مشكووورين كلكم عالردود

سحابة

لا ماااا نساافر
الا كل سنتين او 3 لليمن .. و نظرا للظروف الحالية فما راح نسافر .
لكنه يقصد لو اريد عمرة مثلا .

المستشفيات الحمدلله اتعالج حكومي لكن احياانا نمر عالخاص لو مالقينا حل بالحومي
حاليا مرتبطة بالليزر فقط
وندفع بعد للولادة تقريبا عشرة الاف .. فلو وافقت ممكن يخليني ادفعها

طيب .. هالشهر عطوني 1000 فقط لاني داومت من نص الشهر

سالني قبل كم من يوم عطوج الراتب قلتله هيه و خبرته المبلغ
قال وين مالي ؟ قلتله ليش مالك و انا ماخذه الامر مصخره

المهم شاف الظرف اخذ الورقة وطلع وما كنت موجودة بالبيت
بالليل رد وهو صارف منها 200
خذت الباقي وخبيته
وبعده يسالني وين فلوسي ؟

واليوم يكلمني انه جاد بسالفة الفلوس
ادري زوجي مب محتاج ..و احس باسلوبه انه استغلال

راح احاول اني اعطيه مبلغ سواء 500 او 1000 ويلتزم بمصاريفي
وباقي الفلوس اسوي فيها شو مااريد .

و دوام الصبح كنسلته . ما راح اعور راسي واخرب بيتي
ومشروعي راح اكمله وما راح اعطيه اي تفاصيل للطلبيات .
و باذن الله اي مبلغ يتجمع عندي راح احطه عند اهلي .

زوجك استغلالي .. لا تعطيه ..حتى لو اضطريتي تخلي الوظيفة . يكفي انك تصرفي على نفسك
...ومشروعك لا يدري عنه ابدا وهذا درس لك عشان ما تعلميه بالتفاصيل لأنه أساسا شغلك من البيت ....

أما مسألة أنه إذا ما اعطيتيه مو ملزوم بالمستشفى والسفر وغيره قولي له حتى أنا إذا ما وفرت لي هذي الأشياء ماني ملزومة اطبخ لك أو اغسل ملابسك وغيره .. المشكله انه حاسدك على 2000 ليت أنه راتب عليه القيمه ..

أنا مع مساعدة الزوج إذا كان راتبه قليل جدا وفي نفس الوقت يكون يستاهل ... مو أرمي فلوسي لواحد استغلالي بكره يجمعها ويصك رأسي بمصيبة..

اذا في عقد الزواج اشترطتي عليه وظيفتك فماله حق في هلله
ااذا اعطيتيه بطيب نفس انتي حره
اذا لم تشترطي العمل في عقد زواجك وبعد الزواج وافق تعملين واشترط عليك نسبه او مبلغ ووافقتي فعليك الالتزام

سددي لاهلك الفلوس الي بديتي فيها مشروعك
من الاشياء الي تجعل الرجل راغبا في المرأه مالها
هذي نزعه عند بني ادم يبون مال المرأه

كان الله في عونك وبالتوفيق

__________________
من عاش لله ومات لله فقد ربح دنياه وأخرته...

اجل اقفلي الباب من اول راتب ولاتفتحين على نفسك باب ماراح ينقفل
وبتلاقين نفسك تدفعين كللل شي ..

ساهمي باللي تقدرين عليه من كماليات لنفسك لبنتك لبيتك حابه تهدينه
لكن تحطين مبلغ في يده لااااا

دام قال اذا مابتعطيني بنفس طيبة ،، قوليله اي والله النفس مو طيبه
لو الراتب اكثر ما عندي مانع
لو انا محتاجين من عيوني
لو بقصر في بيتي وبنتي ممكن ادفع النص
لكن بس لأني توظفت ادفع النص مش منطقي ابدا.
ومن الآن ادخري شي من الراتب ولا يدري عنه ،،خبيه عند امك
ولا اذا تقدرين تفتحين حساب ما يدري عنه أفضل .

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

لو قال لك تشاركين في جزء في راتبك للبيت ككل فما فيها شي
و لكن يأخذ نصف راتبك لنفسه فهذا استغلال طبعا و لا ترضي بهذا الشيء و بلا هذا العمل
عموما الشرع يقول النفق عليه و انت تقري في بيتك ما عدا هذا يخضع للاتفاق الا لو كنت شارطة العمل في العقد

سحابة

هذا رأيي اني اساهم بمصاريفي وكماليات بنتي .

لكن هو يريد مبلغ واحسه استغلال . من اول ما وصل اتبي و هو يقول وين فلوسي
ومن صدقه ماخذ للفلوس وصارف منها .

هادي ... هو فقط يدفع ايجار البيت
مصاريف البيت ابوه ما يقصر
و عنده شغل اضافي

لو ما رضيت اعطيه مبلغ راح يعورني راسي وكل شوي ادفعي و ادفعي
و ان عطيته حسيت باستغلال و بيطيح من عيني
و بنفس الوقت لو يرضىةاعطيه وكل مصاريفي عليه اكون افتكيت من عوار الراس
لكن ممكن كل شوي يقول ادفعي سوا جلسات الليزر او غيره

حبيبتي ريحي راسك واقعدي بالبيت ودلعي نفسك وخليه يصرف عليك زوجك من الرجال اللي مايصلح أن زوجاتهم يتوظفون ابد.
نصيحه من القلب اتركي هالوظيفه إذا أولها كذا.

__________________
حينما تتخذ القرار الصحيح لا تبالي لقلبك ؛ تألم يوم، شهر أو حتى سنة بقرار عقلي صحيح ، أفضل من أن تتألم طيلة حياتك بقرار خاطئ من قلبك".

المهم تشاركيه بجزء من راتبك(سواء نصف او اقل) في مصروف البيت سواء ايجار او غيره سواء هناك حاجة او لا و بالطبع اي مشاركة ستحسن من وضع الاسرى ككل
و لكن كما ذكرت ان يأخذ نصف راتبك له و لا يسأل عما يفعل به فهذا استغلال و لو ان ذلك جائز شرعا

اقعدي في بيتك ماتسوى الألفين تسوي مشاكل بينك وبين زوجك..لو الراتب يسوى كان كلام ثاني
مدري اسمع بحافز مدري مستمر او لا
ليه ماتسجلي فيه من دون يدري واتوقع نفس راتبك
او تشوفي احد يسجلك في التأمينات تأخذين الف او ألفين حسب الشركه اللي انت مسجله فيها وانت نايمه بالبيت .. اشوف حولي كثير مسجلين بعضهم يأخذون ثلاثة كمان ...

__________________