فتحت ملفآت مغلقه .. إلى الآن ماني قآدره اتوصل لحل سوي لها الموضوع ..

مو متقبله اطلب منه مصروف مآرآح تكفيني 500 او 800 ولا ألف .. ولا افتخر بها الشي طبعاً
بس هذا انا كل شهر عندي مصآريف جديده غير الأساسيه ..من الأساسيات عندي الصيدليه وبدي شوب ولوكيستيآن وهالطقه و لما اطلع من المحل مآيكون أقل من 100 ..
وطبعاً محلآت المكيآج و الملابس والشنط وشهريآ لازم اروح الصالون .. غير عن عيآدات الليزر ومراكز التجميل والعطآرين .. وهدايا صديقاتي وفسآتين المناسبآت الخ ...

فعشان كذا مْا افكر اطلب مصروف خلني اختلس من الراتب ازين بدون ما أحسب انا كم صرفت ولاهو يدري

لآكن اعترف ان المشآكل الماديه هي اللي لهآ نصيب الأسد فحياتنا .. هو والله مايقصر وأنا حاسه اني اظغط عليه .. بس المشكله اذا اقتصدت بتحسر على نفسي واذا شريت اللي بنفسي رآح ينكسر خآطري عليه ..
بس أنا وآثقه اني بلقى حل وإن شاء الله مع الأيام لما ربي يرزقنآ بأطفال بتتعدل الامور لأن طفلي بيكون أولويتي ~> كذا احس ما ادري اذا احساسي بمحله ..

يعطيك العآفيه على الموضوع اللطيف

انا ارى ان تحديد مبلغ شهري امر جيد ومريح ولكن ليس من المروءة ان يجعل الرجل ذلك المبلغ حداً لا يمكن تجاوزه في بعض المرات لو كان ذا قدرة مالية جيدة..
لا افضل ان يكون اعطاء المبلغ للزوجة عن طريق حوالة بنكية .. رغم انه اسلوب مريح
ولكن افضل ان يتم تسليمها بيدها بشكل جميل مع نفحات رومنسيه واعتراف من قبل زوجها باهمية وجودها في حياته وان لا مال في الدنيا يغنيه عنها ... تبجيل انسانية الزوجه تفوق كل اموال الدنيا..

وفقكم الله

__________________
ان انت اكرمت الكريم ملكته.. وان انت اكرمت اللئيم تمردَ!!

السؤال لصاحب الموضوع بعد تفصيلك لراتبك وتقسيمة قرش قرش

لم اجد ولا كلمة تدل على التوفير حساب توفير - اقتطاع شهري بحساب مستقل

انت تفكر بحل مشاكل مالية حالية وغفلت عن المستقبل هل ستعيش طول عمرك بالاجار

على نظامك هذا لو تتعطل سيارتك وتحتاج لاصلاحها الى مبلغ 3000 ريال حسابك ماحيغطيها

نصيحتي لك خطط للمستقبل

بالنسبة لي دخل زوجي مو ثابت في مرات دخلو يقل وفي مرات دخلو يزيد

مثلا اذا هذا الشهر كان دخلو جيد تكون حصتي منه جيدة اذا كان دخل لاباس به او بسيط حصتي تكون نفس الشي
يعني كل شهر ورزقو وانا ما عندي مشكل ابدا ممكن اتنازل اذا شي شهر اذا كانت المصاريف وايد والدخل مو كبير

بس اذا رحنا السوق وحبيت شي بيشتريه لي بس دائما مع مراعاتي لميزانيتو يعني ما اروح لغرض غالي بل على حسب اللي عندنا

الله يزيد في رزقنا يارب

اخي البراء

اعجبني هالموضوع لانه يبين تقديرك
لاهمية المصروف للزوجة ..

عن نفسي يعتمد من 1000 - 2000
حسب ما يبقى من الراتب .. لو ما بقى
مع زوجي من راتبه الا 2000 ! وشفت مصاريفه
تحتاج هالالفين الكاملة ممكن اصبر لين الشهر الجاي

المهم ان مصروفي ما يتعارض مع حاجاته
ومصاريفه .. وطبعا افضلها تحويل بنكي

اقترح انك تخصص جزء من راتبك لو 200 ريال
بس صدقة او كفالة ايتام .. بدون علم زوجتك ..
ما راح تحس انها اختفت اصلا ..

كثر الله من امثالك اخ البراء .. ليت كل الرجال
واعين بمسؤولتهم قدر وعيك ..

شكرا لك ..

__________________



احيانا يجب ان نفقد ذواتنا كاملة لكي نستعيدها كاملة ...

