نونو .... انا احب الاطفال جدا جدا وهو كان يحبهم في شخصيته الاولى ويطالبني كل سنه احمل وانا خلاص تورطت فيه بطفلين وعرفت طينته فقلت خلاص اصبر واجيب لي ذرية تنفعني ان هو مانفعني واصلا انا احب الاطفال مو عشانه .... وواحد منهم مات بقي لي خمسة الله يحفظهم .
وحكاية المدح ... لاني كنت اتابع مع مستشار وكان يوجهني لمدحه حتى في الخطا بالرغم من اني مو اسلوبي ابدا ومو مقتنعة بس كنت في محاولات لانقاذ حياتي معه ....ومشيت على نصائح المستشار ولا فيه أي فائدة ... وانا دائما الوم واتكلم عليه وهو يهرب فقط .... وحتى امي قال لها هذي مالها الا الهروب ... يعني مابيحل أي مشكله ...

فانيتى
اللي كان بيجيبها عندي زوجه قبل هذي وفعلا احضرها وكانت سبب خروجي وجلست عند اهلي شهور طويله ورفعت دعوى عليه طلاق بس بخبثه رجعني بعد ماذكر انه طلقها وانه بيصلح كل شي واتاريه خطب وحده ثانية وقال انا مسافر للخارج ادرس وهو متزوج في مدينه جنبنا
شوفي مشكلتي القديمه قبل سنتين في ملفي
هذي قال لها انه مطلق وهو فعلا طلق الزوجه الثانية ووراهم صك طلاق الثانية ....وانا كنت عند اهلي وعلى ذمته رفض يطلقني
وهي الان عرفت بس ساكته

انا فعلا هدفي الطلاق فقط
بس فيه امور مادية تعترض طريقي
اسال الله التيسير

زي ايش امور مادية

لاني ابغى اتطلق وانتقل لبيتي الخاص ماابغى اروح لبيت اهلي
والان مااستطيع شراء بيت لان علي قروض
واهلي مصرين انه اذا تطلقتي تجي تعيشي في بيت امك ... ةهذا مستحيل مااقدر اترك استقلاليتي واروح اعيش في غرفه في بيت اهلي
اما لو كان لي بيت ملك مااحد بيعترض
ورافضين انه استاجر بيت
عقول مقفله الله يهديهم يارب

تتوقعي زوجك يقدر يستحمل اطفالك يعيشوا عنده

لا مايستحملهم ولايطيق يجلس معهم ساعة ثم يهرب
بس هو دائما يهدد اذا خرجتي بجيب امي عندهم واجيب لهم خادمه
امه كبيرة جددا وماكانت تساعدني فيهم لما كنت ساكنه عندها وهي اشب منها الان
ومابيلقى خادمه تتحمل اولاده واصلا ماراح يدفع فلوس للخادمه لانه انا الحين ادفع كل شي خادمه وسائق واشتريت سيارة ومصاريف المدرسة وكل طلباتنا ... هو يدفع مصاريف الاكل والكسوة وببخل شديد
واحيان يقول اوديهم عند زوجتي ترعاهم
وطبعا هذي مستحيله لانه يخاف من ظلها مو بيجيب لها اطفال تربيهم وهي لايمكن توافق الا في حالة تخليهم خدم لها وتاذيهم ...
انا عارفه انه الاطفال سلاح ضده لكن مابغامر بعيالي ابدااا يكفي شافوا مواقف كثيرة خلاص برتاح واريحهم .

يانونو ياقلبي هذا مو معطيني طلباتي الاساسية عشان اطلبه خاتم الماس
انا اطلبه كل شهر يحول لنا فلوس الاكل ويماطلني كثير مع اني محدده له تاريخ شهري يرسل لنا فيه لكن ينتظرني اطلب واطلب ثم يرسلها ناقصه وكل مره ينقص المبلغ عشان يذلني ويقهرني ..
طلبت منه فلوس عشان اسجل بنته بالروضه وافق بعدين رفض بعدين وافق ورفض واخيرا اضطريت ادفع لوحدي مبلغ كبيرررر بالرغم انه من قبل كنا ندفع سواء في الروضة ... الان تركني اتحمل كل شي لوحدي ...
فوق ظلمه ظلم وظلم ...
حسبي الله فيه وكفى .

وكان مهددني بالطلاق اذا تواصلت مع زوجته وخبرتها انه انا زوجته الاولى ...
وكنت اهدده اني بخبرها ... ومافي فائدة ...
وهي فعلا عرفت وسكتت وتمسكت به اكثررررر .

كيف عرفتي انها تدري طيب؟

__________________

اختلافي عنك لا يعني اختلافي معك

عن طريق ناس بلغوها وقالت انتم فتانين وبتخربون بيتي