الله يكون بعونك بس صدقيني ماقلت لك هالكلام

الا علشان نفسك


ابغاك تعيشي لنفسك واولادك



ولاتضيعين نفسك في اوهام تتعبك وتدمر نفسيتك



الله يفرج همك وزي ماقالوا الاخصائين ممكن يفيدونك


الله يفرج همك يارب بحوله وقوته

__________________

أسأل الله أن يهدي زوجك إنه سميع قريب

حاولي تربطينه بالمسجد والقرآن والصحبة الصالحة

تصدقي بنيه توبته والله العضيم انها بلوى وامتحان من الله له الله يهديه

شاكره لكم اخواني واخواتي تعبكم معاي وردودكم الطيبه ووقفتكم معاي ....


البارح رحت معاه موعد للدكتور وقلت له انت ليش جيه تسوي وش الفايده من هذا قال ما ادري ليش رديت له وماعندي سبب ....؟؟ قلتله انت عاجبنك هالشي قالي لا وخلاااص مابشرب... وبسسسسسس وسكت ... ولا قالي اي شي .....
ولا حتى يحاول يراظيني .... يعني عادي المسأله عنده تعودنا على هالعيشه ... زعل لمدة اسبوع وارجع انا اكلمه ونتصالح يومين وبعدين نزعل ... لو احسب حياتي معه ثلاثة ارباع الحياه اللي عشتها معاه زعل وكل هذاااا بسبب الخمر .!!!!!!!!

ما ادري شو اسوي ولا وين اتصرف ....؟؟ وين بلاقي الاستشاريون لحل زواجنا ؟؟؟؟ انا من دبي اذا احد يعرف ياريت يساعدني ...؟؟
البارحه بس حسيت اني كل اللي اسويه عشانه راح ع الفاظي .....
وادري ان اهله ما بيسون شي .....عشان مااشوه اسم عايلتهم .... لكن أفكر اخبر أخوي الكبير يمكن يقدر يساعدني ؟؟؟؟ بس اخافه يكون اخباري له مصيبه وتكون النتيجه عكسية وتكون خراب بيتي ..!!!! وانا ما اريد هالشي ولا افكر فيه ابد ولو يعييييييششششش ريلي طول حياته مدمن المهمـــــــــــــــــــــــ عيالي فديييت عيونهم ......
والأمر من هالشي زوجي يباني اييبله طفل بعد !!! ماكفاااه اللي سواه بعياله هاذيلا ؟؟؟ اللهم لك الحمد ؟!!!

الحين اخبر اخوي ولا لا ؟؟؟؟؟ دخيلكم ساعدوني ولا تخلوني دخيلكم انا بحاجه لكم .....؟

حبيبتي ادري ان قلبج عليه وانا شاكره لج مشاعره الطيبة .......تصدقين دايما انا عاايشه على الاوهام ... دايم اوهم نفسي بحيااااه سعيده جدام اهلي واهله ما ابغي احد يحس فيني وخااااصة امي وابوي لانهم وااايد يخافون علي ويحبوني موووت وما ابغي اتعبهم بالتفكير علي لاني ابغيلهم راحة البال .... فدييييت ابوي دايما كان حنون علي دايما لما اكون مريضه يحط ايده على راسي ويقرأ عليه .... ويبوس جبيني .... ماكنت ادري انه راح يظهر العكس لي في حياتي الزوجيه ... اتعب وما انام الليل كامل والله وهو مو حاسس ابداااا فيه .... ولما افيقه الصبح اقوله وصلني المستشفى انا تعبانه ... يقولي حرام عليييج انا تعبان ما رقدت عدل شوفي اي احد من خوانج خليه يوصلج !!!!!!! قد شفتوا جيه ؟؟؟؟؟ الله يعيني بس .....

ارجع من المستشفى وهو لسه نايم ولا عنده خبر في الدنيا الله يعيني

يا اخي انا مو ساذجه لهاي الدرجه وادري انه مسلسل وتمثيل ... لكن انا انسانه واحب انه احد يدلعني ويكلمني ويحسسني بحبه ... وترا التمثيل كله من واقع الحياااه بس بزبادات وانا ادري بالهشي لكن والله مافيه شي لو يسوي ريلي شراتهم ..؟؟ يا اخي تعبت وانت موحاسس فيني وتقولي لويجي واحد من الشارع جان صدقته !!! عيش انته حياتي وبعدين تعال قولي مشاعرك ..... ست سنين هب مدة بسيطه .... ولا هب سهله على وحده ظهرت من عايله متحابه ومترابطه .... ماشاء الله على ابوي كان وايد يحب امي ويعامله كويس ... الله يخليه لنا يااارب ويطول في عمره ويشفيه من مرضه .....

عيالي في عيوني يا اختي , ودايما اخلي صورة ابوهم زينه في عقولهم ,, وابدا ما اصغر من شانه جدامهم ... دايما اقولهم بابا مشغول عشان جيه مايجلس عندكم وايد ... يوم بيفظى بياخذكم على الالعاب والملاهي ....

واما عن الفتن يا اختي فأنا انسانه ولاززم بغار من حريم اخوانه , كل يوم في مكان وعيالهم يستانسون معهم . .. ليش انا وعيالي كله لا عندنا ....السموحه منكم بس الموف وايد صعب علي .... احس بأن خاطري مكسور ...

وعليكم السلام ورحمة الله وبركاته,
اختي "نبع الوله" الله يهدي زوجك ويبطل ها الكبيرة العظيمة.
أنصحك بشراء محاضرات إيمانية تشغلينها لما يكون زوجك موجود وبوعيه علشان يسمع واشتري محاضرة عن موضوع الخمر وعقوبة متعاطيه.

يقول الله تعالى "وَإِنْ خِفْتُمْ شِقَاقَ بَيْنِهِمَا فَابْعَثُوا حَكَماً مِنْ أَهْلِهِ وَحَكَماً مِنْ أَهْلِهَا إِنْ يُرِيدَا إِصْلاحاً يُوَفِّقْ اللَّهُ بَيْنَهُمَا إِنَّ اللَّهَ كَانَ عَلِيماً خَبِيراً" (35) سورة النساء وانا أنصحك وأشد على ايديك أن تكلمي أخوك الكبير وأي واحد يقدر يأثر على زوجك ايجابيا لانه ما أظن في دمار بعد الي إنت فيه

ادعي الله له بالهداية واغتنمي الثلث الأخير من الليل حسني علاقتك بالله وتصدقي من مالك واذكرك أخيرا بقول الله تعالى "يَا أَيُّهَا الَّذِينَ آمَنُوا اصْبِرُوا وَصَابِرُوا وَرَابِطُوا وَاتَّقُوا اللَّهَ لَعَلَّكُمْ تُفْلِحُونَ" (200) سورة آل عمران

__________________
لا إله إلا الله عليها نحيا وعليها نموت وبها نلقى الله

تحياتي...
أحمد أبوسند

اختي حياك الله

حالك هو بلا من الله فاصبري احتسابا لله جل جلاله ولاتيأسي ففرج ااه قريب من الصابرين

لاتعانديه فيزداد حنقا الصبر والحكمة هي الحل واعلمي ان الله يسمعك ويراك وهو وحده القادر على ازلة الكرب

واعلمي انك اذا سعيت بالصبر والحكمة على ارجاعه الى رشده فان لك اجرا كبير ا من الله في الدنيا والاخرة

ودائما اذكري الله باخلاص وقولي اللهم ان هذا بللآئك فالطف بي كمالطفت بعبادك الانبياء والصالحين

وتأكدي من فرج الله لانه تعالى بحق اقرب اليك من حبل الوريد