مرحباً اختي سمورة
صراحة موقفك لاتحسدين عليه لاتحقدين على احد وتحبين العيش بسلام وقلبك ابيض وساترة على زوجك ماشاء الله استقبلتيهم مع انهم اتو من غير موعد انا لو كنت مكانك يمكن كان سمعتهم كلام اقوى من اللي قلتيه (مع انك لم تغلطي عليهم (رفع صوت او شتيمة) وانما قلتي لهم حقائق كانت غايبة عنهم) ولكن بما اني لست مكانك وبما اني خارج الضغط لذا اتضحت لي عدة امور كانت ستغيب علي لو كنت مكانك 1- زوجك ضعيف امام والدته (بحيث لايستطيع مواجهتها حتى بالادب) ووضع الحمل واللوم كله عليكي في هذا الموضوع. 2- تصرفات ام زوجك توّضح لنا انها كانت ناوية لكي نية عندما تسكني عندهم (صدقيني محد يحب احد يسكن عنده ويثقّل عليه الا اذا كانت هناك مصالح خلف هذا الطلب (مصالح مثل يظل ابنها تحت نظرها - تكوني انتي تحت طوعها- تخدميها في البيت - ترمي عليكي اللوم في امور اخرى - تربي احفادها حسب وجهة نظرها - وهكذا ) 3- ام الزوج المحبه اقل شيء تعمله هو انها تخبرك بموعد قدومها - تعرض عليكي خدمات شغالتها - تغض الطرف عن زلاتك، اما انها تنتقدك عالطالعة والنازلة فهذا يدل على انها مقهورة منك وتريد تثبت لنفسها انها احسن منك (من قلة ذكائها (غبائها) انها وضعت راسها براس زوجة ابنها) وبالتالي احضرت شهود كي يرون تقصيرك، وعشان تنجح خطتها زارتك فجأة عشان ماتقدري ترتبي البيت وبالتالي ماراح تلاقي عليكي شيء تلومك فيه. 4- انت قلتي انك متى تروحي تسكني عندهم وتنتهي مشاكلك! اقولها لكي وبالفم المليان انه حسب المعطيات التاليه فإن سكنتي عندهم فكأنك سكنتي في الجحيم وسوف "تبدأ" مشاكلك رضا زوجك اهم من رضا اهله زوجك من النوع المتهرب؟ اوكي من اجل عين تكرم مدينة اتحملّي كلام اهله في حالة انهم زاروكي وهم اخذين موعد منك ولم يجدوا البيت مرتب اما اذا زاروكي فجأة ففي هذه الحالة الشغلة مو مستاهلة تحمّل ابداً ، لأنهم مااخذوا موعد منك، وبالتالي ليس لهم الحق ابدا ابدا في لومك ، وبالتالي عندما يلوموكي فهذه قلة ادب منهم وبالتالي مايحتاجي تنزلي قدرك وتحطي راسك براس ناس اقل منك اخلاقاً وتربيه وانما افرحي في داخلك ان الله جعلك اعلى منهم تفكيراً واخلاقاً وخذيهم على قدعقلهم واعطيهم من الكلام ابو بلاش : سامحوني والله على التقصير ، انت قدركم اعلى من كذا والمفروض افرش لكم الارض ورد صدقيني ياعمة لو عندي خبر من بدري كان جهزّت لكي البيت احلى تجهيز بس انتي فاجأتيني بزيارتك اليوم، ولكن احلى زيارة على قلبي. طبعا انتي عارفه وهم عارفين واحنا عارفين انه كلام ابو ببلاش ولكن كلام واقعي ومؤدب وفيه رد اعتبار وهكذا كلام سليم اختي |
بخصوص الاتصال على اهلك
قولي له بالفم المليان ماتبغاني ؟ انت اللي توديني عند اهلي وانما انا ابغاك وعشان كذه مش طالعه من دا البيت والله يسامحك على انك رميت علي اللوم بعدم السكن عند اهلك واهلك (لاتقولي امك) زاروني فجأة ولاموني على على عدم الترتيب وسمعوني كلام يسم البدن وصراحة اكتشت انه معاك حق يازوجي انه مانروح نسكن عندهم، اذا انا بعيدة وماسلمت من كلامهم فما بالك لو كنت ساكنة معهم؟! فياريت تسامحني اني ماانتبهت لصحة وجهة نظرك على المدى البعيد انت الخير والبركة ومانعرف ايش نعمل من غيرك. ----- الكلام هذا احتوى على فقرات هامة : 1- انا اريدك 2- انا موقفي صح 3- انت موقفك الأصح ولكنك جعلت المواجهه عندي 4- انت الغلطان في شي وانا غلطانة في شي 5- لأنك زوجي ورضاك من رضا الله سبحانه وتعالى لذا انا اللي باعتذر منك (مع انه المفروض انت اللي تعتذر مني). 6- انا فاهمة انه لو رحت بيت اهلي بيدي فسوف لن ترجعني لانك سوف تقول انتي اللي خرجتي! وبالتالي انتي اللي ترجعي. لذا خرجة من البيت لن تكون من طرفي ابداً |
انتبهي تسكني مع اهله
اذا انتي دحين في شقه لوحدك و هما كل شوي يتدخلوا و ينقزوا عندك كيف لما تسكني معاهم ؟ هي تجاوزت حدها و انتي رديتي عليها و ما غلطتي و الي بيزعل يزعل براحته خلاص عشان كل واحد يعرف حده لا تعتذري و لاشي |
المفروض زوجك هو اللي يعتذر على اللي سواه اذا مو عاجبه يسكن بيت اهله ليه يرمي التهمه عليك ويخلي اهله
ياخذوا موقف منك .. لا تعتذري له ولكن اهتمي في بيتك واطفالك لما يهدى الجو ..ولما تتصالحوا عاتبيه بهدوء.. |
زوجك مايعرف يدير الموضوع من البداية، ولا المفروض يطق صدره قدام أهله ويقول أنا أبي أجلس برى، لكن مادري غريبة بعض طبائع العوائل وتدخلها بحياة وخيارات ابنائهم وهم حتى كبار!!
