اتصور تفسيرج صحيح ، الله يسهل ان شاء الله
لحد الآن الحمدلله النتائج مرضية .. ان شاء الله بتوفيق من الله ودعائكم تستمر جذي

الحمدلله حياتي مع زوجي مو متأثرة بهالموضوع
بالعكس مو مقصر معاي يحاول يهديني
ومو ساكت لها ... بس هي محد قادر لها!

بس ابيها توقف عند حدها ، لأن الموضوع امأثر في نفسيتي مو متحمله احد يغلط علي

مسجله صوتها ، وعندي لها كذا تسجيل
والكاميرات هم تسجل...
هم اللي ما ودها تنساني ... الظاهر وايد عجبتها

عالمي حالياً حلو ، واحياناً يمشي الحال ، وفي لحظات نادرة اتملل
والوظيفة ،، ولا في الاحلامممم

__________________

حاجة الناس إليكم من نعم الله عليكم ، فـ لا تملوا النِعم ☁✨

اوكي عندي لها تسجيلات ، وبعدين ؟ شنو التهديد المناسب ؟
ساعات افكر اتهور وادل طريج مركز الشرطة ، وعندي ليسن محاماة واقدر اشتغل عليها بقضية
لكن مو تصرف عقلائي ..
هي يختي لو هامها ومو عادي عندها جان ارتدعت!!!

حبايبي كوكي وشقردية
قبل لا تغلط علي هالمرة ، في المرة اللي قبلها لما دقت علي وظلت تغلط وتسب وتقذف
صارت بينها وبين زوجي مشكلة كبيرة واتصل في اخوانها يجون ياخذونها وفعلاً حضروا و رفضوا ياخذونها
وهي لمت اغراضها لان زوجي طردها ، وخذاها ووداها بيت اخوها ، بس رجعت من نفسها
وقال لها يا تعتذرين منها " مني يعني " أو بتخذ معاج اجراءات وصارت مشكلة غيرها هم كبيرة وقالت له ما بعتذر قال لها خير...

صار لهم حوالي شهرين أو أكثر ، ما يبات في غرفتها ينام مع عياله
واذا بيقعد ما يقعد بغرفة الجلوس لانها احيانا تكون متواجدة هناك ياخذ عياله ويقعد معاهم بالمكتب او بغرفتهم
( بس هالشيء ما له أثر عندها ، كونها متعودة لأنهم منفصلين في غرف النوم بياخذ لهم حوالي 6 سنوات )

ما يكلمها إلا اذا هي بغت اغراض حق البيت او يخبرها ان بياخذ العيال يوديهم المسجد
الظهر يتغدى وينزل مكتبه ينام حاط له سرير

بناته يقولون لي .. جذي احسن ارتحنا من سماع مشاكلهم وصراخهم!


اللي قاهرني زيادة ان قبل جم يوم - انه من اول ما تزوجت خليت حق بناته غرفة عندي يدرسون فيها - لان اذا يدرسون في قسمهم امهم كل 5 دقياق تناديهم وما تخليهم يدرسون....
امهم قالت حق بناتها خلو بنت خالتكم تشوف الغرفة .. البنات استأذنوا مني ووافقت
دخلت بنت خالتهم ( في عمري تقريباً ) تخيلو انا واقفة ما سلمت علي ، واسمعها بعدين على الدرج تقول لهم : ابوكم ما يستحي ، متزوج وحده من عمري ، وواضح ان ما عنده ذوق
بس هذي بردت حرتي فيها .. قلت لها عيب عليج جايه بيتي احترمي نفسج او عطينا مقفاج .. الحمدلله ان زوجي كان على وصول قال لها ما ابي اشوفج في بيتي مرة ثانية
لاعت جبدي من حركاتهم والله

__________________

حاجة الناس إليكم من نعم الله عليكم ، فـ لا تملوا النِعم ☁✨

بصراحة يا زين مب شايفة إن طلب الاعتذار مناسب.

فاهمة طبعاً إن زوجج يبا ياخذ حقج .. لكن الهدف الأساسي المفروض يكون إنهاء هالمهزلة .. مب إذلال زوجته.

أبداً ما أقول إن تصرفاتها صحيحة .. لكن في النهاية هي تتصرف بدافع غيرة وقهر .. ونفسها مشحونة عليج .. فمب معقول نضغط زيادة ونقول: لازم تعتذرين .. ونتوقع إنها بترضخ.

طبيعي بترفض الاعتذار.

__________________


اللهم طِيبَ الأثر .. وحُسْنَ الرحيل.

لا يا مهره غلطت واهانتني وايد ولازم تعتذر
لازم توقف عند حدها..
الطيب ما نفع معاها
هدايا وعطيت قلت يمكن تكف اذاها عني
وترجعهم تقطهم علي..


غير الاعتذار شنو الحل المناسب ؟
كلمها بالطيب
اخوانها كلموها
هدايا عطيتها
في عيد الام شاريه لها هدية .. وينردون علي
زوجي هاوشها وهم ما وقفت

__________________

حاجة الناس إليكم من نعم الله عليكم ، فـ لا تملوا النِعم ☁✨

زين ..

أنا ما قلت إنج ما تستحقين الاعتذار .. ولا قلت إن تصرفاتها ما تستلزم الاعتذار.

أنا أقول إن كمية المشاعر السلبية اللي داخلها أو حتى الأخلاق الشينة اللي فيها ما راح يسهّل عليكم هالطلب.


بعدين زوجج هاوشها وما اصطلبت .. كيف متوقعين تسمع الكلام وتعتذر؟!!!!


يمكن صار ضروري تفكرون في سكنج بعيد عنها.

__________________


اللهم طِيبَ الأثر .. وحُسْنَ الرحيل.

انتي باقي على موال تعال ابيك شوي!!!
صدقيني هذي الحركه تنرفز اللي ما يتنرفز
عندك شي قوليله وهو عندك او اجليه لين يجيك
اما تعال ابيك شوي هذا استخفاف وكانه ياهل تتحكمين فيه يا اختي

اما زوجته دام وصلتها للقذف وما وقفتيها عند حدها طبيعي بتتمادى وتتمادى
من فرعنك يا فرعون

ما تبي تعتذر ولا تخاف من احد ؟؟
القانون والحكومه تخليها تعتذر وتخاف من ظلك يوم تشوفه