أخوي عادات الناس تختلف ترا..
بخطبتي اتفق أبوي مع خطيبي وأبوه أنهم يعطونه 3 أسابيع يسأل
وبعد 3 أسابيع كان أبوي سأل تماماً وكلم والد خطيبي يبغى يبلغه بموافقتنا..

تعرف وش رد عليه؟
قال احنا مبسوطين بموافقتكم المبدئية عليه، وبرضو اسألوا أكثر من حقكم
الولد ينتظر مو مشكلة أهم شيء البنت تكون مرتاحة.


الأب ما شاء الله كان عاقل ومتزن وحاط نفسه مكان والدي

البنت تحتاج وقت..
أنت ما تعرف الشعور اللي نحس فيه لما ننخطب؛ أفكر بالحياة الجديدة، بالرجل الغريب،
بطلعتي للمرة الأولى من بيت أهلي بدونهم..
الأنثى دائماً أضعف تسأل نفسها ألف مرة: راح يحبني، يخاف الله فيني، يعاملني كويس
زي ما أهلي يعاملوني، راح أقدر أتحمل المسؤولية؟ ، أهله كيف راح يعاملوني؟ و..... الخ


بالمقابل أنت رجل، بطبيعتك أجرأ من البنت..
متعود تطلع برا البيت وممكن تسافر مع أصدقائك
تحتك بناس كثير طول اليوم بالدوام، المسجد، السوبر ماركت حتى.. فما عندك رهبة المواجهة
هذي اللي عند البنت والخوف من الشخصيات الجديدة


طبيعي بيسألون عن كللل شيء يخصك، والأهم ليش انفصلت؟
راح يخافون ان التجربة هذي تتكرر مع بنتهم..!


لذلك تحتاج تطول بالك شوي
وعموماً..
لو ردوا عليك بالموافقة الآن، بترجع تقول أنا مستعجل وأبي أستقر وأبغى زواجي بعد شهر!
وطبعاً لا تتوقع توافق البنت!

أقل شيء بتنتظر 5 شهور..



الله يوفقك
وترا مو كل من طلق زوجته التاس تآخذ عنه فكرة سيئة وما تقبله
بالعكس، فيه ناس تشوف إن المُطلق أنضج ممن لم يسبق له الزواج..

جزاكم الله خير جميعا

حياك الله ابو حكيم بالنسبه للتدقيق بالسؤال بخصوص طلاقي انا معهم بالعكس علما اني ماستمريت الا اقل من سنه وطلقت زوجتي السابقه الله يستر عليها .

عموما اليوم الصباح اتصلت على والدها وهلا ورحب واخبرته بلباقه انك ماتصلت علي خلال اليومين السابقين لانه وعدني بالاتصال وقال لي لاتستعجل واصبر لي يومين لان البنات يستعيبن المطلق و..و..الخ اصبر لي يومين نقنع البنت ولايضيق صدرك ..الخ .. لا اخفيكم ان والدها شبابي وطيب يعني ماهو كبير وامها كذلك تعرف الوالده زمان بحكم ان والدتي تسكن في مدينه غير المدينه الي انا فيها وممكن ان امها تعرفني حسب ماسمعت من اقاربي ... نقول الله يسهل الامور وانا بصراحه تمنيت ان لها اخوه كبار اكلمهم احس اني محرج من الاب وبقوه ..

الله يجزاكم خير وماقصرتوا ودعواتكم لي ولكم المثل

أتمنى لك التوفيق
وثق بان الله سبحانه وتعالى سيختار لك الافضل. انا مع من سبقني من الاعضاء فيما قالوه.
بس عندي سؤال كم لك مطلق زوجتك السابقه ؟؟ وهل اهل زوجتك السابقه يعرفون او يقربون للي طلبت عندهم الآن ؟؟

__________________

عبدالله

خبر جميل أرأيت كما أخبرناك لاتتسرع !
ووالدها حفظه الله عند كلمته ..
بالعكس لاتنحرج من والدها مادام على خلق طيب ..
جبر الله قلبك بكل ماتُحب ..

الله يجزاكم خير جميعا

بالنسبه لسؤالك اخوي عبدالله انا مطلق من زمان اكثر من سنه او سنه ونصف تقريبا .. وبالنسبه لاهل زوجتي السابقه مايعرفونهم نهائيا ولافيه اي صله تجمع بينهم لا من قريب ولا من بعيد ..!

اهلا بك اخوي ابو حكيم الله يسمع منك والله يسهل ونشوف البنت لان الشوفه الشرعيه اهم شي عندي ..


اختي سر الحياة جزاك الله خير على دعوتك الصادقه ماقصرتي ولك المثل

السلام عليكم ورحمة الله وبركاته ..
ياأخ الإسلام لو حصل مستجد لك أخبرنا ..
الله ييسر أمرك ..ويُعطيكِ خيراً ممّا تتمنى ..

كما وعدني انه راح يتصل علي بعد يومين والان اليوم الثالث ولم يتصل ولكن مثل ماتقولون اصبر وهو كذلك لذلك الصبر جميل وننتظر ..

الله اكرم

بإذن الله يتصل ..والداها يمتلك أخلاق فثق به ..
أسأل الله أن يفرحنا بك أيها الرجل ..الصبر مر لكن نهايته دوماً جميلة ..
ويعطيك خيراً ممّا تتمنى ..
اللهم آميين ..