اسال الله ان يعينك ويفرج همك
فعلا ما لك الا الصبر اختي بس الشره عى زوجك الله يهديه ويسخره لك

__________________
كم من إنسان كثير الثياب ..عاري الثواب ..مذكور في الأرض.. مهجور في السماء..!‏ ‏ ‏‏
[السعدي رحمه الله]

ربما لا احد يفهمك او يحس بك مثلي فانا عانيت الويل من حماتي
وماتت وصار ولدها ينتقم مني لاني لم ابقى تحت رحمتها
اختي اصبري ثم اصبري ثم اصبري ولا حل لك الا اثنين لا ثالث لهم
الصبر او الطلااااااااااااااااااااااااااااااااااااااااااااق
اقول لك انا اصبري فهذا ما كتبه الله لنا ان نتزوج برجال يطيعون امهاتهم تقريبا مثل طاعتهم لخالقهم
ليس هناك علاج لحماتك ..سوى الصبر عليها ..عيشي حياتك وقومي بواجباتك نحوها على اكمل وجه زوريها مرة على مرة وخففي هاته الزيارات حتى لا تعلقي معها و مع زوجك واتركي امرك لله

اشكر كل من رد علي واهتم بموضوعي
لكن العله بزوجي ولد امه كييييف اتعامل معاه ياليت اللي عنده خبره تفيدني

شوفي انا ام زوجي قوية ومش قليلة وتموت ع اشي اسمه مشاكل
وزوجي نوعا ما ابن امه ويخاف منها ويحسب لها 100 الف حساب
وبخاف حتى يشتري للبيت اشي لانه عارف انها رح تعمل مشكلة
اي اشي برداية طاولة شرشف.. ما علينا
المهم انا فرجتني نجوم الليل بعز الضهر والله وحاليا الي عشر سنوات متجوزة
طبعا ما فهمتها الا بعد 6 سنوات كيف لازم اتعامل معها
كانت تجنني وتحب تعمل مشاكل بيني وبين زوجي وبما انا متفاهمين
صارت هي كل يوم يومين تعمل لي مشكلة تمسح الارض بكرامتي و
نفس الاشي بنتي الكبيرة البكر كانت تجنني ليش هيك ملبساها وروحي غيري لها
لما نطلع مع بعض مشوار بتعرفي الاطفال اللي عمرهم اشهر بعيطو كتير تنكد علي حياتي ما اعرف اقعد
في القعدة ما في الا روحي غيري لها الفوطة روحي رضعيها داخلة طالعة ما اعرف اقعد بالقعدة مع الناس اللي رايحة عندهم المهم بلا طول سيرة
بطلت اطلع معها ولا مشوار لا خير ولا شر وازا في مناسبة مضطرة اجتمع معها في مكان بتعذر اني مريضة او بنتي مريضة.
بحكم عيشتي معها في نفس الحي بمنزلين متلاصقين ف الواجب ازورها يوميا كانت تعجب علي وما تخلي
المهم صرت ازورها مرتين بالاسبوع بس عشان تحس انه انا انسانه مستقلة ابنها يروح عندها قد ما بدو ما عندي مشكلة المهم انا لما صرت ازورها قليل صارت تقول ما بتزورني قاطعة رحم ومن هالقصص بس مش مشكلة المهم راسي مرتاح.
بعدين زيارتي بحدود الساعة وزي ما قالت اخت من هالخوات انه ما بحكي كتير بس كيفكم وشو اخباركم وهيك اشي .. ازا هي فتحت موضوع بحكي ما فتحت موضوع بضل ساكتة.
واي اشي بتنتقدني اول كنت ازعل وابكي ويتلون وجهي بالوان الطيف واعصب هي بتفرح لانها نالت مرادها يا حبيبتي ما توصليها ل هالاشي خليها تحرق بحالها يعني الان لما تحكي اي اشي عني او عن اولادي او عن جوزي بعمل حالي ما سمعت يعني ما بعطيها ردة فعل او ببتسم بدون ولا كلمة ببتسم وبسكت عاد هي بتولع نار لان النار تاكل بعضها ان لم تجد ما تاكله لانها بتعيش على حرقة دم واعصاب الاخرين لما تحس انها ما فرقت معي ولا هزت شعرة مني بتحس انها ما الها مفعول ولا تأثير بالتالي بتخفف من هالناحية وبتحاول تدور ع اشي طريقة جديدة عشان تزعجك فيها لانه هاي الطريقة انتهى مفعولها..
بتعرفي اللي خلاني اجاوبك اشي واحد اللي هو انك سالتي واحدة بتحبي بنتك يسير فيها هيك؟؟
فعلا هزني لانه انا واقعة تحت هالشي وعارفة شو يعني وانك ما بتحكي من فراغ بالعكس من بحب المشاكل ؟؟

الشر النسائي اللي هو شر غير مبرر ولا يحتاج الى سبب وانما هو شر لاجل الشر وايذاء لاجل النشوة ولاجل انزال دموعهن فحسب. حسبي الله لانه الدين يمنع هيك تصرفات
الشر النسائي يحتاج
برودة اعصاب
ضحكة باردة صفراء
ونظرة ازدراء
وكل الامور بتصير تمام التمام واهم اشي اسمعي من هون وطلعي من هون ولا كانك موجودة

صمتي‘ عـَنْ بـَعْض التـَافـْهين ~
لا يـَعْني قـِبُولـِي لــِ تـَفَاهَتـِهُم !
و صَبـْريِ عَنْ أذى البـَعض ~
لا يـُعـْتَبر قِلـةَ حـِيله !
هُم بــِ ھَمجـِيتهُم يـُمَثلونَ عـَقليـْاتـِهم المـُتَخلفه ~
ۆ أنـّا بــِ تَسآ
ۆ أنـّا بــِ تَسآمـُحِي مَعهـُم أمَـثل أخـْلاقـِي العـَاليه ~
فــَ شٌـكراً لــِ أهْلـي الذيـِن أحْسَنوا تـَربــِيَتي‘ ~
وحِظاً أوفر لــِ أهْلِهُـم فـَقْد رُزقـِوا بــِ حُثــَالـْه

صدقيني حاسة فيكي والله يكون بعونك بس اتمنى اني اقدرت اساعدك يا حبيبتي وطمنيني عنك
صدقيني بسمع مسبتي باذني وبسوي نفسي مش سامعة
بس اللي مصبرني اية
قال تعالى "انما يؤخرهم ليوم تشخص فيه الابصار" واية تانية(ايحسب ان لن يقدر عليه احد)
دائما اشكي لرب العباد وقولي حسبي الله ونعم الوكيل وانتي رايحة عندها اقرئي الكرسي وقولي ربي اكفنيها بما شئت وكيفما شئت وصدقيني ربي راح ياخد لك حقك تالت ومتلت لانك مظلومة وادعي الله لانه ليس بين دعوة المظلوم وبين الله حجاب وصدقيني يوم القيامة راح تفرحي لما تاخدي حقك منها يوم لا ينفع درهم ولا دينار سيشفي الله غليلك منها يارب يشفي لي غليلي من ام زوجي حسبي الله وكفى
اسفة ع الاطالة

مع راي روح المساء

__________________
[IMG]http://im11.***********/2012-01-23/1327344345591.png[/IMG]