والله مدري اميره..خليني اول اشي اصحصح من اللي سوته فيه وبعدين افكر بوضوح واعرف اش اسوي


شكرا لك

حياك الله

الموقف حصل اليوم .. اتوقع بعد وقت (بكرة او بعده )
بتحس ان تصرفها كان سلبي .. وبتجي تراضيك ..
ومن الحين لين يجي هذاك الوقت خلك رسمي معها الين تجي
فترة المصارحة ..

تعوذ من ابليس عبادي واطمئن .. مستقبلا اقترح عليك
تهديها الشي الي هي تحبه .. وليس الشي الي انت تحبه

صدقني لو جبت لها شي هي تحبه ما تقدر ابدا تكشر بوجهك

موفق

__________________
شتان .. بين من تسيره مبادئه ، ومن تسيره مصالحه

أسلوبها جداً منرفز حتى لو فرضاً فيه شي بينهم مالها أي عذرتسوي الحركه هذي !!


لازم تفهمها أن أسلوبها خطأ ومايرضيك !!


وماترضى عليها حتى تعتذر منك على أسلوبها السيء !!


وأحرمها من الهدايا وخليها تندم على تعاملها معاك


سبحان الله زوجات يتمنون هالنعمه وزوجات عندهم هالنعمه وجاحديناها ومتكبرين عليها كمان!!

__________________
أشتقت لكم جداً 💔

ياخوي عبادي .. اصبحنا و أصبح الملك لله أول شئ
تاني شئ زوجي يقولك في أي شارع رميت الألفين ريال ..؟؟؟


ثالث شئ ، جاي تنصحني عن طريقة تقدير المرأة لزوجها و تقولي أفهمي الكلام ..؟؟؟
أنا جيت اشتكيت لك و لا زوجي اشتكى لك ..؟؟؟ ما تنصح زوجتك بدل ما تنصحني ..

أنا بديت ردي بنصيحة للكل إنه لا نتعامل زي كذا مع بعض .. و فهمتني غلط ..
و دحين جاي تنصحني ..؟؟؟

أدري إنك في لحظة غضب و قهر ..
بس ترى مو كل حرمة زوجها يدلعها و يحبها تعامله بالطريقة هذه .. إلا اللي دلعها ( ماسخ و ماله طعمة ) ..

و أنا أؤمن بإنه الرجل كل ما شكرته و مدحت فيه ، كل مازاد عطائه ..
و زوجي مدلعني و الحمد لله و مو ناقصني شئ غير إني اشكر ربي حتى يدوم حبه..
فما يحتاج تعلمني .. علم اللي عندك

يا أخوة المنتدى .. يا رفاق الدرب

هدوا اللعب ما تعودنا المناكفات منكم .. الله يستر عليكم

كلنا نخطي .. والله يسامح من يخطي حقنا

خلينا نكون عقلانيين في ردودنا .. ودمتم

حياك الله أخوي : ألفين ريال بالشارع ليتني جارك ..

-------------------------------------------------------------------------

حبيبي عبادي .. ماألومك .. موقف صعب .. وتصرف سلبي للغاية من زوجتك المصونه ..

لم تقدر مشاعرك ..!!

لم تتصرف بتصرف جميل حتى ولو لم تعجبها الهديه ..!

لذلك أنت شعورك يتملكه الغضب ولا أحد يلومك في اللحظة ذاتها ..!!

تحاول تنفيس هذا الغضب .. !!

لن أقول يفترض منها أن تفعل .. !! لأن الموقف حدث وانتهــى ..!!

لكن ماذا فعلت أنت بعد أن قالت ماقالت ..؟؟

وماذا ستفعل أنت بعد هذا الموقف ..؟؟

لابد أن تُظهر الغضب .. والزعل .. وليكن معنوياً ..

أن تعاملها بشكل جاف .. ولو مؤقتاً ..

مع هذه المعامله الجافة .. والرسمية ستتساءل الزوجة عمّــا يُغضبك ..؟

وهذا جيد لأننا سنتعامل بغة حوارية جيدة .. وأسلوب جميل في حل القضايا ..

حينها قل لها أنك غاضب على تصرفها .. ولو أن الهدية لم تعجبكِ كان من المفروض تقبلها بأي

شكل من الأشكال .. ليس إلا أنها هدية .. وممن .. ؟؟ من زوجكِ ..؟

فما الضير لو تصنعتِ الفرح والمسرة ولو لإدخال الفرح والسرور الى قلبي .. وإلا ما فائدة الهدية

( تهادوا تحابو ) ..

إن كان في قلبها وما أظنه إلا هذا حب لك ومودة ستتأسف لك بكل تأكيد ..

وتعود المياه الى مجاريها والحمد لله ..

أما كونك تقول نحن أبناء الصحراء .. فنعم لكن قلوبنا أرق من النسيم وألين من غصن الريحان..!!

أسأل الله لي ولك المسرة الدائمة .

دمت بخير .

__________________
كيف اقاوم الهم والألم. بالسجود راحة واطمئنان.

نهاية نوال..!

آفا آفا والله كل عتبي عليك يا دكتور المنتدى

ترى مو كل النساء مثل بعض ولا كل الرجال مثل بعض

كل جنس فيه الخير وفيه الشر

دقيقه دقيقه

لحظه لحظه

وش هالكلام الي تقولون انك غلطان المفروض انك تعرف وش تحب وتسئلها وش تحب هي !!!

والذي رفع السموات السبع بغير عمد ان كنتم صادقين فيما تقولون فأسال الله العظيم رب العرش العظيم ان لايرزقني من اشباهكم بالمعامله او المنطق

الرجال دافع الفين ريال وجايب هديه قد الدنيا ومتكلف فيها ومسوي جو رومنسي واخرتها يلاقي هالرد

مهب لازم تعجبها تسكت وتروح تهديها احد او تبيعها بالسوق اما هالرد السيء والاكثر من سيء فلا

لاحول ولاقوة الابالله

ماشاء الله عليك ياصبرك ياخووووووي

انا ارتفع ضغطي وشب علي القولون وانا اصلا برى الحكايه

بصراحه ما ابي اتدخل بس والي خلقني ما اجيب لها هديه لمدة سنه كامله على الاقل حتى تتأدب وتعرف تعض على لسانها ويازين الرسميه مع هالعينات والمراءه من نساء المنتدى كلهم واحده تقول ان هالرجل غلطان انا مستعد اواجها هنا او في موضوع مستقل واعرف كيف اقنعها

والله اسف اسف اسف بس من هول ماقراءت ماقدرت اصبر

يا أخي أنت رميت الفلوس لان الغضب قد اعمى بصيرتك ولم ترمها بنية الصدقة لان الصدقة لا ترمى إنما توضع في مواضعها وتسلم الى من يحتاجها و لا ترمى له

نعم أقولها عشأن حاجة دينوية تبغي بها رضى زوجتك نسيت نعمة ربك عليكِ لذا لا تكبر واستفغر الله فالفين يا أخي تمثل راتب لبعض الاسر

أخي ماذا لو قعت هذه الفلوس في يد شخص متعاطي للمخدارات أو زاني أو غير ...... هل بالفعل أنت تصدقت على هولاء وما هي الافعال التي سوف يرتكبونها بهذه الفلوس

الله يهديكم اثنينكم لنكم الاثنين غلطانين هي غلطانه لانها تعجلت ووضحت ان الهديه ماتعجبها وانت غلطان من ردة فعلك الغريبه لما رميت الفلوس من الزعل من جد الله يهديكم..

نصيحتي لك خليك رسمي معها جداااااا....لين تعتذر وتحس على دمها..

__________________