اختي الكريمه عجيبه هالدنيا
سؤال صغير جدا
هل فكرت بزيارة طبيب نفساني ؟؟؟؟؟
وما الذي يقرفك في زوجك بالتحديد
شكله
تصرفاته
عاداته والخ
ولي عوده باذن الله تعالى

__________________

اختي اتكاءة حرف واخواني مناجي والقند جزاكم الله الف خير ورزقكم الجنه
=======
اختي البيضاء لاتعلييييييييييييييق

=========
اخي بلو بيرد كل شي انقرف منه فيه كلامه اسلوبه حركاته مااعرف ليه
مااقول غير الحمدلله

=======
كلمه للجميع
انا مااعترضت على قدر الله ولاقلت اني اانا بس اللي اعاني وانا بس المتعذبه لا ورب البيت مااقصد هذا كله
انا اللي كنت ابي اوصله اني فعلا ماارتحت للشخص مع انه المفروض يكون اقرب الناس لي
ولاتحسبون اني مبسوطه بالعكس انا ودي احبه وارتاح له بس مو بيدي بهالشي قلتوا لي حاولي لاتحسبون اني كتبت اللي امر فيه كذا انا ماكتبت الا بعد محاولات وبعد فتره سنه ونص من التعب والهم واملي في الله كبير انه يفرج عني هالهم ولو بعد مليون سنه
ولا تحسبون اني قلت دعيت ودعيت وماجاني شي لاوربي وحده يعلم بالعكس اقول اني مقصره في الدعاء وواثقه تمام الثقه ان رحمة ربي واسعه سبحانه ارحم بعباده من الام على ولدها
بس انا كتبت موضوعي ابي اتكلم لاني تعبت من الكلام القاسي اللي يجيني حررام عليك ونعمه ترفسينها وخافي من الله واحمدي ربك
الحمدلله حمد وشكر يليق بجلاله وعظمته
انا ورب البيت اني ماطلبت ولاحلمت بشي مستحيل مجرد ارتياح وامان
والانسان مهما كان وده يتكلم ويقول كل اللي بخاطره ويرمي شوية هم من اللي عنده
لكم مني دعوة صادقه واسأل الله العلي القدير ان يتقبل مني انه سميع قريب مجيب

كلامك غريب كتير كيف تكونين جامدة وهناك رجل يجامعك حتي ولو كنت ماتحبية يجب ان تكون هناك اثارة طبيعية مع الجماع فمن ناحية طبية لايمكن ان يدخل رجل قضيبة في ......وتكون جامدة راجعي طبيبة مسلمة متزوجة ومثقفة.

اختي في الله

الله يرزقك الراحة والأمان ... وكل ما تتمنين من الحلال
فالله كريم ولا يبخل على عبادة الطيبين الصالحين بشيء
ولكنه يشتاق لصوتهم ونداءهم .. والحاحهم له بالدعاء

ولن ينساك أعضاء المنتدى بدعاءهم الصادق
النابع من قلوب صافية .. محبة للخير لك وللجميع

وفقك الله لما يحب ويرضا

حسيت ان مشكلتك هي اختلاف الطباع فهو يحب ان يضحك على فلان وفلان
لايهمه ان جرح احد او لا ؟؟
لايهتم بنفسه من اجلك ؟؟
وفوقات في التفكير؟؟

هذه هي سبب بعدك عنه !!!

الله يفرج عنك وعن اتكاءة حرف وعني وعن المسلمين

__________________

أتمنى منك قول الصراحة في هذه النقطة.

ماذا كان شعورك عندما رأيته في أول مرة؟ أقصد رؤية وجهه و ليس بالهاتف.

حددي بالضبط النقطة الزمنية الفاصلة التي جلبت لك الانتكاس في مشاعرك تجاهه.

هل هي عند الخطبة؟ عند الرؤية؟ عند الطلعة في ليلة عشاء؟ حددي...

