مستوى ماذا ؟
إن كنت تقصدين مستواي باللغة فنعم
لغتي ضعيفة جدا

فيا أختي دراستي تعتمد على نجاحي باكتساب
لغة جديدة علي
وطالما إنها جديدة فالخوف من الفشل وارد .



لكن ربما تتعجبين إن قلت لك لم أوضح مخاوفي من الفشل أمام زوجي
وافتراضه لفشلي نتيجة سماعه لزملاءه المبتعثين وكيف إن
زوجاتهم لم يكتسبن اللغة وصعوبة تعلمها بشكل عام للزوج
كونه مرتبط بأسرته على نقيض ذلك الاعزب فإنه لن يعاني

!!


فهمتي علي يا فاكهة

والله انا شايفة انك بتجيبين الغثا لعمرك

ﻻ تتشحططين و اقنعي بواقعك و خلي عنك البعثة و خرابيط المراهقات

مشكلتنا لما نطالع لفوق و تنكسر رقبتنا و نجي نقول ليتنا رضينا من البداية

الله يصلح حالك

__________________

‏
الوعي هو الملاذ ..

أستغفر الله العظيم ؛
( الفردوس غايتي )

هو من ناحية غثى فهو غثى
لكن تنكسر رقبتي ؟؟
لهدرجة ضريبة رجوعي قوية لدرجة تنشل حياتي ؟؟

لا حول ولا قوة الا بالله

يا اختي عندك سوء ظن بزوجك وكذلك تتمنين عليه وهالكلام واضح ببداية موضوعك !

وزوجك ماشاءالله متفتح ويضع جميع الاحتمالات لان قرار مهم ومصيري بالنسبه لكما

واذا هذي طريقة زوجك وتخطيطه ابشرك راح يصرف عليك وعلى ولده من غير ما تقولين له لان هو يشوف هذا واجب عليه وطبيعي يسوي بس عطيه فرصه يوقف على رجوله

وبعدين ايش سالفة مقدر اعيش من دونك ! سلامات اختي حتعيشين من دونه لا تتعلقين عطيه فرصه يتنفس اللي يتلزق يطيح
وشدي حيلك بالدراسه واللغه مع الوقت وحتى لو توقعنا الاسوء وفشلتي حيكون زوجك خلص شوط كبير من الدراسه وانت معاه يعني فترة فراقكم حتكون قصيره وغير هذا تقدرين تزورينه كل فتره

سوء الظن .. قول إنت متعرضة لخيبات منه فمانك واثقة !
المنة .. كيف فهمت إني أمن عليه ؟ بأي نقطة ؟

سالفة ما أقدر أعيش من دونه .. طبعا أبالغ ، لكن اللي أقصده مسؤولياتك يا زوجي ما أقدر عليها
لوحدي !
خاصة اطفاله ، حتى لو لقيت مين يشيل شيء من مسؤولياته ما حتقبل ابدا !
ما حتقبل اثقل على أحد وهو عايش !

وماني من النوع اللي يتلزق .. هو أخذ راحته بالطول والعرض
ولو هو قادر يطير كان طار وأنا ابتسم!
لكن بشرط حقوقنا عليه ما ينقص فيها .

أختي براءة ... الله يوفقك و يوفق زوجك ... وتتسهل كل الأمور ... أختي الكريمة ... أرجوا من الله لك التوفيق ... أولاً ... ثانياً لو افترضنا أن زوجك أنظم للبعثة ... من حقك أن ترجعي من مبتعثة إلي مرافقة ... مجرد صدور قرار انظمام زوجك للبعثة فلا يمنع النظام من رفع مكافئته الي مكافئه مبتعث + مرافقه + طفل
و أرجوا منك قراءة نظام الابتعاث عن طرق موقع التعليم العالي ... مع كامل التوفيق لك وللأسرة الكريمة ... مع شد أزرك في تعلم اللغة ... قدر التعب يكون النجاح ....

