الله يعينك

ياحبيبتي مافيه حياة بدون مشاكل بس هو خلاها اسطوانه اسبوعيه

معقول هو كذا من اول سنه زواج

جربي اول مايصحى يوم الخميس غيري في البيت واعملي حفلة بالونات شموع بطاقات....... من هالحركات واذا باله وسيع خلي من ضمن الحفله العاب مسليه سوني او شطرنج او تنس او اي شي عندكم وشوفي

يمكن هو مل من الروتين

__________________
اللهم اهديني وعافني واعفو عني واحفظ لي بنتي وولدي ووفقني في دراستي وحقق لي مااتمناه

عزيزتي ماهي طبيعة عمل زوجك ؟ اذا كان في عملة نساء فيمكن لة شوفة ثانية لذالك يكرة الخميس والجمعة واي اجازة ثانية بياخذها تأكدي من الموضوع واتمنى لك التوفيق والهداية لزوجك ...............تحياتي

اللي يقول عمله في نساء لا طبيعه عمله عاديه جداً مهندس في شركه

وطبعاً الشركات عندنا في بلدنا ماتسمح بالاختلاط بالعمل

يعني كلهم رجال في رجال



وهو ماعنده أصدقاء خير شر ولا يعترف بالاصدقاء والصداقات لدرجه انه حرمني من جميع صديقاتي

كلهم يطلبوني نطلع مع بعض نشوف بعض بس هو يرفض بس اتواصل معهم عن طريق الجوال



وفي بيت اهله قبل لا يتزوج كان يقضي الخميس والجمعه في النوم...



واللي يقول خليه يطلع مع اخواني او ازواج خواتي اقولكم للأسف مافيه احد من خواتي متزوج

واخواني ماعندي غير اخو واحد ولسى طفل بال13 سنه ...




واللي يقول هو مل من الروتين وسوي له حفله او غيري بالبيت

انا اهتم بنفسي بزياده ايام اجازته بس ما بي اخاطر واسوي له حفله عشان يقلبها علي نكد

مرة فاجئته بهديه حلوة من مكافئتي من الجامعه جمعت مكافئتين وشريت له ساعه تجنن وتاخذ العقل

وغلفتها فشلني وكسر بخاطري


حتى ماكلف عمره يفتح الكرت ويقراه او حتى يشوف الهديه


رماها بكل برود على طرف السرير وقال لي بكل برووووود وش هذا!!

قلت هديه علشانك ..قال لي انتي بس هذا اللي فالحه فيه ماتمسكين قرشين الا تطيرينهم هذي شغلتك

قلت هذي من فلوسي ما خسرتك شي قام قوم الدنيا وقعدها وحطمني تحطيمه ما انساها طول حياتي


يوم جا يوم السبت وروق كالعاده جاني يتأسف يقول انا كنت متضايق وطفشان وراح اشترى لي ساعه


بس وش عقبه عقب ما فشلني وحطمني وكسر بخاطري





اليوم السبت جا من الدوام الحمدلله زانت نفسيته وروق ورجع طبيعي


بس انا زهقت ابي حد لهذي المهزله اللي كل خميس وجمعه تصير

__________________

الله يسعدك ام وليد ضحكت من قلبي


كنت طفشااااااااااااااااااان ...

والله يصبرك يا صاحبة الموضوع ..

ريم مثل ماقلتلك

روحي لاهلك من يوم الاربعاء في الليل

وقولي له انا ما احتديت اروح وانام عند اهلي يومين الا افعالك اللي جننتني

وكل ماسويت هالحركات بافهمها انك تقولي روحي لبيت اهلك بطريقه

غير مباشره

وشوفي ايش يقول ؟؟

بس لاتنسي اقري عليه

هوكذا من اول ماتزوجتيه ؟

يمكن يغار من بنتك واهتمامك فيها ؟؟

__________________

هاايدي


هذا حاله من تزوجنا وربي ما اكذب في اي شي


وهو ما راح يتركني في بيت اهلي بسلام بيجلس يرسل لي رسايل تغثني ولما ارجع يستلمني هواش

وصراخ وزعل ونكد..

__________________

أختي ريم :
معظم المتزوجات وخاصة الطالبات والعاملات ..ينتظرن يومي الخميس والجمعة للراحة ويتفاجأن بأن اليومين يذهبان سدى حيث تنقلب حياتهم الى نكد وزهق وخلاف مع بعضهم ..

السبب في معظم تلك الحالات كان هو عدم التخطيط الجيد للإجازة ...

حاولي عزيزتي في أحد أيام الأسبوع يعني وهو رايق تطلبين منه أنكم تقضون هالاجازة في مكان ما حتى لو بيت أهله أي مكان المهم انكم تغيرون فيه جو عن البيت ..

حتى لو قضيتيه في البيت اسأليه كيف ممكن تقضوا هاليومين ...
أعانك الله وفرج همك ...

__________________

الاخت العزيزه احتمال كل الاشخاص الذين ردوا على استفسارك في قلبهم شئ اخر لا يحبون ان يذكروه لك وهو احتمال ان يكون متزوج باخرى ويقضي معها فتره خلال الصباح وينقطع هذا الاتصال ايام العطل وفي رمضان وبامكانك يا اختي التاكد من ذلك بطريقه ذكيه وليس بطرق تخرب بيتك وحتى اذا كان هذا التوقع صحيح وان شاء الله ان لا يكون كذلك فاياك ان تصارحيه بذلك وحاولي استرداده بشتى الطرق لانك لو صارحتيه سيكون كالهم الذى ازيح عن صدره ويقول لك نعم وعند ذلك لا حول لك ولا قوه وانما دعيه يخاف ان تكتشفي ذلك وتدريجيا سيعود لك واعرفي بذكاءك ما يحب وما يكره ولاحظي علاقتك الجنسيه معه هل انت مقصره معه ام لا وحاولي ان تتحرشي به بطريقه لطيفه وخاصة صباحا قبل ذهابه الى الدوام ... واتمنى بعد كل ذلك ان يكون ظني ليس بمكانه

السلام عليكم فانصحك بعدة اشياء
اقرئى سورة البقرة كل ثلاثة أيام
كونى نظيفة متعطرة
اجذبيه نحوك بكلامات رقيقه من خلال الهاتف كونى هادئة معه وبالأصح باردة اذاتكلم بما لايرضيكى
غيرى من نظام حياتك اغلقى الانوار وأضيئى الشموع
ودائما اكثرى من الدعاء وقولى اللهم كما ألفت بين قلوب المسلمين ألف بينى وبينه
وأذهبى معه عند أهله فأنت لاتدرين ما يلقاه هناك اومايسمعه