25-03-2017, 06:58 AM
26-03-2017, 12:56 AM
|
المشاركة الأصلية كتبت بواسطة abo marym
وفقك الله ابنتى الطيبة ورزقك من حيث لا تحتسبى بقدر الله اولاً اعتقد من الافضل عدم الرجوع الان الى بيتك بدون ذكر السبب لاهلك حفظهم الله ولكن ابدأ فى التواصل مع الزوج برسائل رقيقة تخبيره انكى شعرتى انك ثقيلة عليه لذا احبيبتى ان تتركية فترة لكى يهدأ وابدأ فى ذكر سبب تغيره وانك مشتاقة الى زوجك الحبيب الرقيق الذى كنتى تنتظرى اليوم الذى تكونوا فيه تحت سقف واحد واذكرى بعض الذكريات الجميلة من ايام الملكة وانك تحزنى لسبه الوالدة وقولى له تقبل انا ان افعل هذا ولو لقريبة لك وليست الوالدة اذا انصلح حالة فالحمد لله اما اذا استمر فى العناد فيجب ان تشكى الى خالتك التى احضرته لك او الى آمه لكى ينصحوه ان يتقى الله فيك وانتى لا تنقطعى عن الدعاء والتضرع الى الله عز وجل ان يألف بين قلوبكم ويخرج من بينكم شياطين الان والجن انه سميع قريب وآخر الحلول هو تدخل الوالد ولكن اياك ثم اياك ان تقبلى هذه العيشة المهينة المذلة انك زوجة ممتازة ما شاء الله وتستهلى رجل محب صالح يتقى الله فيك وفقك الله عز وجل لما يحب ويرضى |
26-03-2017, 07:55 AM
26-03-2017, 10:23 AM
|
المشاركة الأصلية كتبت بواسطة نبض الدان
غزلان
بلغي أهلك وخوذي رايهم.. بصراحة لو كنتي مكان بنتي ماارضاها لك لاتضيع سنين شبابك على اللهث خلف شخص غير مسؤول ومو عارف قيمتك.. ع الاقل يعيد حساباته والا رب العالمين عز النساء عندما خاطب الرجال ب(فإمساك بمعروف أو تسريح بإحسان) كل البيوت تمر فيها مشاكل وسوء فهم بس مو للدرجة هذي بصراحة.. |
26-03-2017, 11:44 AM
26-03-2017, 12:08 PM
|
المشاركة الأصلية كتبت بواسطة محب السنة
لا تستعجلين
أنتوا لساتكم في أول الطريق كلمي أبوك يكلمه و ضعي شروطك و بإذن الله تتحسن علاقتكم من أولها تطلبين الطلاق ؟؟؟!!! هو صغير يبغاله و قفة عشان يفهم الزواج صح بعض الناس ماتعرف تعبر و بعضها لا يفهمون مقاصد الزواج و البعض جهال و هكذا ... أسأل الله لك التوفيق |
26-03-2017, 12:39 PM
|
المشاركة الأصلية كتبت بواسطة غزلان1ا
السلام عليكم ورحمة الله وبركاته
انا بعرض مشكلتي واتمنى تساعدوني لاني تعبت من التفكير😢! المشكلة هي انا متزوجة لي 6 شهور وعمري22، زوجي انسان ماعنده احساس بالمسؤولية ابداً يعني عادي يطلع مع اصحابه من العصر لما الفجر وانا طول هالوقت لوحدي بالشقه صح اخاف من الوحده بس مستحيل اتصل اقول وينك تأخرت من هالحكي! اعرف هالاشياء تزعج الرجل لكن برضو مستمر في السهر والطلعات وانا دايم لوحدي حتى والله العظيم تمر اسابيع ماطلع من الشقه ولا يطلعني، والله افتح الشباك ابي بس اشم هوا.. برضو لما يرجع ريحته شيشه ودخان، سألته مره انت تشيش؟ قال ايييه مو عاجبك؟ تقدرين تشكيني عند اهلك... رضيت بقدر ربي وماعلقت.. ثاني شي بخيل معاي بشكل! يعني عادي يعطي امه اصحابه لكن معاي وعلى بيته بخيل جداً، والله ماتصدقون لما اقولكم للحين البس ملابسي من بيت اهلي اللي قبل زواجي ولا عمري رحت السوق ولا اشتري زي الاوادم! ثالث شي انا طلبته يوديني مكه يومين من اول ماتزوجنا لكن يأجل يأججل وانا اسكت، اتصل عليه صاحبه قبل اسبوع قال بروح مكه تجي معاي! قال اوكي تم! وجا قالي انا رايح مكه الويك اند الجاي هالاسبوع اجلسي عند اهلك بالرياض لاني بطير من الدمام! (يشتغل بالدمام واهلي واهله بالرياض) طبعاً قلت له انت وعدتني توديني مكه قبل 5 شهور ولما طلبك صاحبك مافكرت انك واعدني؟ قالي هذا اللي عندي تبين ولا ازعلي، سكت ومشينا الرياض لما وصلنا وارتحنا وكذا قلت طيب ابي السوق بشتري هديه لبنت عمي ملكتها الاسبوع الجاي! قالي بصوت عالي ماعندي فلوس ولا تطلبيني شي وانتي طلباتك كثيره وانا والله ماطلب شي وان طلبت ماطلب الا الضروري واللي ناقصني وهو عارف! قلت طيب مارديت ولا رفعت صوتي ولا شي لما جا يوديني لاهلي قالي شوفي تبين غيري بتلقين كثير ترا! انصدمت! قلت ايش يعني؟ قال افهميها! سكت مدري ايش ارد عليه... نزلت عند اهلي واللحين لي اسبوع ماكلمني ولا اتصل ولا سأل، مدري ايش اسوي ومدري ايش غلطت فيه اصلاً! والله مامدح نفسي لكن انسانه محترمه ودايم بيتي نظيف والبس له واتكشخ له رغم انه مايمدح ولا كأنه يشوف اصلاً! لكن مايهمني اهم شي انا راضيه عن نفسي.. كل يوم اقول بيسأل بيتصل لكن ابداً مافيه امل! |
26-03-2017, 01:24 PM
|
المشاركة الأصلية كتبت بواسطة maha sami
طيب الان الزواج تم وماراح يكون في فايدة اني اسالك عن دراسة سلوكه قبل الزواج
لكن المشكلة تتلخص كالتالي : شخص غير مسؤول + لا يصرف على زوجته + يتركها في المنزل ساعات طويلة = شخص كله سيء لكن عتبي عليك انتي ! المفروض ماتكوني ضعيفة لدرجة انك مو قادرة ترفعي التلفون تسآليه انت وين ؟! الان، قبل ماتتسرعي بآي قرار هل والدتك والدك موجودين؟ اذا لا، هل في احد من اهلك تقدري ترجعين له في امور حياتك؟ اجلسوا مع زوجك وفهموه (بالحزم) شروطك للعيش معاه ولو يوصل الامر لاهله افضل ! وبعدها قرري انتي اذا تبغي تكملي حياتك معاه او لا. انتي تعرفي نفسك وامكانياتها هل راح تقدري تكوني قوية كفاية حتى تنفصلي وتواجهي المجتمع ؟ انا اشوف انك صغيرة جدا على انك تعيشي هموم من الحين. انتي لسى ماعندك اولاد و انا افضل انك ماتخطي نحو الانجاب قبل ماتتاكدي ان هالشخص راح يكون اب مسؤول بالمستقبل. الله يعينك ويصبرك يارب |
26-03-2017, 05:32 PM
|
المشاركة الأصلية كتبت بواسطة غزلان1ا
لحظة، اواجه مجتمع عشان تطلقت؟
واعيش هموم عشان تطلقت؟ ليش؟ الحياة لسى فيها اشياء حلوه وجود امي وابوي وبكمل دراستي الجامعية واشياء كثير ماتوقف على رجل ماعرف قيمتي وانا عنده.. مو اخر حياتي اذا انفصلت، اللي مكتوب لي بيصير وانا راضيه فيه وماراح احزن ابداً.. شاكره لك .. |
26-03-2017, 11:16 PM
|
المشاركة الأصلية كتبت بواسطة maha sami
لحظة حبيبتي انتي اخذتي جزء من كلامي فقط ! انا معك 100٪ ان الحياة لسى فيها اشياء كثير
تنعمل وانا من الاشخاص اللي مرت بنفس ظروفك بس الفرق انو انا كنت مملكة وانفصلت قبل الزواج والحمدلله الان متزوجة من الافضل ! وفعلا الحياة اعطتني كثير من احلامي بعد الانفصال من ضمنها اني اكملت درجة الماجستير بتفوق. لكن انا مااعرف شخصيتك وظروفك حتى احكم كيف راح تواجهي الانفصال لو لاقدر الله حصل. ولهذا انا حبيت انك تبادري بفرصة للمصالحة مع وضع شروط. انا لسى قريت انو زوجك صغير بالعمر فيمكن هي مرحلة وراح تعدي ان شالله. الله يكتب لك الخير |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