كان يفترض أنه يجنبك نهائياً الصدام معهم، وبالعكس يقول هي تبي تسكن عندكم بس أنا رفضت، علشان صورتك تضل كويسة عندهم. |
اهلًا فيك سمورة 🌸
غيمة وتعدي وكان شيئا لم يكن لا تتصلين على اخوانك ، ولو فتح موضوع ذهابك قولي له انا لا اخرج من بيتي ولا اقحم اسرتي بمشاكلي، فان أردت انت ذلك فبادر انت. هو يعلم انك لست مخطئة وهو المخطىء وان لم يعترف بذلك الزخم الذي تعيشينه غيب عنك فكرة ما هو أراد ان يحتمي بك من مشاكل قد تقع فهو لم يجد خيار انسب ( فبالنسبة له المواجهة بانه صاحب الرغبه ستسبب له مشاكل) هو في مأزق مع نفسه ومعك ومع أسرته وتعلمي فن الصمت مع اهل زوجك لا تقتربي كثيرا وكوني بعيدة بشكل مناسب عنهم. كوني حذرة وغير سلبيه الأمور السلبية تهون امام التغاضي وتستحي وتختفي من جهة اخرى ابحثي عن مركز تحفيظ للقران واستمتعي بحياتك الجديدة واحتفلي مع ابنتك وزوجك بترقيته الجديده |
انا مستغرب من زوجك ..
اذا هو ضعيف شخصيه عند اهله .. فبكلامه انك انتي اللي رافضه يبين انه ضعيف شخصيه عندك كذلك .. اللي مطلوب من زوجك انه يعتذر لك في البدايه ثم يروح عند امه ويصارحها بأنه هو اللي رافض السكن معهم .. ويذكر لها الاسباب .. بس لتفادي المشاكل مستقبلا .. خصوصا مع ام الزوج .. خليكي اذن من طين واذن من عجين .. لا تدخلين في صراع معاها .. لان الغالب الزوج يوقف مع امه سواءا كان على صواب او على خطأ .. واذا قالك ما رحتي بيت اهلك .. قولي له انا مو غلطانه .. ما تبيني انت وديني بيت اهلي .. خلي الموضوع يهدا وما بيصير الا كل خير .. لو يبي يوديك بيت اهلك لكان وداك من لحظتها .. |
ماشاء الله عليكي انت ماقصرتي ولا غلطتي بشي
الغلط على زوجك الله يهديه ..لما يهىدى ويروق كلميه ووضحيله الموضوع يمكن امه شرحتله بطريقه عكس الي حصل .. بس ماشاء الله عليكي .. انا لما ام زوجي تجي على غفله ومااكون لابسه او مستعده طيراان على غرفتي واعمل نفسي ميته قصدي نايمه 😂😂😂 واقول لزوجي افتحلها وقولها اني نايمه ..بس ماعملتها الا مرا وحده كانت تبغى تكلم زوجي بموضوع . بس دي طريقتي للزيارات المفاجئه 😬 |
الإخوان والأخوات قالو مافي نفسي ماقصرو ... بس والله ياسمورة هذا الموضوع خلاني اكتشف ان قلبك ابيض زي الحليب وانك بنت اصول ومتربية الله يرحم من رباك ويجعله في جنات النعيم .
|
تسلمي لي حبيبتي هذا من طيب قلبك واصلك
كلمت زوجي اليوم وحاولت افهمه عياا يسمعني يقول امي لحد الحين ماتكلمني وزعلانه مني بسببك ... قلت له طيب وانا وش بيدي حاولت اكلمها اتصل عليها ماترد ووصلت رسالتي مع بنتها ورفضت تكلمني... قال روحي لها للبيت اعتذري لها ... والله احس بصعوبه اروح لها وعارفه انها بتفشلني الا اذا قلت لها اني بعيش عندكم... والخميس اذا مارضت علينا رح يوديني بيت اهلي وقلت له اني للحين ماكلمت اخواني ومابي اروح وبجلس ببيتي وهذي غلطتك حاول تصلحها ... يقول لا لازم تروحين لها وتقولين ان انا كذبت لما قلت لها انه هو اللي رافض وأقول لها ان انا رافضه عشان في رجال بالبيت ... وعشان هم مايتضايقون من وجودي ومن هالحكي ... للحين ماسويت شي قلت له يصير خير لبعدين .. |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|