بصراحه ياأختى هنا فى المنتدى مفيش رسايل خاصه
ولا حتى تبادل معلومات خاصه وايميلات
يعنى من الصعب التواصل غير بالمواضيع والردود وممنوع الكلام الخارج عن الموضوع كمان
كأنك فى المدرسه يعنى سكووووت وارمى ( اللبانه من بوئك كمان )..>

بالنسبه لموضوعك
أختى متزعليش منى الراجل اللى يسيب مراته عند اهلها 3 شهور منغير
مصرووووووووف عيب فى حقه جدا
لانك دلوقتى مسئوله منه مش من اهلك
غير ان ربنا يخليها يارب ليه بنت كمان يعنى مين يصرف عليها اهلك
كده عيب المفروض يكسف
وكمان بدام هو مش متحمل مصاريف زوجه وبيت واطفال
جيه بتكم من الاول واجوزك ليه
ولا هى بنات الناس بقت لعبه

بصراحه موقف والدك وسكوته ملهوش مبرر ممكن تعرفينى هتفضلوا ساكتين لحد امتى
وبنتك عرفينى بقى كمان 3 سنين هدخليها حضانه ازاى وهى لحد دلوقتى ملهاش بيت
فين بيتك انتى وبنتك
فين مهرك
فين الراجل اللى شايله اسمه
بتكلميه فى التليفون والنت بتشوفيه كل سنه
طيب تفتكرى هو ده الاستقرار
انتى ماتجوزتيش اصلا

لازم واقفه مع زوجك ياأختى لازم والدك يطالب بحقك
دلوقتى عندك بنت بكره يبقوا 2 ولا 3

ألحقى حددى حياتك ومستقبلك واعرفى راسك من رجليكى
وإلا يابنتى تتطلقى وساعتها تتجوزى راجل بجد
يحميكى ويربى بنتك
انتى دلوقتى 24 صغيره اللى فى سنك لسه ماتجوزتش
بلاش تضيعى ولا يوم تانى من عمرك
لازم والدك يكلمه النهارده قبل بكره


والحمد الله ان الهديه عجبتك وبوسيلى نور قوليلها الهديه من خالتك آيـــــــه

__________________

نور بتقولك شكرآ ياخالتو آيه

بس انا اعتقد انه فى طريقه نتواصل بيها انا مش حابه احكى هنا بالتفصيل ...

اقولك كمان مابنتكلمش نت لما كان هنا بقوله ابقى اوريلك نور عالنت قالى النت اللى هناك قفل واللى فاتح بعيد عنى !!! غريبه بيتهرب من كل حاجه حتى بنته هتحايل عليه يشوفها

والله يابنتى معاكى حق هنفضل ساكتين لامتى انا معتمده على اهلى واهلى مش بيعرفو يتصرفو مع اى صنف...وزى ماقلتلك ماكناش فاكرين الحكايه كده انه هيسبنى سنه ورا التانيه ده حتى المكالمه كل اسبوع او 4 ايام او حتى اكتر بس سؤال عن بنته وعايزه حاجه ويقفل الاول ماكنش كده خالص سبحان الله لما بقى عندنا بنت اتغير سبحان الله بجد



طيب صح ازاى بعت ليكى رسالة صداقه دى لو ماينفعش اكيد فى طريقه انا هسال الادارة

بس خايفه تكونى انتى مش عايزة نتكلم على ايميل

__________________

وكلمتك دى تزوج بس علشان الكماليات والشكليات تاكد انها صح لان اختى كانت ديما تقولى هو اتجوز بس علشان يبقى اسمه متجوز هو عمره34 سنه

واحب كمان اعرفك انه مفيش تواصل لابينه وبين والدى ولا حتة والدتى... والدتى بس من فترة كلمته وقلتله يشوف نهايه للوضع رد قال ربنا يسها...ولو استغربتى ليه ماما اللى بتتكلم هقولك لان بابا جنسيته مش من جنسيتنا وده مخليه مش فاهم الحياة هنا يمكن ده السبب اللى انا بقوله لنفسى ولو ان هتقولى مال الجنسيه بالكلام والشخصيه بس هو كده مش عارفه والله ..ماما هى اللى بتتكلم ديما فى اى حاجه

صحيح كمان هو احتمال احتمال ييجى فى رمضان هو ماقالش لكن لما كلمنى سالنى عملتى شهادة نور قلتله لا قالى طيب ربنا يسهل وحاجه كمان مرة بكلم زوجة صاحبه هى اللى بتقولى هو ممكن ييجى قريب شايفه يابنتى الهم اعرف من زوجة صاحبه
ماعلينا انا بس حابه اعرفك كل شىء ببالتفصيل
معلش ان كنت وجعتلك راسك يااحلى ايه

__________________

حسبي الله ونعم الوكيل

الله يعينك يا اختي

__________________

أختى بالنبسه لدعوة الصداقه فهى مثل التنبيه أنك صديقتى
لكن التواصل صعب لان المنتدى لا يسمح بتبادل الايميلات

اما بالنسبه لموضوع ,,
زوجك عندما تقدم لكِ وخطبك
وضع يده فى ايد ميـــــــــــــــن يعنى مين والي عند كتب الكتاب
والدك ام عم ام خال
يعنى دلوقتى انتى محتاجه لراجل من عائلتك ان شاءالله خالك عمك اى راجل فى العائله
يتكلم مع زوجك ولابد انك تتأكدى
هل فعلا ســـــوف يأتى فى رمضان ؟
لو أكيد اصبررررررى إلى ان يأتى مصر و رجل من عائلتك يجلس معه
ويحميكِ ويحمى بنوتك ويشترى لكِ بيت عشان تعرفى تربى بنتك وتستقرى
وتعرفى راسك من رجليكى انتى دلوقتى مسئوله عن بنت احميها وجبلها حقها

__________________

شكرا آيه ليكى وتاكدى ان كل كلمه كتبتيها استفادت منها واثرت فيا كتيررررر

__________________