هلا مهره...
نفس السؤال ولدي دايم يكرره... عرف الموت من سن صغير كان يسألني دائما عن والدتي..رحمها الله وأقول له راحت عند الله.. بعدين توفى أبي وتأثر جداً وقبل فتره خاله ...رحمهم الله جميعاً يقول ماما بتموتين أقوله ايوه يا ماما كلنا بنموت..ونروح عند ربنا علشان الله مجهز لنا الجنه واللي يصلي يا ماما يدخل الجنه وما يتعب أبداً ويصير عنده كل شيء يبغاه سوني وألعاب.. أشغليه بفكرة الجنه والراحه والنعيم.. يقول أمك لمى ماتت حزنتي عليها.. أقول طبعاً يا ماما حزنت علشانها راحت بعيد عني بس الآن ياماما دايم أحلم فيها واحسها قريبه مني واشوفها مبتسمه وسعيده..إذا دعيت لها أو تصدقت عنها أنت إذا ماما ماتت لازم تدعي لي دايم وحتى لو حزنا شوي ياماما لازم الواحد يتحمل أي شيء ربي يكتبه عليه شفت الرسول عليه الصلاة والسلام... ربي يحبه..صح يقول : ايه أقوله شفت يا ماما الرسول مات ابوه وماما حامل فيه وبعدين ماتت امه وعمره 6 سنين.. مو يعني إذا مات أحد نحبه إن ربي ما يحبنا بالعكس بس المهم إني اصلح الاشياء الي تسعد أمي زي لما كانت موجوده واخليها تفرح فيني وقبل فتره .. شاف انشودة فرشي التراب وخاف مره من شكل القبر ومره ثانيه شافه على الطبيعه بوفاة خاله لأني أرسلته مع خواله وجلس أيام ما ينام ورجعت اشرح له إن المسلم ربي ينور عليه بقبره..وما يكون ضيق يكون زي البستان دايم توسعي بالشرح وخليه كأنه قصة نهايتها حلوه.. عاشان يستوعب على قد عمره والآن بديت احفظ انا واياه سورة الملك وقلت له الي يحفظ هذي السوره ربي يسعده في قبره ولا يكون حزين او تعبان أبداً بس ولدي عمره 9 سنين ... يعني أكبر من سلطان ... الله يحفظهم جميعاً ويعيننا عن تربيتهم |
ذكرتيني بموضوع قديم حطيته
سببت لبنتي عقدة من الموت وليومك هذا الموضوع هذا صعب التعامل معاه على الأقل بالنسبة لي صحيح بطلت تسألني بتموتين ولا تفكيرها إنها بتروح لأمي وأبوي إذا أنا وأبوها متنا لكن مازال الموضوع يشغلها وردة فعلها بعد ما مات حيوانها الأليف تصيح وتسألني بشوفه في الجنة أقولها إن شاء الله شوي تتذكره تصيح وتقول ما بقدر أشوفه مره ثانية خلاص أقولها طيب راح الجنة تقول أدري بس أنا أشتاق له وكنت أحبه وهو صديقي ومن هذا الكلام شوي تقول ليش راح وما مات الثاني أقولها انتهى عمره وكلنا بنروح بس محد يدري متى وكل مره تبدأ لي بهذا الموال أحاول أسحبها لموضوع ثاني بس أظن انه شعور طبيعي لسلطان بحكم الظروف اللي مر فيها يا قلبي عليه وإحساسه انه ممكن يفقدك مخيف بالنسبة له ويحسها أقوى من اللي جربه الله يعينه بس كيف تتعاملين بالضبط من غير كذب أو تأثير على نفسيته مادري لأن مثل ماقلتي صعب تقولين له أنا ببقى وأصلا محد ضامن عمره وما ودك يعيش بقلق يقول الدور الجاي على مين الله يعينا بس يابنت الحلال ويخليك لعيالك ويخليهم لك |
الاخوات ماقصروا بالردود
لكن ماحبيت اطلع بدون ما ادعيلك الله يخليك لعيالك وابوهم ولكل من يعزك ويخليهم لك ويطول بأعماركم يارب تحياتي |
