الله يسلمكم ويسعدكم ويخلي لكم عيالكم واحبابكم يارب
ماتتخيلون قد ايش فرحت بهالدعوات
طبعا ولدي اصلا تعب خلال الشهرين الماضيه من بعد عيد الاضحى مباشره
وتنوم بالمستشفى وقالوا الدم ومااعرف ايش
يوم الاثنين كان مايتحرك بس يناظر بعيونه
صااامت لايتحرك حسيت انه مريض بس مافي حراره
والمشي ماعاد مشي يحبي ياعمري ويقاوم
اخذناه المستشفى قال الطبيب لازم تخدير كامل ويعمل له اشاعه مقطعيه بعدها يدخل تخطيط للراس والجسم
وسالوني عنه قلت اخر فتره كل حالته بالملف موجوده
اعطوه تخدير وكنت معاه
وهم يعطونه صار لون فمه ازرق مرره واحسه انكتم سالتهم قالوا طبيعي
وكان يقاوم النوم بالرغم كان صايم عشان التخدير بس اعطوه حلاوه
كان يقاوم عشان حلاوته ماناخذه اقسم بالله بكيت بكل قوتي لما شفته كذا اثر فيني خايف ع حلاوته
بعدها طلعت اشوفهم يركضون فيه ولا علموني ولا شي
اركض انا وابوه وراهم وماعلمونا ليش واسالهم ينافخون بوجهي ابغى ادخل عيوا
مكتوب انعاش عرفت بس مابي استعجل خفت ع زوجي
طلع لنا شاب سعودي تعاطف معنا قال
ضعف التنفس من كمية التخدير والنبض يتسارع
بس الحين ينعشونه
لكم تتخيلون مشاعر امه وابوه واحنا مرميان برا ونعرف ان طفلنا الصغير بين الحياة والموت داخل وماحد عبرنا
بعدها طلعت لنا وحده هنديه اعتقد بس اخلاقها من اسوء ماامر علي قالت بيبي كويس
زوجي ارتفع صوته وقال والله لااشتكيكم وين احد يجي يكلمنا زوجي عصبي جدا وفقد نفسه وصارت مشاكل كثيره
والى اليوم
رقم طبيب ولدي معي كلمته وعلمته وجاء لانه بقسم العيادات
ودخل وطلع وقال كل شي كان يمشي معهم كويس
بس التخدير ماتحمله وكان منزعج وقال الحين بنعرف وياكم كل شي وقعد يهدينا
انا اثق بطبيبه لانه طبيبه منذ ولادته واعلم مدى خوفه عليه
وجاء المدير الطبي ومدير العلاقات واخذونا عالمكتب وجابوا الطاقم الي كانوا معه وعلمونا وقالوا الولد اصلا عنده بلغم دليل وجود ربو
ولدي ماعنده ربو
قال والربو مفروض لها حالات خاصه من التخدير
قلت انا الخلاصه ولدي يصحى ويتعافى عطوني اياه ولاعاد تسوون له شي
كلمنا اخواني الشباب واخوان زوجي
جونا واتفقوا يقدمون بالحال
دخلت ع ولدي وهو نايم في سبات عمييق مايدري وش صار حواليه
قال الطبيب خلاص وضعه كويس وصحي
حاولت اصحيه فتح عيونه شوي ورجع نام
جلسنا يومين بين انعاش وخوف وبكاء
تضرعت وبكيت لله كثيرا
للحظه حسيت اني فقدته او فقدته فعلا
تخيلت اشياء سيئه
ضاع عقلي
الخميس طلعنا ووالوالد عمل مناسبه كبيره لولدي وانهالت الهدايا والدموع وكانه مولود جديد
الان نايم جانبي صحى منذ قليل وبااجمل ابتسامه صباح الخير ورجع نام حمدت الله اني مازلت اشم رائحته واسمع
لعبه وصوته