اشكرك اخت روعه على مشاركتك
احيانا الزوجه ترغب بتكليف الزوج بجميع المصاريف وهذا واجبه,, واحيانا قد ترغب بالمشاركه ومساعدته
(: الله يوفقك ويسعدك

نورتينا اخت رقه بمشاركتك الرائعه


تسمحين لي اختي: بأعقب على كلامك شوي

انتي تقولي
كلماتك هذي تدل ان زوجك عســل وحبوب الله يخليه لك


بكون صادق معك ومن غير زعل
تقولي ان انه فيه مشاكل ماديه وقبل تعترفي انك ضاغطه عليه ماديا يعني من السبب في المشاكل

ياخيــيــتي: السعاده ما تجي الا بالقناعه والتنازل والتضحيه
وانت الامـــر بيـــدك


اشكرك على مشاركتك وصراحتك الاكثـر من رائعه الله يرزقك وزوجك السعاد والمحبه والتوفيق وكل خيــر


-
حياك الله اخوي ,, واشكرك على ردك الجميــل
انا معك بكل كلمه قلتها

تحديد مبلغ شهري ما يعني انها ممكن تتجاوزه فعـنــد الضرورات والحاجات الحساب كله لها

بالنسبه للحواله البنكيه : انا اؤيدك بفكرة ان تسليمها المصروف بيدها مع كلمات جميله قـد تكون سبب لزيادة المحبه بينهم
لكن انا اطريت فكرة الحواله البنكيه: اقصــد فيها للأشخاص اللي يتذمرون بكل وقت يعطون زوجاتهم قروش فيكون حل للزوجه انها تاخذ مصروفها من غير طلب,, والرجال يختلفون


اشكرك اخوي على مداخلتك الرائعه
اسأل الله لك التوفيق والسعادة والنجاح في الدارين

-
ياحبيلك ياخوي
انا كنت اقصــد اتكلم عن المصاريف اليوميه ونسيت اذكر التوفيــر وما فيها اختلاف ان التوفيـر هو اهم اسباب الشعور بالامان وتفادي المشاكل وبنـاء المستقبل بعـد توفيق رب العالمين

مشكور على تعقيــبك
ربي يسعدك

-
اهنيك على حسن تفكيرك ومراعاتك لزوجك

الله يزيدكم في الرزق المبارك ويجعلكم من الشاكرين
-

اهنيك على تفكيرك الرائع وحرصك على زوجك وحاجاته
ومهمه فكرة تخصيص مال للصدقة. قال رسول الله صلى الله عليه وسلم: (ما نقص مال من صدقة)

الله يرزقكم التوفيق والسعادة والرزق الحلال

-

ماراح اتكلم عن نفسي ..

راح اتكلم عن المثال الي ضربته لنا اخي الفاضل ..

لو راتبه 800 ريال _____ اعتقد 500 الى 800 ريال ..

لو راتبه 10,000 ريال الى 12,000ريال ______اعتقد 1000 الى 2000 ريال ..

طبعا يختلف وضع الي ساكن عند اهله عن الي ساكن باجار ..

والي عنده اطفال عن الي ماعنده اطفال ..

والي له ورث ووو عن الي راس ماله هالراتب ..

والي زوجته موظفه عن الي زوجته مالها الا ربي سبحانه ثم هالزوج ..

__________________

المصروف عاده ما يقل عن 200 ولا يزيد عن 500 اتوقع الا على حسب راتب الزوج والتزاماته بالطبع
ماني قايله كم كان مصروفي فشله حسيت اني منتفة بجنب العضوات
بس لما توظفت الحمدلله صار مالي وجه امد يدي زي البزارين واطلبه
خلاص شلت مصاريفي وارتحت مع انه كان فيه ناس يحرشوني يقولون اكرفيييه
لكني كنت طيبه وراضيه باللي يجيني من الله
انا عني افضل تسليم المصروف باليد , فيها احساس راااائع
لازم نقعد نسوي حركات على ابو الشباب ونطنط و نخمخم علشان القروش اللي عطاك
وشوفي عاد مشاعر الفرح تلألأ من وجهه
سبحان الله كلن وخلقته الرجال ينبسط إذا عطى و الحرمة تنبسط إذا نفخته

يعطيك العافية

__________________

‏
الوعي هو الملاذ ..

أستغفر الله العظيم ؛
( الفردوس غايتي )

حبيبتي فردوس ..

حتى لو ارسلها للحساب دايركت ..

ماراح بالسهوله تصرفيها ..ولا راح تطير بالفاست فوود ..وطلبات البقاله اليوميه ..

وحتى لو ارسلها للحساب ..اول ماتجيك رساله البنك على جوالك ..أرسليله شكر يحبه قلبك على جواله ..

__________________

لالا والله مالها طعم صدقيني ..
انتي بس جربيها يوم انك تاخذينها من ايده
مع بوستين مدري قبلتين و كلمتين شكر
الزوج ينبسط على الحركات وربي
انا اذكر زوجي كان يستانس يوم يعطيني الله على
ذيك الايام > بس مرة مرة ما اتمناها ترجع الحرية زينة وانا اختك

المسجات وفريها لحاجات ثانية

__________________

‏
الوعي هو الملاذ ..

أستغفر الله العظيم ؛
( الفردوس غايتي )