هل بعد مكالمة هاتفية معينة في ليلة معينة؟

نقطة ثانية: ما هو شعورك تجاه الزواج بشكل عام؟ هل كان لديك رغبة في الزواج؟ هل كنت متشوقة للزواج و تنتظري النصيب؟

أم مجرد رغبة الأهل؟

أختي عجيبة هالدنيا....
كل ما لقيت موضوعك على الصفحة فرحت ورحت اقراه علىطول كاني انا اللي كاتبته..لان كل حرف تقولينه احسه يتكلم عني..
بس حبيت اضيف اضافة بسيطة ....
اولا ما قلت هل ذهبت الى طبيب نفسانسي الا لا؟ لان الطبيب له دور مو بسيط..
وثانيا.. مسالة القراءة علىنفسك اقري كثيييييييييييييير! لا تقولين قريت وما لقيت أثر..لا ترى احيانا تحتاج المشكلة لشهور من القراءة..
سورة البقرة تختميها كل يوم.... ثلاثة او اربع ايام,,راح تلقين لها أثر...واكثر اثرها اذا كانت في قيام! صح تحسينها صعبة شوي بس صدقيني اول يوم وبعدين تتعودين عليها خصوصا اذا بديت بالصلاة من بعد العشاء على طول كل شوي تصلين ركعتين وتقرين قسم وهكذا مرة مرة زينة..
لا تقولين ما فيني عين ولا سحر ترى يضيق صدري اذا احد قال كذا.. لان القراءااااااة ليست لمنع الحسد والعين....
القرااااااااااااااااااااااااء دواء بحد ذااااااااااااااتها...
اكثري من القراءة والاذكار لها اثر في نفسية الانسان..
أيضا كلام اخوي مناجي الصمت صحيح .زاحيانا يبتلينا لله علشان نرجع له نلح ونشد ونتذلله سبحانه ويكون في المكصيبة مهما طالت خير يرجعنا نفكر بالآخرة وننسىالدنيا ومتعها ونعلق بالجنة أكثر..
وكثيرا ماتكون الابتلاءات سبب رجعتنا لربنا..
فخلينا نجعل هذه ا لمحن ......منح!
شي ثاني..فهمت من كلامك انك مصرة على الاستمرار ومستعدة تتحملين المعاناة وهذا شي رائع منك والله راح يكون معاك ويخفف عنك..

إذا كان هذا فعلا قرارك..فصدقيني الأمور تتحسن مع الوقت..
انا مع ا لوقت تغيرت مشاعر كثيرة فيني وحسيت بفرق ربما العشرة..بس سبحان الله اذا صبرت واقتنعت بالاستمرار راح تتجاوزين اشياء كثيرة..

لكن اذا استمريت وانت ما اقتنعت بالاستمرار فراح تتعبين أكثر...
لذلك اقولك زيارة الطبيب تفتح لك ابواب..

الله ييسر أمورك..

جاءت امرأة إلى النبي صلى الله عليه وسلم تشتكي بغضها لزوجها قيس بن ثابت (فقالت لا أعيب عليه في دينه ولا خلقه ولكن أكره الكفر في الإسلام - تعني كفر العشرة والإساءة إليه - قال لها النبي عليه الصلاة والسلام أتردين عليه حديقته قالت نعم فخالعها)
حالتك كثيرا مايقع نظائرها في المجتمع والمحاكم مليئة بمثلها والمخرج منها هو الشرع
فما ترك الدين شارده ولا وارده في مناحي الحياة إلا عالجاها كما قال أبو الدرداء رضي الله عنه (( مامات رسول الله صلى الله عليه وسلم وطائر يطير بجناحيه إلا علمنا منه علما))

حتى دخول الخلاء والخروج منه علمنا كيف ذلك
وقضيانا الإجتماعية وغيرها لو عرضناها على الشرع الحنيف لوجدنا لها حلولا كثيرة ومن ذلك مشلكتك بإمكانك أن تردي عليه ماله الذي أعطاك وهذا يسمى في الفقه (الخلع) بضم الخاء وعسى الله أن يرزقك خيرا منه ويرزقه خيرا منك [وإن يتفرقا يغني الله كلاً من سعته]

