أخي المستشار مشكور ولكن ما تلاحظ أني صرت ادور بنفس الدوامه مع لجين هي مب راضيه تتغير ولا تساعدني عندي بعض الملاحظات على كلامك :
اقتباس:
3- الأولى هو علاج مشكلتك مع لجين عن طريق التفاهم الصريح المباشر مع عمك مهما كان التفاهم محرج أو مؤلم أو صعب ولكنه هو الحل الأنسب بإذن الله عندما تقفل هذا الملف تفعل ما تشاء.
|
يا خوي أنت أكثر واحد تدري شلون أنا حاولت عشان أحل مشكلتي مع لجين وهي ثلاثة أرباع المشكله اللي هي فيها مالي ذنب فيها أنا كلها من تحت راس أمها الله يفكني منها, عمي لو ناقشته هل تتوقع بيرضى بزواجي على بنته مستحيل وهو اللي راح يقولي ممكن طلق بنتي اول شيء أنت تعرف شلون يفكر عمي وكيف مدى تعلقه بلجين حتى لو علمته بوضعي مع بنته وانها مب قايمه بحق الشرعي ما أتوقع أنه يتفاهم وياي .
اقتباس:
6- تحب لجين وتكره تصرفاتها وهنا المشكلة التي لم تجد لها حل
|
أنا عن نفسي حااااولت وأخر مره تواصلت مع المستشار أسري طلب مني يكلمها تدري يوم طلبت منها هالشيء قعدت تصيح والدموع شغاله سالتها يا بنت الناس شو فيج ساعديني عشان نوصل للحل وهي ساكته كلمي المستشار رفضت تصدق المستشار جلس يكلمها وانا حاط التليفون على المايك بس عشان تسمع فجاه حصلتها تصيح بصوت عالي وتصارخ ودني بيتنا أبغا أروح حجرتي ( بيت أبوها ) أنا اعتذرت من المستشار وقفلت السماعه شو رااايك ؟؟؟؟؟
أحبها أحبها وأموت فيها لكن شو الفايده وأنا مب مرتاح وياها موضوع أمها ساعدتها فيه وانت تدري بس هي مب راضيه تنهيه أو تناساه .
تذكرت حاجه للأمانه أقولها في مره كنا نتهاوش كنت أهددها أني بجيب دكتور نفسي لغاية عندها وبالقوه رفضت وقعدت تقول أنا يوم تواصلت ويا بابا ( تقصدك طبعا يا الحبيب ) تغيرت وانت لاحظت هذا الشيء بس أنت مب راضي تساعدني سألتها انتي بعدج تتواصلين وياه قالت لا ليشش قعدت تصيح ( سألتها ليش تصيحين سكتت وردت لعادتها لا كلالالالالالالام ).
اقتباس:
7- أخشى أن تلك الدعوة من تلك الفتاة تلاحقك في زواجك الثاني
انزين شو الحل أتزوجها مستحيييييييييل وهي اللي جابته لنفسها وما أبغى أدخل تفاصيل كثيره بهالموضوع وأنا علمتك أني تبت ان شاء الله تقبل توبتي .
[لكن مثل هذا القرار لا يعني الزوجين فقط بل كامل الاسرتين ( وخاصة في المجتمعات التي تدور على شرف الأسرة ومكانتها وضوابطها التي أنت تعلم مدى عمقها عندكم
|
[/QUOTE]
هذي أنا معاك فيها وهذا اللي مخوفيني لاني ثانيه ما أفكر أجيب منها عيال عشان موضوع الوضع الاجتماعي لاهلي مافيني اجيب عيال منها وادخل في مشاكل ثانيه راح يكون شرط للزواج من غير انجاب.