عرفت ليه الرجال ينفرون من المثقفات
فيه همسة حابة أقولها لك
أنت كتبت الموضوع لأنك حابه نساعدك
وأنت تحبيه لاجل كذا حبيتي تساعديه
حبيبتي قللي من الصورة المثالية اللي انتي راسمتها فبالك
مافيه زوج بكل هالموصفات
حقيقة الحياة الا كمال
والإنسان خلق في كبد
انتي نفسك مو كاملة أكيد
شلون هو
ولا تتخيلين ان الرجال أحسن منه
بس لأنك مركزه بأشياء
مأثرة عليك
يكفيك عفته ماشاء الله
إنسان باين نقي مايعرف بهالأمور ترا والله نادر
يخاف الله ،وحنون
ويحبك شتبين أكثر والله يستاهل هالإنسان كل خير
الله يسعدكم
حبيبتي الحياة الزوجية ماهي برنامج حوار
وعموما الرجال أقل من النساء في فنون الجدل
فلا تقولي ثقافة وغيرها
لو حصلت حلو
بس لو ربي ماراد الحمد لله
أعرف أكاديمي كبير له خيانات بالنت والماسنجر
لأن زوجته ماملت عينه ثقافيا>>على كلامه
وصدقيني هو بيتأثر منك تدريجيا
وراح تتذكرين بعد 5 أو حتى 3 سنوات
ولا تقولين غبي
متأكده أنك عطيتيه هاللقب لأنه قلبه أبيض وطيب
هالنوع والله نادر
الرسول صلى الله عليه وسلم مدحهم بمخموم القلب
لكن المجتمع للأسف علمنا نبجل الخبيث
وبالنسبة للجنس
انت قلتي ان الشباب يخلصون بليلة الدخلة
أولا مو كلهم
أعرف كثير جلسوا بالشهو
وغالبا اللي متعرفين على بعض قبل أو يستعين بأشياء تساعده أو جريء
وللعلم إذا كان زواج تفليدي ودخل من أول ليلة صعب جدا نفسيا على الزوجة
وانتي أكيد فاهمتني
وفيه منهم يسوي مثل الاغتصاب
والألم لازم مو بس أنت
مع المحاولات لحد مايصير
أنت حطيتي نفسك ضحية
الحقيقة هو الضحية
والا فيه زوج محددة له زوجته لقائتهم الخاصة
هذا تعذيب وحرمان
هو ليه متزوج مافكرتي
طبخ وغسيل أهله مايقصرون
حرية العزوبية أحسن
هو لهالشغلة هذي الحقيقة
يبي له ستر عفاف وسكن وحب
مو جدول لقاءات
أنت بهالأسلوب تبنين الحقد والكره عنده لك
ليش تتجاهلين الفطرة والغريزة
تعتذرين أحيانا تمشي
بس مرة بالشهر والله حرام
تخيلي لو يدخل المنتدى شيبي يكتب
بيقول (عندي زوجة نكدية
لا تتقبلني ابدا
وتراني من فوق برجها العاجي بكل كبيرياء
حتى من عنجهيتها حددت لي اللقاء الخاص يوم بالشهر
هذه ونحن عروسين
أبين لها حبي وعطفي
تهديني تسلطها وتذمرها
أغمرها بالحنان
تلفحني بالقسوة)
أول رد بيكون طلقها وتزوج
ويمكن علو النفس يقول سلملي على شواربك
من اليوم
دائما تعوذي بالله من الشيطان الرجيم
تأملي صفاته الحلوة والنادرة ماشاء الله الله يبارك لكم
قبلي راسه لاجل يحس بالقبول ومن ثم الثقة علشان ينطلق بالتطور تلقائي
تبسمي له
مارسي معاه هواياته والعبي معاه كأنك طفله
أمرحي واستانسي وخليك نكهة حياته
اطبعي صفحات من النت وقولي له خلنا نجرب هذي اليوم وشوي شوي يبدا هو يبدع
ماراح تسير الحياة بلا تقبل متبادل خصوصا ان زوجك يستحق ذلك
تقبليه كما هو تأكدي انه يحمل صفات جدا رائعة اتمنى زوجي يكون طيب والا حنون والا صبور والا محب الله المستعان
لاأقول لك حسدا لكن لتعرفي نعمة الله عليك بارك الله لك
أخير ياغالية
احمدي الله على هذه النعمة
فالطيب الحنون العفيف الذي يخاف الله منى كل فتاة
تخيلي تحضى به أخرى تحب الحياة بكل ألوانها
تتخيله لونا زاهيا تشكل منه لوحتها الرائعة
كوني انتي هي
أسعدكم الله
وهدانا للخير