صراحه موضوعك يموت ضحك
وانتي غلطانه قلبا وقالبا بعد ......قله قليله من الرجل هم اللي ماشافوا مقاطع جنسيه بل اني اشك ان فيه رجل ما شافها في هالعصر.. ولو بالغلط.. ولا تقعدين تلعبين في الطلاق لحد ما يصير مستساغ عند زوجك ولاتدرين بنفسك الا وانتي عند اهلك ... غلط غلط غلط غلط اللعب في هالكلمه...ولو بس توصل هالحركه لأهله انك سويتيها بيمسكونها عليك ومتى ما حصل بينكم شي بيقولون هي اصلا من زمان بايعه وتدور الطلاق ولو صار بينك وبينه شي ووصل لأهلك من اول انك تلعبين في الطلاق .. ما بيقدرون يسوون شي وبيكون الحق عليك بإختصار لاعاد تلعبين في كلمة طلاق وتذكري ... رب كلمة قالت لصاحبها دعني دعني... بس اطمنك الرجال لما يشوف زوجته تسوي كذا يمووووووووووووووووووووووووووووووووت فيها اقصد لما تهاوشه على انه يشوف اشياء قذره يحس فعلا انها تبيه لوحدها وتحب تشوفه نظيف كنت اقول لزوجي انا انصدم فيك انك تشوف هالمناظر .. احسك وصخ مثلهم واحسك قاعد تسويها معهم هو انصدم مره من هالجمله ما تتخيلين قد ايش.. واذا شافها وجا يعني يطبق عندي غصب عني ارفضه اقول له انت اصلا كنت نايم معهم انا قرفانه منك رجاء حتى لو تروح تنام في المجلس يكون افضل.. من جد يقرفون ساعتها وبطل على الاقل يشوف داخل البيت ومع الوقت صار هو يمنع اصحابه يشوفونها وحذرهم من اي ايميل وصخ يجيه ( الا واحد قذر متعاند معاه يقول خايف من ام وليديعني ومصمم الا يرسل له شايفها مرجله الله لا يسامحه ولا يحرمه من ذنبها) صاير مره يستحي اني اصيد عليه شي او انه يطيح بلسانه ويقول شفت شي.... بعدين لا تقعدين تحاسبينه كنه بزر وتجرجرين مشاكل حليتوها من اول... مع الوقت يقل احترامه لك وتصيرين انتي وعدمك واحد عنده فانتبهي من شر الحليم اذا غضب ... هذا اسمه حقد وقلة عقل مع احترامي وهو بيفهمها كذا... على تلاعبك بطلب الطلاق .. بيلاقي سبب مقنع جدا انه يطلقك في يوم من الايام وبدون مايشاورك... ولو بتعاتبينه .. ما استبعد يكون حاسب لك كم مره انتي قلتي طلقني ولا استبعد يكون محتفظ برسايلك المستفزه .. علشان فعلا يكون معاه حق وبيقول لك انتي اصلا بايعه من اول مبدأ التفتيش وراه هذا غلط فظيع والافظع انك قلتي له انك فتشتي والافظع الافظع انك كذبتي فيها ولا تعرفين رقم ولا شي والاكثر فظاعه عاد انه من الان فصاعدا بيتعلم كيف يخبي عنك وبإحتراف بل انه ممكن يتعمد يدور ممنوعات بس عشان يخبي ويحسس نفسه انه رجل غامض... لان فيه مثل يعتز فيه الرجل ( الرجاجيل صناديق مقفله ) اعتقد مو غريب هالمثل نصيحه ادخلي قسم المتزوجين والمطلقات واقري واستفيدي وسيبك من التفتيش وراه ... اخس شي الحرمه الملقوفه على زوجها خصوصا اذا يحبها ... لا تتأكدين من حبه لك وتقعدين تجننينه بتصرفاتك خليكي رزينه وانتي ترتاحين وكل ما زعلتي عدي من واحد لميه ... و امشي شويه في البيت .. ولاعبي بنتك شويه .. بعدين روحي توضي حتى لو ماتصلين ركعتين .. ولو تصلين يكون افضل... خلال عملك لكل هالخطوات بيخف زعلك وتهدين وتوزنين تصرافاتك اكثر ولا تتهورين.. اعتذر اذا كلامي قاسي .. بس يبغالك قرصه قويه |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|