي قهرني أكثر انه يقوللي بعد ما حجز و رتب اموره ومب باجي على سفرته الا جم ساعه !!!
طبعا تميت شايله في خاطري منه و بموووت من القهر و احس بجرح كبير ...
ما علينا .... كل ما في السالفه انه بعد ما سلم علينا و طلع سار المطار طرشت له مسج علشان يطمني عليه يوم يوصل .... و على الساعه ثلاث واشوي ( المفروض يكون مسافر ) اتصل وقاللي ابيج تشيكين حقي على اوراق البنك ( لانه عليه قسط في البنك و ملتزم بدفعه ولله الحمد ) وقاللي شوفي تاريخ آخر قسط مدفوع و ما حصلت الا اللي بتاريخ 6 ... حظرته دوم يضيع أوراقه ...
المهم قلت له انت شو تبا في هالشغلات احين وراك سفره قاللي بس كنت أبا أتأكد من شي ..
المهم سألته ليش ما طارت الطياره بعدها قال لا بعدها ساعه ونص ....
المهم سولف وياي اشوي و عكرت مزاجه لاني كله بس أصيح من القهر فبند عني ..
قعدت أصيح و أقول حسبي الله ونعم الوكيل حسبي الله ونعم الوكيل ....
ما يهمني والله خل يسافر بس اللي يقهرني انه دايما بس يفكر في نفسه وما يحب يودينا وياه !!
ترى حتى احنا نحتاج للتغيير و الترفيه عن نفسنا ...
المهم بعد موال طويل من الدموع استغرقت بالنوم ....
وانتبهت الصبح الساعه 7 على صوت حد يفتح الباب و فزيت بخوف من نومي وشفته جدامي !!!!
قلت له ليش رجعت ؟؟؟؟؟؟ قال لي .... منعوني من السفر .. البنك معمم علي الظاهر ويقولون اني مب دافع القسط اللي علي من شهرين و هو دافع .... المهم البنك طبعا مبند بالليل و تم بالتحقيق لين طلعوله عيونه و بعدها طلعوه بس المهم ممنوع يسافر
والله فرحت من قلبي وقلت يستاهل لانه حتى وانا اصيح ما فكر يخفف عني ... عصب و قاللي عكرتي مزاجي بس طنشني في النهايه ....
والله على طول تذكرت الأخ كزانوفا وحرمته خخخخخخخخخخخخخخخخ
ربي استجاب لدعائي و عطاني اشوية من عندها ....هههههه
11-10-2008, 03:22 AM
ضوابط المشاركة
العرض العادي
