السلام عليكم ورحمه الله وبركاته ..
نزلت موضوع عن قصه زواجي وكتبت فيه ان عندي جلسه فالمحكمه ..
وما حدث فالمحكمه انه للم يحضر فاعطاني الموجه الاجتماعي خيارين اما :_
1- ان اطلب منزلا والى غير ذلك ..
2- اما ان اطلب الطلاق بضرر ويعطيني كافه حقوقي ..
فقلت للموجه بنادي والدتي كي تحضر وراي امي بنشوف .. امي اختارت الخيار الثاني فاعطاني الموجه ورقه الطلاق بضرر كي ارفعها ع القاضي ..
بعد خروجي من المحكمه اتصل فيني الموجه الاجتماعي .. فقال زوجك الان اتي الى المحكمه هل تقدرين ع المجيئ ام لا ؟! قلتله اوكي . قال لي اذا هاتفيه وقولي له انك اتيه الا المحكمه .. اتصلت به وقلت له ..
عندما دخل ع الموجه قال له انها تكلم واحد وارسلها لها رساله (اسمحيلي حبوبه بتصل بعدين ) لم يعير الموجه اهتماما كبيرا .. فقال زوجي اذا هي تتنازل عن المؤخر والنفقه والى غير ذلك سوف اطلقها .. فقلت لم اتنازل عن ولا درهم فطلاقي الاول تنازلت الان لم اتنازل .. وصرت اتكلم انه لم يسال عن ابنتي الان يريد التنازل وقلت له انه طلقني من دون سبب والى غير ذلك وهو لم ينطلق باي حرف ..
وقلت للموجه هذه الورقه اللتي اعطيتني سوف اباشر بهاا (الطلاق بضرر)
وخرجت ..
ومن ثم خرجنا من المحكمه واذا هو يرسل مسج .. سوف اقول لاهلك انك خنتيني وطلاق لم اطلق وعد ..
كتبتت هذه المسجات ولكن لم ارسلها فما رايكم ..
(من وجهه نظري امس انك ما تبا اتطلق الا بعد التنازل عن حقوقي .. وليس حبا فبيني او فابنتي .. فاذا انته لا تقدر على تقبلي فحياتك لماذا تعاند هذه المواضيع لا يفيد فيها العناد.. والزواج مسؤؤليه مب لعب .. والله شرع الزواج للراحه والسعاده والعيال ما شرع الزواج للتنكيد والمشاكل ..الطلاق صعب ع الريال والحرمه بس مب نهايه العالم واحيانا يكون الحل المناسب .. لا تفكر بالفلوس الفلوس يجلب الشقا والتعب لاصحابها والله لو تعيش اببساطه بتلقى نفسك ملك وعندك راحه البال .. والانسان ما يبغي فهالدنيا غير سعادته وراحه باله ..
اللي سويته معاك طول فتره زواجنا لوجه الله ولان الله امرنا بذلك .. انا غلطت لاني ماخبرتك ولكن انت ما فكرت تتقرب مني ما ضميتني فصدر وحاولت تفهمني .. كنت ابغي ريل يحسسني بالحنان ويهتم فيني ويتطمن عليه مب ريل مهمل ما فكرت فيوم من الايام تتود لي وتسولف ويايه وتتاخر وتحط راسك وتنام ..هذي غلطه من انا ولا انت ..؟ انت اللي حطيت حواجز من بيينا ما تسولف وتكتم عني اشيا وغيره .. في حد فحياتك ؟ او انك ما تبغي اعرف عنك شي ؟ ما اعرف شو اقولك ..
انا وحده احب ان يكون عندي بيت وريل وعيال واكون مرتاحه .. بس ما لقيت الراحه دمرت كل شي .. ما رمت اتوفق بين بيتك وشغلك وشوف كيف النتيجه ..؟ ولكن تأكد اني ما خنتك وقبل لا افكر بخيانتك افكر ان على كل غلطه نغلطها بنتحاسب عليهاا هي الدنيا مب لعب باجر ورانا حساب وكتاب وشو اللي بستفيد من وراه اذا خنتك .؟ وانت ادرى فيني اني ما احب هالمواضيع ..عفتي وكرامتي اهم من كل شي وما عاش من يتجرا يطعني بشرفي .. اللي كاسره خاطري بنتي يوم اتدور بصورتك على اصحاب البيت باباتي وهذي الايام تذكرك كثير .. لو ييت من زمان واتفاهمت لما وصلنا للي وصلناه بس اسلوب التفاهم معدوم فقاموسك ..جدي الله يرحمه اتوفى لو ييت عزاه جان يمكن تنحل المشكله بس انته مب متقبلني فحياتك وكل مره فاتحلي موال انك ما تباني فإذا انت جيه الطلاق هو الحل ..فكر بالموضوع واعرف الصح من الغلط ولا تتسرع ترى العجله من الشيطان والله سبحانه كرم المراه ما جعلها زينه فالبيت ومنذله وعطاها حقوقها .. عطيتك فرصه انت ما وفيت بكلامك وما تغيرت وما ابغي اكرر الغلطه مره ثانيه ابغي ارتاح . صبرت عليك وايد ..
ومن النهايه ..
اذا انت حاس انك قد مسؤؤليه بيت وحمه وعيال وهد هاللعبان والخرابيط اهلا وسهلا .. واذا انت حاس انك قادر اتوفق بين بيتك ومجال عملك وما تسهر برع البيت لاخر الليل بعد اهلا وسهلا .. ولانك دائما مشغول ومب فاضي فانا ابغي اقضي حاجاتي وما عندي حد يوديني فأحتاج الى سياره وليسن .. ولاني ما برد للبيت اللي انطرت منه ابغي بيت وشغاله وازيدك بورقه تعهد انك ما تمد يديك عليه وهذا اخر كلامي ..)
هل ارسله هذه الرساله ام لا مشورتكم ورايكم الصائب ..