لا تجعلي الشيطان يدخل بينكم

أختي الواضح إنه زوجك يحبك وإنتي كذالك تحبينه صح طبعا ماشاء الله تبارك الله عليكم قبل كل شي يااختي هذي ماهي مشكله هذي نزوت شيطان وتعوذوا منها وإنتي الآن حامل والله يسهل لك حملك وهو جالس ينتظر متى يجي المولود ولو كان في خاطره زعل ماقال متى مابغيتي تجي البيت دقي علي والله يخليكم لبعض ولا يحرمك منه ولا يحرمكوا من بعض
ماشاء الله تبارك الله عليكم اتمنا لكم حياه سعيده بإذن الله

الله يعطيكم العافيه جميعا...سويت زي ماقلتوا وارسلتله اذا يبغي يجي وارجع للبيت...ورجعت,,,طبعا هو يشوف اني انا الغلطانه وهو الصح وسكت وعديتها لاني مليت من المشاكل...
الحاصل انو في البيت شغلات يبيلها تصليح وشي مهم مايتاجل قلتله يوم يومين ثلاثه كل شي على وضعه...تضايقت وجلست اتفاهم معه اني ماطلبت شي مستحيل اجهزه متعطله يبي لها تصليح قال طيب....بعدها قلت معليش ضايقتك بالحكي اعذرني .. (اعتقد اني كبرت راسه من هالاعتذار لاني ماغلطت )..المهم من بكره كان طالع برى البيت اتصل علي وهزئئئئئئئئئئئئئئئئئئئئئني لدرجه مارديت عليه وبلا كلمه
قال كل الصفات الشينه ... وحطها فيني وقال كلمته للمره الثانيه (اذاماعجبك الوضع انقلعي بيت اهلك)!!!!!!!!!
وسكر الخط بوجهي ؟؟؟؟انا من الصدمه جلست ابكي كلامه قووي ....واللحين رجعت الرسميه بينا....واستنى رجعت اهلي
من السفرواروح لهم .....وش رايكم بالله بالحاصل؟؟؟؟؟

__________________

الله يهدي لك زوجك حبيبتي

كنت سعيده لانك رجعتي البيت لكن للاسف الفرحه ما تمت الله يكون بعونك

اعرفي طبع زوجك واشتغلي عليه ولازم تعرفي مفتاحه او نقطه ضعفه ولا تقولي مو عنده كل رجل له نقطه المهم انك تعرفيها ووقتها اطلبي ما تريدي واطلبي انه مو كل ما يزعل يطردك لبيت اهلك لا تروحي ولا تيجي مادام بيتك يعني مو بيته لوحده لا تعوديه علي انك كل شوي تروحي وتقولي كرامتي ولازم امشي ما ينفع

شرعا الواحد لا قدر الله لو طلق زوجته ما تخرج في الحال من البيت بل تنتظر في بيت الزوج ايام العده يمكن ان يوفق الله بينهم وهم مطلقين فما بالك بالمتزوجين

__________________
زي القمر زي

الله يعطيك العافيه اختي زي القمر زي....ماادري احس زوجي بدى يتمادي بالفااظه وشكله يبي وقفه جاده من اهلي...
لان لساااانه مايمسكه وقت الزعل وانا ماانسى كلماته وتتعب نفسيتي ....مثلا قبل كانت ثلاث كلمات هالمره زادها بكلمات جديده طيب وبكره وش بيطلع منه ؟؟؟؟

__________________

كلامك على عين وعلى راسي

ياأختي الفاضله تراك طيبة وبنت حلال وحتى هو طيب وحنون نصيحة اخوا لو هو اخطى معليش هذي الحياه مره لك ومره له مره إنتي تتغاضي ومره هو يتغاضى يعني الحياه اخذ وعطى مهما صار مردكم لبعض لا تخلون الناس تفرح فيكم ولا تخلون الشيطان يفرح وإنتبهي وإنتبهي وإنتبهي دام زوجك معاك إنتبهي بكره الزمان تجي وحده وتأخذه منك إنتبهي من هذا الشي وإذا صار الشي هذا والله غير تندمين ندم وذاك الوقت ماينفع الندم لأن الشيطان حريص زين الأمور يقول زوجتك بس نكد وكدر ومهاوشات ليش ماتعرف على وحده وترتاح معاها وحب وغرام عرفتي إنتبهي تغاضي عن بعض الأمور ولا تعصبي خليك اكبر منه ولا تردي عليه واملكيه بطيبتك والله العظيم ترا عواقبها ماهي زينه ارجعي وقولي له إنت زوجي ابو عيالي مالي غنا عنك وكلام حلو والله مااظن راح تسمعي كلام شين منه بس أنتبهي ترا الشيطان حريص اشد الحرص

حبيبتي

الزوج لا يحترم الزوجه خوف من اهلها وانما حب واحترام لها وتقدير وان خاف فما العمل اذا بعدت عنهم

ارجو ان تنسي اهلك شوي وتصلحي الامور بينك وبين زوجك وكما قلت لكي اعرفي طبعه ونقطه ضعفه

ولا تنسي اساليب الزوجه الذكيه

__________________
زي القمر زي

أختي لا تخلين زوجك يتعود على روحتك بيت أهلك

ولا تخليه يحس بكلامه القاسي عليك يجيب نتيجة ايجابية بالنسبة له

وبالذات الجملة اللي ضايقتك وصار يستخدمها على أقل شي !

الحين الواضح مزاج زوجك متعكر حاولي تهدئي معه

ولا تجيبين السوالف اللي تضايقه وما يحبها

وتحملي بروحك والله يسهل عليك ويقومك بالسلامة

وبيجي البيبي وتجي معه الفرحة والخير ان شاءالله

وأخيرا تحملي تروحين بيت أبوك زعلانة نصيحة ...

الموضوع ما يستاهل تكبرينه وتذكري انك انتي اللي ابتدأ وجرحتيه في رجولته ..



يعني وحده بوحده ولو زدتي كان زود عليك ..



ارجعي لزوجك وتعوذي من ابليس ..

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

اسمعي نصيحتي حبيبتي ..

اختاري وقت مناسب مثلا زوجك راح يصلي اي فرض بالمسجد اول مايرجع اكيد

نفسيته بتكون زينه لان الصلاه رااحه انتي جهزي له كاسة عصير وروحيله قدمي العصير

وقوليله هذا انا مسويته مخصوص لحبيب قلبي تقبله وابتسمي له ..

وبعدين قوليله انا بصارحك بلي بقلبي بصراحه يمكن انا غلطت وكلمتي كانت جارحه بس

ماكنت فاكره انها بتجرحك قد كذا والحين انا اتاسفلك وانا عمري مابرتاح ويهنالي بال وانت

بخاطرك شي علي مابي الا رضاك علي ياتاج راسي واعذرني يمكن لاني بالشهور الاخيره

نفسيتي متضايقه وشايله هم الولاده صرت معد احسب للكلام الي اقوله..

اكيد بيرضى باذن الله..ولا تكثري عبارة الاسف لاكن وضحيله ان كل همك ماتشوفيه زعلان

ومتضايق وكثري من الكلام الحلو خلي الشيطان مايلقاله سبيل عليكم..

زوجك حاقد على كلمتك السابقة .. ماسكه معاه , كان الأجدر بك الإعتذار مباشرة


هل تتوقعين انه في رجل يرضى بهذه الكلمة من زوجته , ثم يتجاوزها بدون اعتذار ..

أكيد انه راح تتغير اخلاقه معك ..