زوجتك مافيها إلا العافية إن شاء الله
بس اتعقدت نفسيا من سماعها لرجال اتزوجوا على حريمهم ويمكن استصيبت منهم كيف زوجاتهم مو مقصرين وشايلينهم في عيونهم ورغم كذا اتزوجوا عليهم وإنت الله يهديك ويصلحك عليك بتدليعها ومدحها كثييييييير لا تمزح معاها بقوة يعني انت اكيد تعرف اش المزح اللي يزعلها يمكن مزحك ثقيل مرة عشان كذا تزعلها وهيمادامها تقرأ الموضوع الله يهديها كمان تحسن الظن واتركي عنك وسوسة انه يتزوج عليكي عيشي حياتك مع زوجك بكل حب ورومانسية وانبسطي ولا تدققين عليه وقولي له ماراح تلاقي وحدة زيي وماراح ترتاح إلا معاية انا بس ادلعي واتغنجي بتجيبن راس زوجك واهله بس مثل ماوصيتك الله يسعدكم ويوفقكم ويصلحكم ويرزقكم الذرية الصالحة تحيــــــــــــــــــــــــــاتي |
اهلا اختي ..
لو انها جاهلة او نصف متعلمة او امية الاقي لها دبره .. المشكلة جامعية وعلى درجة عالية من الثقافة .. (عثة كتب) ما شاء الله عليها .. بس هالشيء مالقيت له حل .. والمشكلة هي مقرة ان تصرفاتها ممكن تؤثر على الاطفال .. ومكتبتنا ولله الحمد عامرة من الكتب الي تختارها بنفسها وتقراها .. هي في المنتدى وراح تدخل عشان نتناقش .. شاكر ومقدر مرورك |
السلام عليكم ورحمة الله وبركاته المشكلة ومافيها يا جماعة ان عندي زوجة طيبة ما في مثلها بالدنيا احبها واقدرها واحترمها |
الاشكالية يا جماعة ان زوجتي مصابة بإحباط شديد وثقة مهزوزة بالنفس ودايم تقول عن نفسها انها ماعندها هدف في الحياة وانها فاشلة وانها وانها الللللللللللللللللللللخ حاولت اساعدها كم مرة ولكن تحبط نفسها بنفسها واكتشف انها محبطتني معها بس الامور دايما تمشي وانا متقبلها بكل مافيها هالمخلوقة .. |
وانا ولله انسان ما اتشرط وعطاني الله نعمة اني ما ادقق كثير ولا اتشرط لا في اكل ولا في شرب ولا في حوسة صح .. |
والمشكلة زوجتي ترى انها مشكلة وهي عندي مو مشكلة وكل شوي تقول لي لو متزوج وحده ثانيه تهتم وتسوي وتشيل وتحط ومدري وبعد واقولها انتي كل شي بالنسبة لي ولا تفتحين لي هالسيرة ابد لا سالفة زوجة ثانيه ولا سالفة طلاق ولا على سبيل المزح وكل مرة ترجع على سالفة الزوجة الثانية وتدقق علي اشياء ما دققت عليها وتقول لو زوجة ثانيه ومدري وش بعد |
اقولها يا بنت الحلال (تراك تبرمجيني لاشعوريا ) على سالفة الزوجة الثانيه وتخليني ادقق على اشياء عادة ما ادقق عليها والقصورر من الجميع لا منك ولا مني |
عصبت وزعلت وراحت على جهازها وقالت يعني انت ممكن تتزوج وحده ثانيه قلت انا ماراح اتزوج وحده ثانيه بس اقولك لاتبرمجيني لاشعورياواقعد افكر بالموضوع من كثر ما تربطين المواضيع بالزوجة الثانيه قالت قلعتك روح تزوج وحده ثانيه ان شاء الله تنحرق انت وياها وكل الرجال قلت لاحول ولا قوة الا بالله |
وعلى طاري هالموقف تذكرت موقف يوم كنت بدولة عربية واتصلت عليها وقلتلها لولا مخافة الله اولا ثم حبك كان عملت اشياء من ورائك و زعلت وحافظتها من 3 سنين وتقولي اصلا ليش تفكر في العلاقة قلت انا مو بشر قالت لا المفروض ماتفكر كذا ودعت علي وعلى كل الرجال كالعادة .. |
وكل ما مزحت معها مزحة تفترض في مزحتي اسوء ظن ممكن و تعصب واقعد اقولها يا بنت الحلال احسني الظن بالمزح ليش دايما تحسين انه نقد مبطن ؟؟ |
وقاعدة تقول ان وزني زايد واولها انتي مو دبيه بس ربربتي واني فيها انه امتلا عودها وقاعدة تقول يعني سمنت وانت ماتحب السمان تحب النحاف يعني ما تحبني والاسطوانة تتكرر .. |
مدري ايش اسوي هالحين ... عموما هي تدخل المنتدى دايما واكيد بتشوف الموضوع ..بس ابيكم تقولو لي رأيكم بالي صاير .... |
تعبت من كثر ما تنتقص في نفسها رغم قدرها الكبير فيني ... |
ايش اسوي ؟ |
القضيه مفهومه والحمد لله ثم مش كل الازواج عيونهم لبرا
والزوجه هي اللي تغني زوجها عن مليون لازم هي من الداخل تقوي نفسها خلاص تقول زوجي لي وانا له بكل صدق اخوي اانا فرحت كتير بموضوعك هذا دليل حبك لها الله يهنيكم يا رب ويبعد عنكم الحسد والعين وقلة الكلام بالمجتمعات عن الزوجه الثانيه وغيرو لان اكثره كلام فشخره اصلا اذا قارنا كم رجل متزوج على زوجته يطلعو ٢بالميه خلاص حمليها خفيف يا اختي واجلسي معنا في المنتدى هنا انتي وزوجك وشاركونا بالحلول خلاص عرفنا انكم الاثنين معنا يا سلام هيك تتناقشو مع بعض بالحلول للمواضيع وتطلعو لنا برد روعه ثم هذه وساوس الشيطان اللي ما يترك حد بحالو عاوز ينغص عليكم حياتك اصرفوه |
اهديها كتب الدكتور ابراهيم الفقي في البرمجة اللغوية العصبية (هي 3 كتيبات صغيرة)
كتيييييييييييير مفيدة انا شخصياً كتير استفدت منها بتعطي ثقة بالنفس و و تطوير للذات بشكل جيد و ايجابي و هناك كتاب النساء من الزهرة الرجال من المريخ مترجم أيضاً حلو كتير و بخليها تفهم طبيعة الرجل و طريقة التعامل معه كنت اقرأه بفترة خطبتي و بصراحة كتير استفدت منه في التفاهم مع زوجي |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|