الأخت العزيزة
الله يكون عونك أنت تعيشين مأساة لا احد يدركها إلا من جربها
وارجو من الأخوة والأخوات ان لا تقسوا على هذي الأخت فهي فعلا ممزقه بين واجبها كزوجة وحيياتها كإنسانه
فهي تعيش جسد بدون إحساس او مشاعر .. إذا كان الواحد ما يحب نوع من الفاكهة وما يقدر يأكله غصب
فما بالك بحياة وعشرة؟؟؟ لذا اختي العزيزة نصيحتي لكي أن تجربي الأبعاد عنه لفترة بيت أهلك مثلا
وشوفي نفسك ؟؟ تقدري البعد عنه أو ممكن تحنين له وهذا ما اجوة لكي إن شاء الله
تحياتي لك

اختي سحر
مافيه شي غريب لانك اصلا في هذاك الوقت تكونين ميييييييته فكيف راح يثيرك
لاتستغربين شي هذا ابتلاء والله يصبرني وجزاك الله خير
==========
اخوي مناجي الصمت جزاك الله الف خير وفتح لك ابواب رحمته ورزقه

============
اختي المتوكله صح كلامك واشياء كثيره ثانيه موبس اللي قلتيها
جزاك الله خير وفرج الله همومنا والله يفتح لنا ابواب رحمته
=========
اخوي الذئب
مااعرف وش اقولك اول ماشفته جتني ضيقة صدر صرت بس ابكي
وهذا كله في اول يوم من الزواج
صدقني اخوي مافيه بنت ماتكون متحمسه للزواج بس زواجي من هالشخص وافقت عليه بعد الضغوطات اللي جتني فسكت وتحملت قلت يمكن بعد الملكه يتغير كل شي ماتغير شي قلت يمكن لاني مااكلم الشخص كثير بصبر الين الزواج وبدت المصيبه من اول يوم الى هاللحظه
==============
اختي اتكاءة صدقيني انا فرحتي اكثر لما اشوف ردك وانتي اكثر وحده اتحمس اشوف ردها لانك انتي مريتي اللي انا اعيشه الحين واكثر وحده حاسه فيني
ماراح اكذب عليك رحت لطبيب بس روحتي له زي قلتها
القرايه ودي استمر عيها بس الا مايجي شي يشغلك ويخليك تنسين بس اللي مصبرني اني اكثرت من الدعاء ولله الحمدتقريبا ليلي كله يروح في الدعاء مااصلي الا الوتر واقعد ادعي لاني متيقنه وواثقه ان الله سبحانه وتعالى ماراح يخيبني يمكن تطول المده بس اهم شي احس اني قريبه من الله سبحانه وتعالى
والله يااتكاءه جيتي على الجرح كأنك شايفه اللي بداخلي انا مستمره معه ومو مقتنعه لولا خوفي من الله كان دعيت على نفسي بالموت من كثر الالم اللي احس فيه
عارفه يااتكاءة لما تحسين بالالم داخل بين ضلوعك ويضغط يضغط يضغط عليك الين تحسين انك منهاره شعوري اكثر من كذا بس هالشعور مخليني استمر والح في الدعاء
اول قبل لااكون في هالمصيبه كنت ادعي بس عارفه ماياخذ مني اكثر من خمس دقايق وان طولت عشر دقايق بس الحين احس كل شي تغير صرت احس ان الله قريب مني وانا ادعي واطول واحس بالكلام اللي اقوله مو مثل اول واله ان هالشي هو اللي مصبرني
اسفه طولت عليك بالكلام بس حسيت اني ودي اقول واتكلم
الله يغفر لنا ويرحمنا برحمته سبحانه وتعالى انا كنا ظالمين
====================
اخوي ghonder
مافهمت وش معنى كفر العشره والاساءه اليه؟؟؟
==============
اخوي بحر الشمال
جزاك الله خير ورزقك الجنه وابعدك عن النار والله يفتح لك ابواب رحمته ورزقه من اوسعها انه سميع قريب مجيب