مساء الخير
والله طبعا انتى حد حساس تجاه زوجك وده شىء يحمد
بس ياترى ده لانك فعلا شايله همه ؟ وللا انتى حاسه بالذنب من انك بتستمتعى بحياتك وهو لا؟ وللا عشان انتى شايفه ان المفروض انك تكونى مثله يعنى باقيه بالبيت وتخافين ملامته او ملامه الغير او ملامه نفسك لنفسك حتى وتريدين ان تتساوى كفتى الميزان بينكم فى الحياه الاجتماعيه؟
لو عرفتى مبرر اهتمامك الزائد ستعرفين الحل اكيد.
لقد قلت ان الوضع المفروض ان يكون عكسيا !!! اشعر انها شعور زائد عن الحد بالذنب وخوف من ان تتهمى بالتقصير او ان تكونى مثله والله اعلم
اما بالنسبه لكونك تبخلين عليه بالاهتمام بتعليمه النت فلا حق لك بصراحه فعلا هو لو عاوز يتعلم هيتعلم بيكى او من غيرك
ولو عاوز يتعرف على ستات وده اللى مخوفك من النت هيتعرف بيكى او من غيرك ، يعنى مش مبرر انك ما تعلميه عشان تقفلى باب او عشان ما تكونيش السبب
بالعكس اللى جوزك فيه لو هو مسبب له مشكله فعلا ممكن يؤدى به للتعارف
انما فكرى فى شىء تانى
الناس مختلفه عن بعض
يعنى مش ضرورى انك عشان اجتماعيه وما تقدرى مثلا تعيشى من غير دائره اجتماعيه بها اصدقاء وخروج وان لو انقطعت عنهم ستصابين بالهم ان يكون هو مثلك.
من ادراك انه يريد اصلا حياه اجتماعيه؟
انا انثى ولا احب لا الخروج ولا الطلعات اطلاقا وليس لدى الا صديقات قليلات جدا واستانس بهم عالنت فقط
بل انى اتهرب من اولئك الاتى يطلبن الخروج والطلعات الكثيره.
هذه طبيعتى واحب ما انا فيه بصراحه ولا احب ان يتهمنى الاخرون بان لدى خوف من الناس او انى مكتئبه او منطويه!!!!!
لكل منا طبيعته ولسنا طبعه واحده .....لسنا نسخ مكرره
ولا يوجد كتاب للحياه يجب علينا اتباعه او انه من لا توجد له دائره اجتماعيه فلابد انه حزين او تعيس!!!
اسئليه عن رغباته ، عرفيه على ازواج صديقاتك فى زيارات عائليه ان كان يريد ان يتعرف على الاخرين ويخجل او لايجد لذلك سبيلا
اما ان كان سعيدا بحاله فاتركيه ولا تبالغى فى حياتك الاجتماعيه حتى لا ينفرط منك العقد وتوجدى له مبررا لاى شىء
كونى طبيعيه ، ربما لا تتعدى شكواه من ذلك مجرد الفضفضه لا اكثر ولا اقل