وانت اصلا ماحبيتها ولاحبيت اَهلها ولا حبيت هالزواج من الاساس المفروض فكرت قبل تقدم على هالفكرة الزوج وشكل الطلاق عندك سهل الأولي طلقتها وهاذي الثانيه واتوقع نفس الشك

على فكره اولا
انا ماتهزأ بأحد
مسألة انوا احتاج طبيب ماعندي مشكله اروح لطبيب وهذا اللي قلته من البدايه
ولاكن كثير من الاعضاء اغفل حاجات كثيره
فأنا مافيه مره اهنتها او ضيقت عليها او منعتها انها تخرج او منعتها من زيارة اهلها او صديقاتها اوضيقت عليها بأي شكل من الاشكال
فلو انا شخص ماقصرت بأي شيء واخطأت بحياتي معاها او تصرفاتي لمره وحده
ليه تقابلني بهالاسلوب وانا كل مطلبي انو تبرر لي التسجيلات
بعدين فيه صوت طلع بالتسجيل وذكرت ذا الشيء وقلت مااقدر اذكره هنا
فأنا مطلبي الوحيد انوا تبرر لي التسجيلات
وقلت وكررت انوا هذا مطلبي الوحيد
وماكان منها الا ان قابلته بالهروب

يعني مثلا مثلا انسانه عايشه مع شخص ماقصر معاها بأي شيء ابدا ولامره قلت لها كلمه تزعلها ولا رفضت لها طلب وصار مني خطأ واحد تقابله بهالطريقه ؟؟؟

صح اني ماحبيتها ولاكن مااهنتها
وعلى فكره ترا ولا مره قلت لها عن فكرتي عن اهلها او عن حركاتها او ضايقتها او لمحت لها
ابدا ولاتدري عن كلام ابوها او عن ردت فعل اهلي بعد الشبكة ولا شيء من هذا
ولو اني متسرع اومريض او اني ابحث عن خراب بيتي كان ضربتها او حرمتها او استمتعت بالانتقام من شكوكي بهالاشياء

ونسيت اذكر نقاط كثيره فمثلا انا اعطيته 20 الف ثاني يوم بعد الملكه غير اللي تسجل بالعقد وقصة المويه اللي كانت مرشوشه عند الباب اكتشفت لاحقا انوا عندهم معتقدات غريبه وقالت لي مره باتصال """ ليتني عطيتك تشرب من حواق الناس """ !!!
يعني عن العين قصدها وععع

وبعدين اللي يقول سو تحليل الابوه واضح انه ماقرأ القصه بشكل جيد ابدا
ولا وصلت له الفكره بشكل تام

فبداية تصرفاتها كانت بعد الحمل

وايضا لو ابحث عن خراب بيتي كان صرت شخص متسرع وطلقتها وماتركتها على ذمتي لحد الان وانا مااحبها ولاكني تاركها لعل الله يهديها وانا حاولت كثير اصلح بيننا او نوصل لاتفاق ولاكنها تهرب وتزاعق وتصايح وتقطع التواصل وتاتي بطرق ملتويه

لاتتسرعوا بااطلاق الاحكام

من ناحية الدلع ..
فأنت دلعتها صرااحه ..
لكن في أمور تساهلت معها كثيرررر ..

صبرك هذا ما يسويه الا واحد فعلا يحب زوجته من قلب ..

واللي يقول ليه ماحطيت كاميرا ....

اولا لو حطيت كاميرا بتكون واضحه للعيان ومعروف انو مافيه كاميرات مخفيه في البلد والحل الوحيد ىكان تعديل كاميرا وتحتاج ورشه وتجارب وحوسه وماكان فيه وقت وقتها

اخر شيء طلبت كاميرا من اي باي وهي عباره عن ساعه صغيره فيها كاميرا ودفعت قيمتها لاكن الجمارك رفضت دخولها وارجعوا لي المبلغ

وبحثت بالمحلات ماحصلت غير كاميرات واضحه وهذا الشيء ماكان بينفع ابدا

طيب اخوي انت لما كنت شاك فيها ليش ماطبيت عليها فجأة ومسكتها متلبسة بالجرم
او راقبت عند البيت وشفت من يطلع من البيت ومن يدخل
الأصوات اللي سمعتها بالتسجيل ماتثبت شي ابداً..

لانو التسجيلات اللي طلع فيها اصوات كانت من الساعة 8
يعني لساتي واصل للدوام فمااقدر اطلع بسهوله ولي وضع خاص بالدوام مو بسهوله اني اطلع وارجع واروح

