اقتباس:
المشاركة الأصلية كتبت بواسطة زين ابيها
يقارنج بالثانية شيقول مثلا ؟
و شنو المواقف اللي حسيتي فيها انه معطيها الحب والحنان ؟
لما تقولين المواقف واحنا اللي خارج الدائرة
ممكن نوزن الامر بطريقة أصح
|
هذا رجل عشت معاه سنين كان معاملته لي بشدة لحد ماحسيت انه صار بيننا عشرة اختلف وضعنا
لكن هذي المرأة من يوم دخلت حياته ماعاملها بقسوة من قبل يعرف خيرها وشرها ناوي فيها خير ويشوفها طيبة وانا يقولي كنت مااعرف خيرك من شرك لما عرفت غيرت معاملتي معاك
زين كنت لو ارسل رسالة وهو مشغوول يصدني او اتصل عليه يعطيني رفض ويقولي ماتعيدي الاتصال هي شفت يعيني يكون مشغوول ترسل عشرين رسالة يرد عليها الله يعطيك العافية انا بعزاء مثلا او مشغوول انا كان لو مزحت معاه وقلت كلمة شبابية يصرخ علي وان الحرمة لما تتكلم مع زوجها لازم توزن الفاظها اذكر مرة رديت بالجوال وقلت هلا عصب علي وحسسني انها كلمة حق صايعات هي من لسى عروسة عطاها الامان تمزح تضحك وهو يبادلها نفس الشيء يعني ماصدها ماأرعبها بتقوله يامجنون وبعطيك بوكس اصحيك من نومك يقولها خليني نايم عاشق وولهان .....هذا شفته اول زواجه وبعدها طلبت يسكر جواله وسكره برمز لأني ماحبيت اشوف اكثر
كنت ارسل رسالة اتمنى القى رد اذا رد بكلمتين وهي تعلم وصار يبحث بقوقل صور رومنسية وحب ويرسلها ويتفاعل معاها بالمقابل هي صارت طول الوقت ترسله مايهمها اي وقت لحد انا ماطلبت يوقفها لما يكون عندي وكان يقولي بعلمها بس شوي شوي
انا بيوم وهو راجع من الحج انصربت وكان يطردني من البيت عشان كان يبغاني اتنقش ومالقيت احد وممنوع اروح لاحد في بيت او مشغل وانقذني الله بوحدة جت من الحج متعجلة فوصلت قبل مجيئه بيوم ونقشتني ومع هذا مارضي
وهي شالها بنفسه وهي عروسه ووداها لبيت النقاشة الشيء اللي ماسمح لي اسويه الا بعد سنين من زواجنا وخلاها تتنقش وبيقولها انا بنتظرك عند الباب وانا طوول عمري اخواني يودوني ويرجعوني ويا كم صار مشاكل على هالنقش لازم اجيب وحده لعندي ببيتي
ملابسي وأغراضي في الغالب يعطيني فلوس ومع اخواني هي اشوفه راح راجع السوق طبعا اشوف الفواتير يصير مع الاوراق عالدرج وايش يقولي هي بذمتي لازم اجيب اغراضها ماراح اخلي احد يجيبلها ولما اناقشه يحولها انتي انا اطلعك بس هي ماتطلع السوق انا اجيب لها لعندها
لما يقارني انا لما خطبني شرطت ماأتحمل مسؤولية العيال وماخدعته كان المفروض يرفض شرطي وكل واحد بحال ...تمم الزواج وبعدها كانه ينتقم على هذا الشرط ورغم اني كنت دايما انصحه عليهم ولا يقصر في حقهم وبالنهاية كنت اقوله اذا ماراح تظلمني لانه يقلب شخص ثاني بوجود اهله جيبهم بعد ماصارت مشاكل على العيال مع اهله كان يقولي مالك دخل انا بشوف حل وشوي يقولي بدور بيت اكبر واشيلهم بس ماكان يعطيني قرار معين وبالاخير تزوج وشرط تمسك عياله وهي اصلا هذا المدخل اللي اهله شجعوه يتزوج من خلاله وبنتنا بتشيل عيالك وامك وابوك فالحين كل شوي يعيدها انتي رفضتي عيالي وهي شايلتهم وتذاكر لهم وطلعوا متفوقين وقايمه فيهم
هي جت من وضع حرب ولقت زوج حنون وبيت كامل وشهر عسل واحتراااااام فشايفته ملاك انا دخلت بيته وهو حاط براسه اني متربية بالسعودية فأكيد متدلعه بيربيني ....ظرفي وظرفها مختلفين تماما مو حاس
احيانا حتى بالحمل انا تاخرت سنة وبعدها احط فاثل سنتين ونص بين عيالي وهي حنلت من اول يوم والحمل الثاني عالأربعين على طوول ومستعدة تحمل عشانه ورى بعض يقولي سنتين ثلاث ومعي كم واحد وانتي مانعه الحمل لاني الحين رافضه العلاقة ورافضة الحمل انا مو مستقرة اصلا عشان افكر بالحمل
يعني اغلب مقارنته لي انها شايله عياله وتدور تسعده وماتقوله لا