صح لا تقدم على خطوة إلا و أنت مرتاح لها.
هذا زواج مافيه مجاملات. سبحان الله من أول نظرة
الواحد يرتاح أو العكس. الله يعين أمك و أختك مو ذنبهم انهم شافوها بغير نظرتك
نصيحه إلي يتشرطون واجد آخرتها يرضى بالقليل انتبه تكون من هالنوعيه.
الله يرزقك بالزوجه الصالحه إلي تقر عينك بها.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

ماتصيرين امي شهرين الين اتزوج بس وارجعك
امين وياك ويتمم على ولدك ويوفقه ويرزقه من حيث لايحتسب

ماعندي مانع واخطب لك اخت خطيبة ولدي ماشاء الله عليها
بس اتخذ قرارك مع خطيبتك والله يرشدك للصواب
ولاتنسى الاستخاره قبل ماتتخذ القرار حتى ماتندم
وترى الجمال مو كل شي ياما نساء ماعندهم جمال لكن معيشه زوجها احلى عيشه
بالتوفيق ان شاءالله

__________________
كم من إنسان كثير الثياب ..عاري الثواب ..مذكور في الأرض.. مهجور في السماء..!‏ ‏ ‏‏
[السعدي رحمه الله]

الله يجزاك خير وماقصرت شرحك وافي وكافي وانا يمكن مثل ماتفضلت شكلها ماارتحت له واحس انها كانت حايسه عمرها بزياده ماادري وشلون صراحه بس الله ييسر لها واحد يعشقها ويعطيها روحه
والله يهدي ذا اللي عندي لانهم طلعوا لي بتقليعه جديده يقولون اكيد انك مازلت تحب زوجتك الاولى عشان كذا ماعجبتك

اول شي الله يرزقك ويجعلك زوجه صالحه ويرزقك بالذريه الصالحه ويجيك ولد وتسمينه هريدي

ووالله حتى انا ضاق صدري حيل عليها وضاق صدري زياده يوم قالت لي امي اليوم انهم اتصلوا ثانيه عليها يقولون نبغاه وصراحه مااودي اني اجامل احد خصوصا فهالموضوع
الحمدلله اني قوي ولامتحزبين علي
الله يكتب لها الخير مااتمنى لها الا كل خير

امين الله يجزاك خير ويرزقك بس حلو عتريس شكلي بااسمي ولدي عتريس انشالله اذا جا ولقيت الكنز المفقود اللي هو امه
والثاني هريدي
والثالث قندل يعني جندل

اووف تقوله صادق انت
والله اني مميزات حبوب وامي من النوع البارد يعني اللي بتتزوجني ماراح تحصل مشاكل
بس امرالله اقوى


ممكن اسال وش الشروط اللي يقولها ابوك يعني كذا فكره عامه ووش الاسئله اللي تسالها امك
وكيف بيخطب اخوك لعمره ماادري اذا انت من بلد محافظ ولالا
يعني يقدر يشوف البنت قبل مايصير اي شي ولا خذني جيتك مثلنا
الله يجزاك خير على اهتمامك واسف كثرت عليك الاسئله

الله يجزاك خير وهذا اللي حصل ماجاملتهم وحتى اليوم متصله علي امي تحاول قلت لها اسف بس هاذا مشروع خاص فيني وانا اللي بعيش معها وبقابلها
وطلعوا يتكلمون وراي يقولون يحب زوجته الاولى عشان كذا ماعجبته
بس لاتوصي حريص قعدت لهم

يااامي انت الله يوفقك قولي امين ويوفق ولدك وزوجته واختها وابشرك انشالله اموري في السليم وفيه مشروع جديد بس هالمره ماراح اتكلم الين يتم يعني لاتعلمون احد

الثالثه ثابته ان تمت ولاببطل صراحه كنت مليان مشاعر واحاسيس ...... وشعنده الفرنسي
بس الحين صار هم الزواج ماعادهو وناسه
والله يخلي لي اميمتي حبيبتي والله لو يحطون نساء العالم في كفه وامي بكفه لاخترتها حلوة اللبن ماابدلها لو بنجوم السماء
الله يخليها لي ويحفضها حبيبتي

أخوي الكريم ,,

ماراح أزيد عن اللي قالوه الأعضاء بس عندي إقتراح

هالمره ان شاء الله خلي الوالده واختك ياخذون احد معاهم شوف في العائله مين عندكم من النوع الا يدقق وجريئ شوي يقدر ياخذ ويعطي مع البنت ..
عماتك او خالاتك او بناتهم يعني يكون في طرف ثالث في الموضوع يحكم ويوضحلك الصوره ,,

وبالنسبه للمشاعر والأحاسيس ترى اللي تمر فيه طبيعي ..
لكن صدقني لو جات بنت الحلال جمال ودلال وأسلوب وأخلاق بيطير عقلك فيها ..
وبتفجر مشاعرك كلها وبتصير روميو زمانك لاتستعجل على رزقك ,,

ربنا يوفقك ويكتبلك مافيه الخير ..
بشرنا ايش يصير معاك

__________________
عندما أنتهيت من بناء سفينتي جف البحر
وعندما حطمتها نزل المطر .. !!

تبيني اروح مع الوالده المره الجايه ؟؟

انا اخطب لاخواني من يومي بالثانوي ..

اقز قز مووو طبيعي ..

ومااسكت هذره من ادخل لين اطلع ..

كني اسولف وانا اتقصى ..

واذا طلعت من هنا تخطبني ام البنت من هنا ...

__________________

بعد إذن صاحب الموضوع ،،،
تكفين يا اختي ساعدينا ،،، اخوي له سنتين يبينا نخطب له وحنا الله يخلف علينا عليميات أنا وخواتي ،،،
ممكن تحطين لنا خطوات تتبعينها دائماً في الخطبة ،،، خصوصا اذا كانوا من برى العائلة وودنا نعرف معدنهم وأخلاقهم اللقاء الاول ما يكفي ،،،
تكسبين أجرنا والله ،،، لأننا ندور في حلقة مفرغة
بالأخير اخوي مل وقال والله ما تدرون الا أنا داخل فيها عليكم ،،، مشكلتنا انه اول اخ ،، ( والله انها مهمة صعبة ما توقعتها كذا )

__________________
علمتني الحياة .. أن استمع لكل رأي واحترمه وليس بالضرورة آن اقتنع به ...

امين واياك وشكلي مابتزوج لين افرق العائله كلها لان هالمره كانت من طرف خالتي وشكلهازعلت
والمرهاللي راحت من طرف عمامي واكيد زعلوا طبعا ماهمني بكيفهم يصطفلوا
شكلي بافرق العائله واخر شي بتزوج من برا
الله يعين بس