كنت بدي ساوي هيك لو كان المجال بيسمح.. لكنها ما تركت لي أي مجال..، نهائي.. وشكرا على الاهتمام

الحمد لله.. وصلت لنتيجة وقرار إني أعتبر الموضوع منتهي تماما وبشكل نهائي.. وبهالمناسبة بحب أتشكر الاختين (مهرة) و(خيال الهوى) الله يجزيهم الخير على مشاركاتهم اللي ساعدتني في إني أحسم أمري ورأيي في إنه فعلا يكون الموضوع منتهي وما في داعي للأخد والعطا فيه أكتر من هيك.. حاليا عم فكر شو ممكن ساوي حتى ألاقي بنت الحلال اللي إن شاء الله تكون من نصيبي كونه حتى اللحظة ما في فتاة تانية في راسي مفكر اخطبها.. المهم إني فكرت ووصلت لنتيجة إنه أنسب حل ممكن هو البحث في مواقع الزواج.. وإن شاء الله رب العالمين ييسر ويوفق

شكرا أختي الكريمة.. الله يبارك فيك

شكرا مهرة على الاهتمام والمتابعة.. أنا مروق وآخر رواق كمان.. وبالنسبة إلي فالموضوع صار منتهي تماما.. وفكري وبالي مشغول حاليا في الخطوة الجاية.. وألف شكر لشخصك الكريم

الله يجزيك الخير أختي الكريمة خيال الهوى على الكلام المرتب والموزون والمبني على تجربة.. فعلا كلامك صح وأنا اعتمدته وخلص صار الموضوع بالنسبة إلي منتهي وفي حكم الماضي اللي ينذكر وما ينعاد بإذن واحد أحد.. وألف ألف شكر وتقدير لشخصك الكريم والمحترم

الله يوفقك وييسر أمورك ..
أنت لا تعلم أين الخير و مالحكمة من عدم إتمام الموضوع ، تأكد أن الله يختار لك الخير دائما ولا يحدث شيء إلا لحكمة عنده !

الله يوفقك ويكتب لك الخيره
نصيحتي خذ فتره نقاهه وريح تفكيرك
بعدها ابدا التفكير في الخطوه الجديذه

ممنون إلك.. وفعلا مرات الواحد بيسعى نحو الشي اللي ممكن هلاكه أو شقاءه يكون فيه.. لكن رب العالمين - دخيل اسمه- هو اللي بحكمته ورحمته وفضله وكرمه بيمنع عنه هداك الشي.. وبعتقد إنه الزواج هو من أكتر الأشياء اللي يا ما خلق وناس اتعذبت واتغلبت وأحيانا ماتت من القهر بسبب ارتباطهم بالشخص اللي كانوا بيعتقدوا إنه سعادتهم راح تكون في الزواج منه في حين إنه طلع العكس.. فالحمد لله على كل حال والحمد لله حمدا كثيرا طيبا مباركا فيه كما ينبغي لجلال وجهه وعظيم سلطانه.. الحمد لله.. وأشكرك اختي على المتابعة والمشاركة المستمرة.. الله يتقبل منك ويوفقك ويزرقك على هوى نيتك..

أختي مبتعثة متفائلة: الله يجزيك الخير على الاهتمام والمتابعة وعلى الدعوة الحلوة.. ونصيحتك على الراس والعين.. بس بحب أوضح لك إني والله مافي راسي فكرة انتقام للنفس أو اثبات للذات إنه ثقتي بنفسي عالية أو إنه الضربة اللي ما بتقتل بتقوي.. الخ.. أبدا.. الحمد لله بعد مافضفضت معكم وزال التشويش اللي كان في راسي بخصوص اللي صار (لأني فعلا كنت مكركب ومو عارف راسي من رجلي).. بعد هاد كله صرت مرتاح نفسيا بشكل فوق ما تتصوري.. ولما شعرت وحسيت إني فعلا وصلت لهاي المرحلة لحظتها قررت أتخذ قراري وهو اني أعتبر الموضوع منتهي.. لكن هاد مو هو السبب الأساسي اللي مخليني شوي مستعجل في الخطوة الجاية.. السبب الأساسي هو إنه البحث عن بنت الحلال بحد ذاته بياخد وقت.. وعلى بال ما الواحد يلاقيها فبده كمان يستنى شوي لحتى يتأكد إنه بتناسبه ولحتى هي كمان تتأكد إنه هو بيناسبها.. يعني المسألة مو خدني جيتك أو هات ايدك والحقني.. يعني بدها وقت.. فأنا بدي أختصر الوقت الأولاني على قد ما بأقدر لأنه أصلا راح يكون وقت ضايع.. وبيني وبينك بالعكس بحس نفسيتي راح ترتاح اكتر واكتر وراح انشغل عن التفكير واللت والعجن في التجربة الماضية.. وبس ألاقي هديك البنت إن شاء الله: وقتها بدي آخد راحة ونقاهة على قولتك ورح صير فكر على أقل من مهلي بإذن الله.. وبكرر شكري لشخصك الكريم وبتمنى لك حياة موفقة وسعيدة..

شاكر وصابر
من المهم أن تذكر كيف التقيت بالبنت ومن دلك عليها، وكيف تعرفت عليها، وعلى الوسيطة، لكي يستطيع المجيب أن يجيبكم، وكيف أنك تعرض الزواج لبنت أصلاً لم تتحدث معها أبداً ولا تعرف تفكيرها وأمور أخرى عنها!
حتى فكرة الهدايا ليست في محلها في نظري، إمرأة لم تراها من قبل أو لم تتحدث معها وتغرقها بالهدايا!! لن تكون ذات جدوى إلا عند بنت سطحية.
لو حاولت وطرقت بابها مرة أخرى وثالثة حتى توافق، فإن طرقك هذا هو من باب التحدي مع الذات حتى تنالها، ولكن رفضها المستمر سيبقى ثقباً في قلبك، وسيؤثر عليك مستقبلاً في طريقة علاقتك وتعاملك معها.
في نظري أن أعتذارها قد يكون حقيقي بسبب الدراسة أو يكون مجرد سبب، لذلك من الأفضل أن تدعو ربك بالزوجة الصالحة، وتبذل الأسباب.

__________________
ياصبحِ لاتِقبل !!
عط الليل من وقتك..