06-01-2009, 08:08 PM
06-01-2009, 09:14 PM
06-01-2009, 09:29 PM
06-01-2009, 10:34 PM
07-01-2009, 12:04 AM
|
المشاركة الأصلية كتبت بواسطة dodi_dabdoobi
السلام عليكم و رحمة الله و بركاته
اخواتي و اخواني من المعروف ان المودة و الرحمة نعمة من عند الله و النبي صلى الله عليه و سلم وصانا و قال (رفقا بالقوارير) و لكن هل الرفق المقصود هو تدليل الزوجة و مغازلتها امام الأهل و أمام الكل و كأنهم ما يسوو شي في البيت بس باقي يعملها قدام الناس يا ناس ربنا رزقكم ببيت عشان تستترو بيه مو عشان تتنشحو هنا و هنا قدام العالم  تطلعو ما ستره الله اخو زوجي من هذا النوع و ذابحنا كل ما جلس محل هو و مرته يدلعها و يغازلها و يأكلها بيده و يحضن فيها و يبوسها و و و و لكم ان تتخيلو و هذا امام اخوانه و اهله احس انه فيه عيب في تصرفاته و أنه مختل والله من كثر حركاتهم امامنا الحمد لله اني اغطي و آخر مرة ذهبنا لزيارة شخص بالمستشفى و فاجأني منظرهم كانو جالسين الاثنين على سرير المرافق و ياكلو و يلقمها و يدلعها و اخوه جنبه(زوجي) والله حسيت بالاحراج الشديد من المنظر ما قدرت اطالعهم و الأدهى و الأمر و حتقولو اكيد مخبول انه لما جا وقت الظهر قالت امه ليش ما تروح المسجد و تصلي مع اخوك تتخيلو ايش رد ؟؟ قاللها يا امي انا (( ؟؟ )) يعني اذا لامستم النساء ايش تسوي؟؟ الله اكبر عليه قدام اهله و تخيلو دخل حمام الغرفة بالمستشفى و اتحمم و خرج و الموية تنقط على ملابسه بحجة لا توجد منشفة بالحمام !!! يعني شوفوني اتحممت !!! قمة الوقاحة و قلة الأدب لا و أمه عادي معاه يعني ما تنصحه و لا شي و كأن الأمر عندها مافيه اي عيب يا ناس قولو لي ايش الحل مع هذا الصنف من الناس و لو انه ما يقربلي ما اهتميت و لكن هذا من الاهل و واجب علينا صلة الرحم و لما لاحظنا انه ما يجينا سألناه و قال بالحرف الواحد اذا ظليتي تتغطي ما ندخل انا و زوجتي بيتك !! و اذا اجتمعنا عند اهله يقول لها خليكي جمبي و لا تروحي عند الحريم و انا بما اني اغطي تجيني اوقات اجلس فيها لوحدي بمجلس الحريم عند اهل زوجي لان كلهم ما يغطو لكن هذي بزيادة ما يبغاها تجلس معايا ابدا ابدا للمعلومية هو متزوج من سنة و نص تقريبا انا حنفجر و ما ادري ان كنت حامسك نفسي اذا تقابلنا مرة تانية او لأ ؟؟ حسبي الله و نعم الوكيل |
07-01-2009, 12:15 AM
07-01-2009, 12:34 AM
07-01-2009, 12:37 AM
07-01-2009, 01:46 AM
07-01-2009, 07:01 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
