حبيبتي هو لما تزوج ما تركك ولا كرهك
وكونه ما زال معك ما يعني انه رجعلك لانه اصلا ما تركك فهمتي عليه
هو تزوج ويبي يوازن مشاعره بينك وبين زوجته ويعطي كل وحده حاجتها من العاطفة

( لا تفسرين تصرفاته انه رجعلك وندم على زواج ) كذا تتعبين صدقيني ويزيد المك
وتجلسين تفكرين كيف يحب ويجرح زي ما قلتي!
وتدورين وتدورين في فلك الحيرة والاسءلة

عواطفه معك طبيعية لكن انتي تفسرينها انه رجعلك
ف يزيد المك وربما الشيطان زين لك بعض الامل في طلاق ضرتك والله اعلم
ورجوعه لك وكل ما تاخر هذا دخلتي في دوامة الاسءله
كيف يقول كذا ويغدق عليه بالعواطف وما زال معها
وكل هذا لانك ترجمتي كلامه ومشاعره غلط

لكن لما تفهمينها انها مشاعر طبيعية لك نصيبك منها ولزوجته نصيب منها
تهدا نفسك وترتاحي من فلك الاسءلة اللي حطيتي نفسك فيها


الله يفرج همك ويهديك للصواب

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

الله يجزاكم خخير تعبتكم معايا تصدقون اليوم عشان تناقشت عنه مع عمي اشتعلت نار في صدري هو ماقالي شيء كان يقولي كل الرجال يلفوا ويدوروا وفي النهاية يحقق هواهم اذا مو مقصر عليك ادعسي على نفسك وعيشي ببيتك ولمي عيالك

فحسيت بحرقه اول مااتصل انفجرت عليه وقلتله ماعاد ابغى تكلمني ابعد وخليني ارتاح انا تعبانه واذا تبغى شيء يخص العيال كلم امي ولا ابويا
انوقع لو اهلي دروا راح يزعلون مايبغونها توصل طلاق
وانا مادري حاسه اني كنت مخنوقه وتعبت اداري وقلت لو طلق هذي خيرة ربي لي ثلاث شهور استخير
اما االي تقولي انتي محسسه نفسك انه رجعلك بصراحه يمكن مع نشوة العرس في اشياء ماكان يسويها او يقولها تغير من هالناحيه وساعات اقول يمكن يعدل بيننا بالعاطفه
ادعوا لي بالخيرة الطيبه واعرف نفسي لو حصل الطلاق راح اتألم بس قاعده اقول انا متألمه متألمه بكل الجهات يمكن الظروف الماديه تتعبني وعيالي اذا قعدوا معايا فيهم حركه واهلي ماعندهم اطفال تعودوا عالنظافه والهدوء واذا شالهم ممكن انا اتعذب
ماأقول الا لله الأمر من قبل ومن بعد

اسال الله ان يفرج همك

عليج بالدعاء انه الله ينزع الغيره من قلبج هذا هو الحل

__________________

طيب ياقمر ..الساحة فاضية لضرتك وهي الرابحة..انتي الخاسرة ومعك عيالك..راح يخسرو جو لمة العيلة والام والاب..وراح يعانو من عقد الطلاق..طيب ليه ضحي بمشاعرك اللي ماراح توكلك عيش وبتدمرك زيادة..انا قاعدة اشوف مشكلتك واقدر اتوقع النتيجة اكثر منك..مصلحتك في انك تحبي نفسك وعيالك مو تخلي زوجك محور الحياة انه ماوحدة تحضنه ولا ماو حدة تلمسه..ليه ملاك مقدس هو ..انظري بالطريقة ذي هو حيالله زوج حقه اقوم بواجباته وارضي الله فيه ..وانا اخذ حقي وحق عيالي منه ثالث ومثلث وبس ..اذا فكرتي بالطريقة ذي بعد زواج زوجك ترتاحي واذا فكرتي بطريقة عاطفية راح تدمري نفسك وعيالك ومحد خسران غيركم وانتي بتاخذي لقب مطلقة بسبب تفكيرك اما ..ضرتك مبسوطة ومكوشة ع زوجك ....وانتي اللي عطيتها ذا المجال هدية ماوراها جزية ..سامحيني بس ابغاك تفوقي لمصلحتك قبل ماتخسري استقرار حياتك وحياة اولادك..الله يهدي سرك ويصلح حالك.،ويسخر زوجك لك ..

كلام منطقي وعقلاني
الحمد لله ماني عاطفية زي بعض الحريم اللي اقرا لهم هنا!!

