اتصلي عليه و قولي طفشانة تعال نخرج شوي نتغدى برة أو ناكل ايسكريم

انا اقول اقعدي ببيت اهلك
وإذا سألوك قولي لهم تعبانه وبريح شوي

الا اذا مبسوطة بالوضع كل شوي يشيلك يوديك لأهلك وانتي اللي ترجعين كل مرة

عندنا قاعدة يالرجال انا غلطان ووديتها بيت أهلها انا ابادر واتكلم وترجعوا
انا غلطان وراحت بنفسها بيت أهلها انا ابادر واتكلم وترجع بنفسها للبيت مو انا ارجعها
هي غلطانه وطلبت مني اوديها بيت أهلها هي تبادر وتقول رجعني وترجعوا
هي غلطانه وراحت لبيت أهلها هي تبادر وهي ترجع بنفسها

انتي مش واضح وش مشكلتك وايش المهزلة اللي يتشكى منها زوجك
وهل قلتي له انك تعبانه أو فقط اسلوبك كان غير عن العادة

استخيري ...

ارسلت له رسالة نصية وكتبت فيها اعوذ بالله من الشيطان هو سبب كل اللي صار .. وش رايك تجي تاخذني بعد المغرب .. طبعا مارد

عموما انا بنتظره لبعد المغرب إذا ماجاء بخلي أخوي يرجعني البيت عادي بعد العشاء .. ولا كأنه صار مع إن في شيء حاز في داخلي بس لله المشتكى

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

بيشكو اهلي لو قعدت لان عندي دوام وبيستغربون .. وانا عادي بقعد بس ماأبي أهلي يعرفون لان وقتها السالفة بتكبر وإن كبرت ماراح تصغر .. وأنت أعلم بتدخل الاهل ومايجر وراه

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

طيب انتي عارفه انها بتكبر لو رحتي لأهلك
ليش لميتي اغراضك؟

واضح انك مقرره ترجعين طيب ليه تشاورين بشي انتي مقرره تسوينه؟

لست كغيري
لاتخلي طلعتك ورجعتك كذا سهله
المفروض اصلا ماطلعتي

روحة الاهل للشي الكبير
خيانه لاسمح الله.. ضرب.. سب قوي
غير كذا المفروض ماتطلعي زعلانه

وليش احي اخذك انتي ماعاد لك جيه هنا اربع سنوات واحنا ندور بنفس الدايره ضاع عمري وانا اقول بكره بتتغير وللاسف ولا انتي فالحه في شي لا احترام تحترميني امس جايب الفطور تقومين نحطين اكلك وتاكلين وتتركيم اكلي مسكر ولابيت تقومين فيه وتعرفين وش مطلوب منك بكل وقت ولا اكل يجي بوقته نقعد الواحد يفكر وش ياكل وعايشين تحت رحمة المطاعم ذبحني اكل المطاعم وجاب لي المرض وانتي همك هالجوال والمسلسلات فوق ما انا ساكت عن تقصيرك بحقي بسبب وظيفتك الي ماشفت من وراها الا ضياع مستقبلي انا والا ليش طلعت من الرياض ديره كل شي فيها رخيص وعملي بالاداره اكون قريب منهم ومايفوتني شي وجيت جده ديرة مايعيش فيها احد وجتني وظيفة حكومية بالطايف تركتها من شان حضرتك من بيقعد معك ومن بيوديك ويجيبك والا لو معي مره جالسه ببيتي كان استاجرت هناك برخص وديره جوها مناسب لي واستقريت بوظيفه حكوميه ورحت لعملي ورجعت بدون قلق -- والخوف الي انا عايشه باي وقت ممكن تحصل اي شي واضطرراقدم استقالتي . منةغير عدم اهتمامك بنفسك ووزنك هذا الي بيجيب لك المرض بعد ما جاب لي المرض .خلك عندك صفي جنب خواتك .اكيد اخوانك بيفرحون برجعتك من شان تتكفلين بامك وخواتك ترجعين زي اول تصرفين عليهم زي زمان 12سنه ولا جمعتي شي لنفسك وعندي باربع سنوات صار عندك ارض ورصيد وماجستير وتمشيات وكل امورك مرتبه


هذي رسالته ردا على رسالتي..

رديت عليه زي ماتحب .. بعد المغرب بجي اخذ اغراضي .. والله يوفقك

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

عادي ترى الوحده لاتأخرت الدوره تتعب نفسيتها .. انا حامل وكل مايجي وقت الدوره اعصابي تتلف ومع الحمل زاد انفعالي .. انا بعد عند اهلي الحين و زوجي حاظرني .. واهلي مايدرون يحسبوني زياره وكل يوم اقول لأمي ودي انام هنا اليوم بعد بس اخاف مايوافق وتقول حاولي معاه .. واسوي حالي احاول وبعدها اقول وافق .. مقدر اقولها زعلانه عندكم تصير مشكله .. وبجلس عندهم لين الله يفرجها وانتي خليك لما ترتاحين لان الحين اعصابك تعبانه ومهما تناقشتوا راح يرتفع ضغطك وتتنرفزين وتحسين كل حرف منه ياكبره .. الله يصلح مابينكم

وهذي رسالة منه بعد

ولا تقولين ان قدمتي لي،شي كل الي قدمتيه امور استهلاكيه لك فيها مصلحه ماعمرك قدمتي لي شي صافي واستفدت منه وغير شي بحياتي

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..