دخلت أرد ولقيت رد تبارك الرحمن كافي ووافي * * * ليس أجمل من الصدق مع أطفالنا إذا بلغوا سن يستطيعون فيها الإدارك وسن 6 سنوات بدأ الطفل فيه يفهم ويعي ولايمكن أن نكذب عليه أو نعطيه إجابة لم يقتنع بها الصدق المحبب بدون أرهاب أو تخويف ليس أجمل منه وفكرة الذهاب للجنة فكرة رائعة :: حفظ الله لكم صغاركم وصغاري :: |
موضوع الموت بصراحة حساس جدا بالنسبة للطفل
إذا و حنا الكبار استغفر الله لا نريد تقبل موت والدينا بمجرد تخيلي انه سيأتي يوم و أفقدهما أطال الله في أعمارهما و أعمار جميع القارئين,,,أنفعل و اغرق بالدموع لا إراديا,, سهلي عليه الأمر بقول أن الجميع يلتقون بعدها في الجنة و تطرقي لما وعد الله به المسلمين من نعيم هناك ليشتت ذهنه من ذكر الموت إلى التفكر بشيء جميل , بصور مبسطة الله يحفظك لك إن شاء الله |
فدييته ربي يحميه و يحفظه ....
سؤاله يدل على قوة تعلقه فيك ,,, شوفي نفس الموقف حصل بيني و بين امي و للحين نتذكره رغم مرور تقريبا 20 سنة عليه <<<وييه حسيت نفسي عجوز المهم اتذكر كنا في جمعة .. كل الخالات و العمات و الجدات مجتمعين و اطفال و لعب و ضحك ووناسة وانا قاعدة لحالي وراء الدرج ابكي ... امي لاحظت غيابي وجت تدورني و لاقتني وسالتني ليش تبكي .. قلت لها اخاف اكبر و انتي تكبري و تعجزي وتموتي و تسيبيني .. قامت تضحك و تقولي شوفي جدتك فلا و جدتك فلانة عجايز لكن لسه عايشين وحضنتني ... مااكذب عليك ما اقتنعت بهذه الاجابة .. وظليت فترة احلم انه حد اخذ امي ... وصرت متعلقه فيها بشكل مو طبيعي .ارفض حتى اروح لاهلي بدونها او انام عند حد من اهلي عشان ما اسيبها ولازال شعوري للان.. اخاف بشكل موطبيعي من فكرة اني افقدها .. ربي يطول بعمرها بس طبعا قل تعلقي قليلا بسبب الزواج و الاطفال .. اعتقد سبحان الله في اطفال يكونوا متعلقين بامهاتهم بشكل اكثر من البقية وهذا شي ما تقدري تتحكمي فيه لانه من الله سبحانه .. وصدقيني مهما تقولي له ماراح يأثر ... فا اعتقد من الافضل كل ماذكر الموضوع احضنيه و توهيه بالكلام وحاولي تقللي من تعلقه فيك .. اشركيه بانشطة مختلفة حتى بالبيت لاتكوني دايما معاه ووراه عوديه يسيبك شوي ربي يخليك لولادك و يحفظهم لك |
عزيزتي
رجعتيني كم سنه ورى في موقف مشابه مع امي الله يحفظها... عن جدالام هي كل الامان والثقه والحب والحنان.. ولا تخافي كل الاطفال معرضين لهذا النوع من القلق لانهم بيكبروا ويفهموا كثير من الحقائق...وانا ارجح رايك الاخر وهو ان تطمئنية وتشرحي له بانك ستعودين باذن الله كما اعتاد ان تكوني صادقه معه في نفس الموعد الذي تحدديه معه وتخوفك من حدوث مكروه فهذا شأن اخر والرسول عليه السلام طلب منا غرس الفسيله حتى لو راينا القيامه تقوم امامامنا ...لذلك الامل والتفاؤول هو المطلوب واول الاحتمالات دائما واعتقد ان فقدانك لامك رحمها الله جعلك تشعري بهذه الاحاسيس... رب يحفظك لابنك ويحفظه لك ويقر عيونكم ببعض.... |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|