المشاركة الأصلية كتبت بواسطة × الرسمي ×

مرحباً أختي

جزاك الله خير على كلامك الطيب بحقي وربي يرفع قدرك ويوفقك

بالنسبة لموضوعك ..
جميل منك إحترامك لقرار زوجك وطاعته في عدم الذهاب لصديقتك وزيارتهم في بيتهم .. وهذا يدل على حب زوجك لك وحرصه على البعد عن الشبهات والمشاكل المحتملة وكذلك خوفه عليك

أما الحل من وجهة نظري
فأرى أن تكتبي له رسالة خطيه وتضعيها مفتوحة بجانب جلسته مع كوب عصير ووردة إن كان عندك أو قطعة شوكلاته

وتكون رسالتك تعتمد على 3 محاور
1- إشعاره بطاعتك له
2- تبسيط المشكلة
3- حبك له

فأكتبي كالتالي :
زوجي وحياتي وعشقي الأبدي
تعلم أني زوجتك الحبيبة المخلصة المطيعة لك .. ولا تعتقد أني أعصي أوامرك أو أخالفك أبداً .. فأنت تاج على راسي وأبي وأخي وزوجي الذي أعلم أنه يريد لي الخير ويخاف علي ويبغى مصلحتي وأنا أقدر لك ذلك وبإذن الله أني لن أخالفك أبداً .. ولذلك أن أقدر لك سماحك لي بالتواصل مع صديقتي وزميلتي التي بيني وبينها عشرة عمر .. وكنت ملتزمة بكلامك ولم أزورها أبداً في بيتهم .. ولكن لأن تلك الليلة كان حفل زفافها وألحت علي بالحضور لمشاركتها فرحتها .. فلم أريد أن أضايقك وأزعجك ففضلت الذهاب لحضور حفلتها ليس لوحدي لأني أعلم أن من حبك تخاف علي بل برفقة أخواتي .. ولو لم يذهبن أخواتي لكنت ما ذهبت .. مع العلم أن الحفلة كلها نساء ولم نرى رجل قط ودخلنا وخرجنا بسرعة حتى نقوم بالواجب .. أرجو أني قد وضحت لك الصورة كاملة لأني حريصة أن لا تزعل علي فأنت غالي عندي وأعشقك من كل قلبي .

محبتك وزوجتك المخلصة دلال

المشاركة الأصلية كتبت بواسطة شاطى الراحة

الخطى راكبك الي قمة راسك وما يحتاج تبرير سبحان الله حريم يدورون المشاكل دورة انا توقعت منعك من محل معين بسوق بصراحة الحق مع زوجك 100% ولا احد يلومة عتذري منة وحبي راسة وتركي العناد والمكابر ومستقبلا اسمعي كلام زوجك ولا تعاندينة
والي مثل صفات زوجك يصبر مرة مرتين وينفجر ونفجارة طلاق
بعدها عضي اصابع الندم يا ابله دلال

المشاركة الأصلية كتبت بواسطة متفائله200

هههه سمعتي ياأبله دلال حتى أنا معاهم الحق مع زوجك لو إنك كلمتيه بما إنها ملكتها ممكن كان وافق لأنه ذهابك رح يكون مع نساء كثير فما يخاف عليك

بس انتي استعجلتي ورحتي بدون استئذان وبعدين تحملي ضغطه ممكن بكره يقلك قاطعي صحبتك

المشاركة الأصلية كتبت بواسطة ثنيـــــان

المشاركة الأصلية كتبت بواسطة Lofty

قسم اني مثلك ضايقتن فيني الوسيعة بس فالتنها واشكر ربي اللي وسع صدري 😊 ، صدق ان الدنيا ما تسوى يا دلال !
يوم ذكرتي موقفك و الله اني تفهمتك ، و عرفت وش تحسين فيه ، و كيف بتنحرجين لو ما تروحين عرسها ، بس وش نسوي عاد ، هذا أمر الله ، و الله يا دلال ، ان الرجال تحلى طاعته يوم يكون طيب العشرة ، ينفدى بدم القلب و الروح ترخص له ، خلاف اللي يرفض كذا عناد لا يبرر و لا شي ، تحسين نفسك فسجن او زنزانة يا ربي سترك ...!
بس من جد زوجك الله يبارك فيه و يحفظه لك ، انسان راقي جدا ، و أسلوبه جميل، عسى ربي يبارك فيه ، ما شاء الله لا قوة الا بالله ، _ لا نطقه عين 😊 _ ، عشان كذا زعل منك بقوة ، فلا تعيدينا بارك الله فيك ، و اعتذري له بشكل مختلف ذي المرة ، كبر الجرح يكون الاعتذار ، اتخيل صدمته يوم عرف ، مب هينة يا دلول ..!

المشاركة الأصلية كتبت بواسطة أبله دلال

طيب انت ليه تهاوش اللحين !
لا انا ما اخطأت وما اعترفت ولاذكرت اني اخطأت
هو اللي حدني لو احترم رغبتي وناقشني ماكان سويت شي من وراه

وماعاندت بالعكس هذا انا احاول اكلمه واناقشه وهو اللي يصدني
والمشاكل والله مانبيها بس هي تجي مدري من وين !

المشاركة الأصلية كتبت بواسطة عميد البلوت

بصراحه السبب اللي زوجك منعك من الذهاب لصديقتك بمنزلها مقنع جداً وهو ماقصر بعدم منعك من مقابلة صديقتك في امكان اخرى وانتي اخطأتي بعدم طاعته..انا رأي هالمرة تغيري بعض قناعاتك وتعتذرلي له بشكل مباشر وان شاء الله بتنتهي المشكلة

المشاركة الأصلية كتبت بواسطة أبله دلال

كيف اعتذر بشكل مباشر وانا اصلاً اذا كلمته يسفهني ويمشي مايرد !
ياكثر ما قبلت اشياء عشانه وانا مو مقتنعه فيها
خلاص عاد عشان زواجها ويوم مهم يقبل ويتنازل شوي !
كنت حريصه انه مايعرف بس حظي !


يالله الحمدلله على كل شيء