انا قشرى ان اعطاني بعطيه ان ما عطاني حامض على بوزه
ومن كلام نوني ان الرجل يحب المراة الانانيه
اجل الحمد لله اني انانيه انا ومن بعدي الطوفان دام الشغله كذا😒

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

الله يشرح صدرك و يربط على قلبك و يرزقك الراحة و الرضا و يصلح شأنك كله و يكتبلك الخيرة من أمرك اللهم آمين

__________________

طبعا حبيبتي ..مو معنى كلامي اني اقول لاتحبي زوجك ولا عامليه بجفاف لا..اقصد عاطفتك هذي اللي بتخرب حياتك..حاولي توجهينها توجيه عقلاني وسليم لانها كذا بتضرك..الحين هو في حياته امرأة اخرى فنصف القلب لك والنصف الاخر لها..هذي الحقيقة..هو حب نفسه وتزوج واستفاد من من الرخصة الشرعية في هذا الامر..هل يعني هذا تغرقي بالحزن وتموتي قهر وهو مبسوط مع غيرك ..ليه عشان ايش ياغالية من حايستفيد من اللي تعمليه هذا اكثر شخص انتي تكرهيه.. ضرتك..اقطعي الطريق وامسكي بيتك وعيالك وحبي زوجك بشكل معتدل قد مايعطيك عطيه وهذا هو ابتدى يبي الصلح فلا تقطعي الطريق عليه اتصلي فيه وحاولي تتصالحي معه..الله يعينك يارب على ماابتلاك ..ويفرج همك ويبدل حزنك مسرات..

لاتفرحين الضره هي الوحيده المستفيده

من طلاقك وهذا الي هي تبي توصل له

لاتخلينها تنتصر عليك ، شغلي كيد النساء

غيضيها مثل ماتغيضك ، خليه يستانس

وينبسط إذا جا عندك لاتحسسينه بالغيره

وتنكدين على نفسك وتنكدين عليه إنسي

إنها موجوده .

بعدين إذا هو يعدل بينكم بالمبيت زين منه

ودليل إنه يبيك ومتمسك فيك ، إحمدي ربك

بعضهم إذا تزوج يسحب عليها ومعاد يطل بوجهها .

__________________
الحمدلله حمدا جزيلا ...

عارفه كلامك صح والله بس الصراحه مو قادرة انزع الغيرة ولا قادرة آخذ حقي الشرعي منه مو متقبله هالشيء ووجودي عنده وتعاملي معاه يتعبني ايضا لا أنا زوجه زي الناس ولا انا انسانه ماعندها مشاعر كنت مقتنعه برأيي تماما وامس عاتبته وقالي خلاص مو كل شوي تعاتبي فأرسلت له رساله ان كثرة العتاب وان دلت عل المحبه الا انها قد تكون باب من ابواب الفراق وارسلت بعدها انه لهالسبب احس صعب نكمل حياتنا اتصل وصار بيننا نقاش واجهته بأمور قاهرتني زي انه سمح لها تلبس عباية الكتف صح هي لبسها اصلا كذا بس هو جنني حتى يحاسبني عالناس اللي حولي

ايضا انه وداها بيت وحده تنقشها وحلف يمين ماوداها وقلت له ربي اراد وقرأت الكلام وانت عارف رجع تراجع وقال راحت هي وامها واختها وهو كذاب قلت وانا ترجيتك رجاء وكان يسويلي مشاكل من تحت هالنقش لازم بالقوة واذا قلت له بروح مع اهلي يرفض يقول ادفعي زيادة تجيبينها لبيتك بأي طريقه وأشياء كذا قد تكون تافهه بنظركم بس انا لأني تعرضت للهجوم بسببها وكان ينتقد حتى بنات جماعتنا تخيلوا ايش رد قال هي جت عندي لابسه هذي العبايه

قلتله هذا بداية التغير وهذا اللي مو قابلته الكيل بمكيالين

لو انت هو انت كان اهون علي وبتغاضى وجلسنا نتكلم عالعيال لأني طلبت الطلاق قال عندك احسن شيء وطلبت مانتواصل لحد ماأرتاح نفسيا وأخرج من هالأزمة اللي تسبب فيها

بس غصب عشان العيال ومو متقبلين واحس صاروا داخل المشكله مظطرة انواصل معاه

بعد ماقرأت كلام جرحي الدامي خفت شفتها متصله هي وياه بالليل وانا قد كنت مطنشه شوي قلت قاعد يسولف معاها اويرسلها بعدها صحيت نفسي وقلت بكيفه يسوي اللي يسوي الله يفرج همي ويطمن قلبي وهو ان شاءالله بداية نزع المحبه وراح اكمل هالطريق

واللي تقول النساء العاطفيات فعلا انا انسانه عاطفيه جدا بس لأني ماحسيت معاه بالأمان اول زواجنا كبت مشاعري وحرمت نفسي وعشت بواقعيه جدا ولذلك أشعر انه من حقي اني اعيش بعاطفه


ماأقول غير جزاكم الله خير بشوف لنهاية الإجازة ايش يصير
والله يجعل اموري كلها الى خير