__________________
أنتم رائعون بجمال روعة القمر ... وهذه أولى الثمرات و النجاحات قادمه و بحول الله سأخبركم بكل نجاح كما أخبرتكم بكل ألم ... أنتم تستحقون أعلى وسام في العطاء و التآخي ... كم أحبكم ...

عزيزتي براءة وفقك ربي وسهل امرك
وقضى كل خير في أمرك ..
استخيري أولا ..
ثانيا عزيزتي زوجك يتحدث بمنطق وأنتِ تتحدثين
بعاطفة ..!!
لذلك لن تصلا لرأي مشترك ..!! حقيقة ارى كلام
زوجك صحيح وهو الأفضل .. طالما هو وافق لتطوير
نفسك ودراستك وسيتوقف عن عمله لفترة، ويبيع سيارته
هذه كلها تضحيات منه لأجلكِ فأنتِ اشكريه وكوني معه
لتطوير نفسه واستغلال وجوده هناك ..
أنتِ زوجته ولن يتخلى عنك لكن لا تستعجلي بالتفكير، لأنه
لا. يستطيع أن يعدك بشيء الآن ..
ايضا سؤال العزيزة فاكهة من المهم أن تجيبي عليه

__________________

جزاك الله خير ،

حابة أوضح نقطة التضحيات !
صح إنها شيء أيجابي ونقطة تحسب له
كونه رضي إني أدرس وأسعى لأهداف كانت بالنسبة لي أحلام
ولو ما ساعدني هناك وما طلعتلي مشاكل معاه بخصوصها
صدقيني حبقى ممتنة له طول العمر

لكن
مو أنا اللي جيته وقلتله بأكمل دراستي برى !

هو من قبل زوأجنا قدم على البعثة و ربي مايسر
فكنسل الموضوع
ولما اتزوجنا اقترح عليا إني أقدم اكمل دراستي
وهو يكون مرافق ليا

وكان يقولي بنروح نتمشى ونتعلم لغة

ونرجع !
خاصة إنو هوا يحب مرة السفريات
فكان مخطط على اوروبا عشان يستكشف اكثر من منطقة
واكثر من دولة!


وأنا كنت أحاول أقننننع فيه

واقوله لو اتوفقنا وجبنا قبول جامعي ليه ما نكمل ؟
ويمكن أصلا ندخل بمحظور شرعي بسبب نيتنا إننا نرجع وكذا
قام يقولي إنت مجنونة تبغينا نتغرب 3 سنوات ولا 4


:
.
بقدرة قادر اتغير تفكيره
وسار هوا مصر يكمل دراسته
ويجيبلي قصص زوجة فلان ما قدرت تكمل وجلست
وزوجها كمل
وزوجة فلان قعدت بالمعهد 3 شهور ما اتعلمت
ﻷنها ما تتكلم مع احد واكيد وضعك يكون زيها !
ﻷنو صعبة المكان مختلط !!
وزوجة فلان مدري ايشبها !


أنا ما ابغى أخلي للشيطان مجال يفتحلي ابواب واسيء الظن فيه
لكن
اللي بوصله
هو ما قدم تنازلات
عشاني بس
لو ماحسيستفيد ما كان فكر مجرد تفكير اني اكمل
هو عنده هدف والهدف هذا ما حيتحقق إلا عن طريقي ،

الله يريحيك ،

على أني سمعت هذا الكلام بالملتقى
وقلتله لزوجي اللي فاهم أصلا باﻷنظمة أكثر مني

لكن مصرر إنه يحط أحتمالية رجوعي ويبغاني
أوافق !!

لدرجة شكيت بنفسي وقلت يمكن أنا فاهمة غلط !

مع العقد الفريد في رأيها

ومسئلة أنه سيعيدك وولدك ويترككم دون مصروف ليست صحيحة , الرجل واضح عنده الشعور بالمسؤلية ؛ وسيقوم بواجباتكم بإذن الله , لكنه يتعامل معك بمنطق أسوأ الإحتمالات