ووقتها ماكنت اعرف التوقيت المناسب حاولت اطلع كم مره بس خروجي يكون الساعه 10
مره حصل ورجعت بدري وصار موقف
لما رجعت جاتني وهي مرتبكه وقلت لها اني طالع من الدوام عشان اروح البنك
فقعدت تحن وتقول يلا اطلع يلااطلع
قلت لها وش فيك انت حريصه على موضوع البنك اكثر مني
قالت هاا لا عشان مايسكروون !!
ماجا ببالي انوا افتش مع ان احسساسي كان قارصني وطلعت للبنك
مره جامعتها بالليل
ولما صحيت قلت لها خذي شاور عشان تصلين
وقالت بااخذ شاور الحين
وطلعت لدوامي
ورجعت فجأه الساعه عشره لقيتها توها ماخذه شاور
سألتها انت توك ماخذه شاور
قالت ايه
قلت طيب ماصليتي الفجر يعني مو قلت لك الصباح خذي شاور عشان تصلين
قاام وجهها نشف من الدم وبووهت ماعاد قدرت ترد
قلت لها يعني صليتي ولا لا
قالت لا صليت وخذت شاور ثاني
انا اعرفها زين مازين
واقعد سنه اقنعها عشان الجماع وتقعد تقول انا ماابغا اخذ شاور متى ينشف شعري وماادري وش تقول انتو الرجال على طول ينشف احنا يطول
الزبده هل انو ممكن اصدق انها ماخذه شاورين بنفس اليوم ؟؟؟؟
ماادري بس ياانها ماصلت ياانوا فيه شيء ثاني مااتهم
وبعدين اللي يقولون اني شكاك واني احتاج اتعالج من الشك !
لو انا شكاك ماخليتها تطلع وتروح وتجي وتقدم على وظائف ولو اني شكاك كان الحين جالس اراقب بيت اهلها
ترا مسألة المراقبه بسيطه كله درون يطير فوق وكاميرا فيه واجلس اراقب وسط البيت من الشباك بعد وانا واقف بالشارع الخلفي
بس الحمدلله مااحب اراقب احد ولاكن مسألة انها تلعب علي واصير اهبل وخيخه وتظهر عليها حركات واسكت وابلع الموضوع ابطت عليها وعلى الف زيها

قلب المؤمن دليله ..
اسأل نفسك هل زوجتك محافظه على الصلوات ؟ هل تذكر الله ؟ هل تحثك على التدين
طيب افتراض بسيط
تخيل ان زوجتك طاحت على الموضوع وقرأت وصفك لها وش تتوقع ردة فعلها
في فرق مابين الهضامه وخفة الدم وقلة المروءة
وبعدين اذا غاب الحب لابد من الاحترام !
من وجهة نظري لو كانت شكوكك صحيحه ماراحت بيت اهلها وحاولت تدمدم على الموضوع وتبرر الأصوات
لكن حديثها عن الانتحار وماشابه يمكن يكون القشه اللي قصمت ظهر البعير
والحالتين اللي ذكرتهم ماتبثت شيء لان حديثك عن زوجتك فترة الملكة وضربت كم مثال يصفها شخصيه بريئه وساذجه
يمكن ماطرت هالأمور على قلبها وبعدين موهبتك الفذه!! بلغة الجسد ما أثبتت لك شيء عنها او مالاحظت عنها شيء
بدل المسجلات الصوتيه في الف طريقه ممكن تلجأ لها حتى تثبت شكوك اقلها مراقبة باب المنزل أو تعيين شخص يراقبه عنك
طيب ما سألت نفسك ممكن التسجيلات وكل هالزحمه انك تبحث عن عذر لتطليقها

__________________

صراحة لو قرأت الموضوع مايهمني رأيها لانها ماقصرت هي معاي
فمجرد انها تتخطاني وتروح لابوي معتقده انها بتلوي ذراعي وترسل ابوها مرتين يقول لابوي ولدك مريض !!
تتصل على ابوي وتقول له مريض نفسي ويجيب تقرير انه مريض نفسي .؟؟؟
تتصل مره ثانيه وتقول له باافضح به عند العالم والله لافضح به !!!
خير ان شاء الله وش تعتقد انو طفل مثلا بااخااف منها

ممكن الشخص اذا كان ضعيف ومهمش وجا احد وعامله بطيبه يضن انه شخص ضعيف وبيقدر عليه ؟!

يمر العيد ورا العيد ويدخل رمضان ويطلع ولامره قالت لي كل عام وانت بخير !!
يتوفى اخوي ونسوي العزاء وتجي عند الباب وتقابلني وجه لوجه ولاقالت احسن الله عزاك ؟؟!!!
اسعى لاصلاح بيتي وابدي المبادره تلو المبادره وكلها تقابل بالصدود والهروب عشان امسح التسجيلات واقفل الموضوع؟؟


اتمنى انوا احد يرشدها لهالموضوع عشان تعرف اني كنت مكرمها ورافعها عن الارض, وهي ماتستاهل ....
اتمنى ينتهي الموضوع وتتزوج شخص يقدرها ويعرف قيمتها ويكون مايخاف الله فيها مثل ماكان رأي بعض الاعضاء .,,!

موضوع طلاقها بسيط جدا ولافكرت فيها
بس عشان الطفله اتراجع عن هالقرار !


مسألة انو احد يراقب لي البيت !!
وقتها كنت رجل ساتر بيتي والاشياء اللي تدور بيني وبين زوجتي كانت اشياء خاصة فيني
انا ماني راعي طلعات واستراحات وسهر
ولاني راعي بنات وغزل وحكي وقصص مبطنه وكذب
مااكنت احكي لاحد عن اسراري او اسرار بيتي

لولا معرفتي بلغة الجسد مااكنت لاحظت عليها وبالعكس فادتني كثير