بسم الله الرحمن الرحيم


اخواني اخواتي من الذين اختصهم الله في علاج هموم الناس وجعلهم امنون من عذاب الله جيتكم وطالبه منكم وقفه اخوان في الله ونصيحه لوجه الله تلقون ثوابهاا في ميزان حسناتكم ...

انا امرءاه متزوجه من 10 سنوات عمري 26 سنه وزوجي 40 سنه حصيه زاجي ولد في خامس سنه في الابتدائيه وبنت 5 سنوات وطفل متوفي المهم تزوجت وانا ابنه 16 عام وكان زوجي الرجل الاول في حياتي فاحببته ضحيت بالقليل والكثر لكي ارضيه صبرت صبر الصابرين عليه وبعد هذا كله كان جزاءي انه طعني في ظهري واستغفلني وخطط من وراي انه يتزوج وجاء يقولي انتي بنت رجال وام عيالي وانسانه مؤمنه بالقضاء والقدر قلت نعم ولكن ما الدافع لهذا الكلام قال يعني لو تزوجت ماراح تتركي البيت ومن ها الكلام صعقت وجن جنوني ودارت الدنيا بي وضاقت بمار حبت بي اهذا جزاء الاحسان والصبر والمعروف والمصيبه وقت المواجهه قال والله انتي ما قصرتي في شي بس واحد عرض علي يزوجني وقلتله طيب اذا فيه نصيب ليش لا ؟؟؟؟

اقسم بالله انهار جليد من الحب والتقدير الذي كنت اكنه له بكيت ولاول مره اكتشف انني لا ابكي عليه بل على عمر ضاع معه صبرت معه كثرا جيث تعرض لاصابه في ظهره وامتنع شهرين مريضاا وجلست اخدمه طوعا وحبا ناسيه كل حقوقي حتى شفي وبعدهااا بسنين شاء الله ان يحترق بالبنزين حيث عمله وايضاا شهور لا اتوانى عن خدمته ووالله لا امن عليه ولكن صبرت صبر الصابرين والله الشاهد علي وهوو لا يعترف لي بقيمه منذ اخذني وهذه عيوبه معاي واقسم بالله انني لم اظلمه في كل كلمه اسمعوها واحكمواا:

اولا 10 سنوات وانا اتمنى الكلمه الحلوه منه وخاصه انني اصغره لدرجه انتي طلبيتها والله منه وقلتله انا احتاج تقولي انك تحبني او اي كلمه حلوه فماذا كانت الاجابه منه انا انسان عملي وكذا ربنا خلقني وبعدين هذا كله كلام تلفزيونات واستحي على وجهك انتي حرمه متزوجه وام عيال وتبي كلا حب وخرابيط وربي يومها كرهت حياتي وقلت ياربي طيب انا احتاج دعم نفسي

والله عمره ما ناداني باسمي الا مرات تعد بالاصابع لا تتزاود العشره مرات وباقي العشر سنوات يناديني( هيه . بنت . اوها.ياولد ) هل هذاا في الدين ان ينادي الرجل كذا زوجته

لا يؤمن بالهدايا ابداا مع ان الرسول حبب الهدايا وقال عليه الصلاه والسلام تهادوا تحابواا

وه على مدار عشرتنا لم يتذكرني ابداا لا في عيد ولا غيره وانا والله من داخلي اموت يوم اجلس مع حريم ويقولوا هذي جابها زوجي لي وهذي مدري ايش الا انا ليش ما ادري
وقلتله قال انا ما اعرف في ها الاشياء
وكسرت قلبي وقلت الله كريم

من عيوبه معي لا يصرف علي بما يرضي الله ودايم يقول ما عندي وانا اقول بنت الرجال تصبرر وظروفه وربي اني اتسلف من اهلي واصرف على نفسي وعيالي عشان لا اثقل عليه
وماهو معتبرني مثل كل الحريم اقوله حط لي مصروف لو 100 ريال عشان اذا ابي شي اشتريه لو التزامات خاصه بيه يقول لا مو لازم مصروف مو انتي اكله شاربه نايمه وش تبغي فيه ذبحني بكلامه

عرفت الحياه في نظره اكل وشرب ونوم وحرمه تخدم وما تتعب ولو تعبت يوم يكون العقاب تشتيتهاو وعيالها بحجه انه ابي اتزوج ثانيه

عيوبه اكثر من تحصى والله وعلى مدار عشره سنوات وانا اقول يارب ينعدل وكل يوم يمر علي اسوء من الي قبله

يطالبني بحققه كيف اعطيه وانا ميته في داخلي

المشكله في كل هذاا تتمثل في التالي"

هل هذا يرضى به الدين والعقل؟

هل اتركه ولكن اطفالي فانا متحمله والله من اجلهمتخيلوا ياعالم وشلون يصحي ولده من النوم وربي والي يخسف بي الارض انه بالصراخ ويدق بحديده على طرق سريره او مويه على وجهه وهو ابن 10 سنوات وحينما اقول له خاف الله او اتكره انا اصحيه يقولي والله بنفس ها الكلام:

(احنا في العسكريه يصحونا كذا خليه يصير رجال ولا تبينه يكون بنت )

اقولك الله اكبر عليك ولدك تعاملك معامله عسكريه ؟؟

وشرايكم ياعالم ياهل الدين والعلم والاختصاص قولولي حل انا ماكتبت هنا الا والله بعد ما استنفذت كل الحلول والمحاولات تعبت وتعبت وتعبت وربي بكل م تحمله ها الكلمه من معاني انا الان مريضاا نفسياا لي اكثر من شهر وانا لا اطلع من منزلي ولا اريد مواجهه الناس
لست قادره على انه استغفلني وفكر الزواج باخرى وهو لم يقوم بحق الله فيناا والله الشاهد انه ما كملنا عشان يتزوج ولكن لا اقول الا حسبي الله ونعم الوكيل هذه الكلمه التي اصبحت زادي وشابي والله انا الان خضعت له وقمت احمل نفسي مالااطيقه من اجل الا يتزوج علي ولكن في داخلي غصات وونات

هل اخونه وابحث عمن يسمهني كلام يرضي غروري كانثى هل انتحر والله لولا ايماني لانتهيت

هل اصبر ولكن لا استطيع الصبر ابداااااااااا فقد اصبحت مريضه نفسيا اشعر باكتئاب فظيع ونوبات بكاء وضحك في وقت واحد واقف امام المراه اكلم نفسي والله ياناس مو عارفه اش اسوي

الله يخليكم ساعدوني ابي اعيش مثل غيري ومثل اي وحده في سني