إن شاء الله ، أنتي راح تستعملين صور من النت ؟ و جم صفحة كتابج ؟

حبيبتي تقدرين تأشرين حبيبتي على الشي او تحطين دائره

بسمه يادنيتي والله ماادري كم صفحه
الصور موجوده في الكتاب اشوف البنات يرحون عند الطابعه اذا في الصور

المشكله في اطار يبدأ مستطيل وانا ابدأ اوسعه ماعرفت يميل الاطار لازم ارتبه
وبعدين اكتب

بالنسبة للصور ، أنا ما أعرف شلون تحطين اللي بالكتاب ، فالأفضل تسألين زميلاتج عنها
الحين بكتب عن طريقة إضافة الشرائح الجديدة

اوكي ياروحي ماقصرتي حبيبتي كلي اذان صاغيه
ربي يكتب لك الأجر

شلون أضيف شريحة جديدة ؟
لو نشوف شريط الصفحة الرئيسية ، راح نلاحظ أداة اسمها شريحة جديدة ،


اضغطي عليها ، راح يطلع مستطيل فيه أنواع الشرائح
عندج 9 شرايح ، اضغطي على أي وحدة داخل المستطيل و راح يضيفها البرنامج


أهم الشرايح :
1- شريحة العنوان ( هي أول شريحة تطلع لج بالبرنامج )
2- شريحة عنوان و محتوى ( فوق تكتبين العنوان أو تخلينه فاضي ، المربع اللي أشرت عليه بالوردي تكتبين فيه الفقرة )

3- محتويين( حق فقرتين ، أو فقرة و صورة )

الحين أنا كتبت كلام و أبي أنسقه لون أحمر و خط 32 ، من وين ؟
من شريط الصفحة الرئيسية ، بس في شغلة لازم تسوينها
، تحددين الكلام اللي تبين تنسقينه ( تعرفين الطريقة ؟ )
2- نختار أداة التنسيق اللي نبيها ، هذيل أهم أدوات تنسيق النص

لون الخط
حجم الخط
نوع الخط
في سهم أسود جمب كل أداة ، اضغطي عليه و راح تطلع لج قائمة ، هذه قائمة الألوان ، اضغطي على اللون اللي تبينه و راح يتغير لون النص ( النص اللي حددتيه )

واحد من الشغلات الحلوة في البوربوينت ، هي أنج تقدرين تضيفين تصاميم للشرايح
من وين تضيفينها ، من شريط أدوات اسمه تصميم
اللي حددتهم بالأزرق تصميمات للشرائح ، و إذا تبين تطلعين تصاميم أكثر ، ضغطي عالسهم الصغير


راح يطلع لج مستطيل ، اختاري أي تصميم تبينه





شنو الأفضل ، تكتبين الكلام اللي تبينه و إلا تختارين التصميم بالأول
الأفضل التصميم ، ليش ؟
لأن التصميم راح يختار لج تنسيق للنصوص ( لون الخط و حجمه ) ، فاختاري التصميم و بعدين اكتبي الكلام اللي تبينه ، لو تبين تغيرين حجم الخط أو لونه ، غيريه من الصفحة الرئيسية نفس ما قلت لج .

إضافة الصور

بالنسبة للصور ، هي صور موجودة بالحاسوب ، يمكن رفيجاتج ينقلون صور الكتاب للحاسوب بالطابعة أو أي طريقة ثانية ، فاسأليهم ، أنا بشرح لج شلون تضيفين صور موجودة بمجلد على حاسوبج
هي لها طريقتين ، وحدة منهم من شريط أدوات اسمه إدراج
راح نختار صورة


راح يطلع لج مربع


، لنفرض أن صورتج موجودة عند سطح المكتب ، تضغطين على جملة ( سطح المكتب ) و راح تطلع لج كل الصور و المجلدات الموجودة فيه ، لو صورتج بمجلد ، اضغطي عالمجلد عشان تدخلينه ، و راح تلاقين صورتج ، اضغطي مرتين على الصورة ، و راح تطلع لج
الصورة كبيرة ، تبين تتحكمين فيها و تصغرينها شلون ؟


هذا فيديو يشرح الطريقة ( في برنامج الوورد ، بس نفس طريقته )
http://www.screenr.com/r7Vs