السلام عليكم ورحمة الله تعالى وبركاته

اخوي سليمان
البنت جايتك عجينة سوها مثل ماتبي الحين ولاتسكت!! وإن سكت مو بصالحك ترى ان الفات الفوت ماينفع الصوت!! تراهي جايتك على تربية اهلها وأمها وخواتها وماسوت شي جديد على تربية اهلها!! تلقى غالباً خواتها كذا او البيئة المحيطة فيها يسولفون عن ازواجهم بنفس الطريقة!! وهي تعتقد ان هالشي عادي ومن باب انها تسويلها حياة مثل حياة المتزوجات حولها وكأنها تقولهن مافيه احد أحسن من احد او شوفوا السعادة اللي انا فيها!! (الحريم مفطورات على الغيرة)

بالنسبة للخصوصية امسكها وكلمها وقل لها انا ماحب ان خصوصيتي يطلع عليها الاخرين حتى وإن كانت امك او خواتك!! وإذا كررتها حمر العين عليها وشدد اللهجة!! اما البلاك بيري ف مادري كيف سامحلها انه تشيلة بصراحة!! بس مو هذا موضوعنا!!

لابغيت تطلع معها خذ تلفونها وخلة بالشقة وخذ تلفونك بس عشان اتصالات الطوارئ لاسمح الله ، وخذ معك كاميرا عشان التصوير!!

لاتستحي منها وتقول بعدها عروس ترى هالسوالف اتلقاها وهي عروس افضل من انها اتلقاها وهي ماينة عليك عشان تصير أوامرك حلقة بأذونها.

انت الرجال وانت الراعي وانت قائد السفينة والكلمة الاولى والاخيرة هي لك!! ف مارس رجولتك على احسن وجة بما يرضي الله ولاتخضع لأي شي غلط تسوية قدامك!! ترى اذا فرط الرجل في التغاضي عن المرأة زاد استخفافها فيه ، وحط أبالك ترى ضبط سلوك زوجتك مسؤوليتك الآن.

__________________
استغفر الله واتوب إليه

لا تنزعج ياصديقي .. روووووووق
اركد وخلك ثقيل

انا مقدر صدمتك في هذا النوع البلاستيكي من النساء
حاول تفهمها شوي شوي
وادخل لها عن طريق حكاية لصاحبك انه زوجته من كثر ماتكلمت حسدوها صحباتها وزوجها جت فيه عين وكره زوجته ومشاكل الين طلقها.. ترى الحريم اكثر شي يصدقون سوالف العين والحسد والاحلام...
صدقني تقدر تسيطر عليها .. بس روووق وفكر بهدوووء ودهاء
ياشيخ تلف راسها في دقايق

__________________
ان انت اكرمت الكريم ملكته.. وان انت اكرمت اللئيم تمردَ!!

ارجو ان لا تاخذ الامر بحساسية اكثر فستعلم زوجتك مع مرور الوقت مالذي ينبغي ان لا يقال
نبهها الى خطورة هذا الشئ وتحين الفرصة لذلك ولا تجعل الموضوع يتطور الى عناد بينكما.
وفقك الله.

__________________

لازم تكون حازم لكن بما يرضي الله يكفي انها ارتكبت محرم وهو الحديث عن الفراش اضافة الى انه مفروض ان لاتتكلم بتفاصيل حياتكم واحداثها اليوميه*

يا رجال وسع صدرك, فيه حريم تلقاها قدامك تمدحك وانت احسن زوج وما قصرت معي وتعاملك راقي ورومنسي وطلباتك كلها منطقيه ومعك حق فيها وتدلعني وتمشيني وما تقصر معي واي شي ابيه تسويه وانا محظوظه فيك. وانت تسمعها كلام مثل كذا واحسن. بعد فتره من الزواج تكتشف انها مزيفه وتقول لك كلام وتقول لأهلها عنك كلام ثاني حتى الأشياء الحلوه اللي تسويها عشانها وتدل انك تحبها وحريص عليها تروح عند اهلها وتقولها باسلوب كأنك تبي تتحكم فيها او تحاول تذلها وتكسرها بينما قدامك تسوي نفسها مقتنعه بكلامك وان هذا فعلا دليل انك تحبها وانت ما طلبت منها كذا الا لأنك تحبها. صار لنا مثل ذا الأمور وانصدمنا والحل في نظري هو المصارحه وقلها يا بنت الناس اذا فيه شي مو عاجبك لا تجامليني قولي وانا بسويه على قدر استطاعتي.
سالفة انك رحت شهر العسل المالديف وأخذت فله أرخص من بعض الفلل المفروض انها تكون شاكره للي سويته قدامك وقدام الناس لكن بعض الحريم ما يملا عينها شي ومنافقات من الدرجه الأولى.
انصحك تصارحها وتطلب منها ما تسوي الشي هذا وتوقف تمثيل لأن الشي هذا يضايقك.

(مشكلتك كبيره) ولاحظ سميتها مشكله أنا مستغربه من البعض اللي يسخّف هالشي وكأنه شي تاافه
أنا معك ميه ب الميه
لاتعصب وخلك ذكي ب الكلام وإقلب كل الأمور ل صالحك ب كل الطرق وإذا مافاد سوي اللي تشوفه صح
أحسن حل أحسه , أول شي تفتح سالفة انتقادها ع الفندق قولها أنا سمعتك وهذا اللي أقدر عليه, والله يسامحك
إبدأ ب التدريج

(كلمها ب طريقه عاطفيه وكأنك تحس ب تأنيب الضمير) خليها ماتنام الليل ههه
كتبت هالشي لأنه واضح إنه زوجتك تهمها الماديات يمكن لا كلمتها وإنت مطنقر تجحدك ب كلمه أو نظره وهالشي أكيد ب يصعب الأمور
والسالفه الخاصه وهذا أكبر شي
قولها يرضيكِ أسولف ل أقربائي عنك بهالسوالف الخصوصيه ؟!
( كلمة أقربائي لأنها أقوى )
و إذا قالت لك كيف عرفت قولها الصدق إنه *صوتك عاااااااالي وركز ع هالكلمه وإذا عادت هالسؤال جاوب نفس الشي
خليها تقتنع إنها هي اللي فضحت نفسها


الله يهديها بس

__________________
( لا إله إلا أنت سبحانك )